ജീവിതം വഴിമുട്ടിയവർ വിളിച്ചാലുടൻ ശ്രീ വാരാഹിദേവി വിളി കേൾക്കും
(നേരം ഓൺ ലൈൻ ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : neramonline.com)
മംഗളഗൗരി
ജീവിതദുരിതങ്ങളും ശത്രുക്കളുടെ ശല്യവും പകയും കാരണം ജീവിതം വഴിമുട്ടി നിർക്കുന്നവർ വിളിച്ചാലുടൻ വിളി കേൾക്കുന്ന ദേവീശക്തിയാണ് ശ്രീ ലളിതാ ദേവിയുടെ സേനാതലൈവിയായ ശ്രീ വാരാഹി ദേവി. ശ്രീ പഞ്ചമിദേവി എന്ന പേരിലും അത്യുഗ്ര ശക്തിയുള്ള വാരാഹി അമ്മ അറിയപ്പെടുന്നു. കേവലം വാക്കുകൾ കൊണ്ട് വർണ്ണിക്കാൻ കഴിയാത്ത ഉഗ്രശക്തിയുള്ള
ശ്രീവാരാഹി ദേവിയെ ആരാധിച്ചാൽ ക്ഷിപ്രഫലസിദ്ധി ഉളവാകുന്ന പുണ്യ ദിവസമാണ് രണ്ടു പക്ഷത്തിലെയും പഞ്ചമിതിഥികൾ. മേടമാസത്തിലെ കൃഷ്ണപക്ഷ പഞ്ചമിയായ ശ്രീ വാരാഹി പഞ്ചമി 2025 ഏപ്രിൽ 18 വെള്ളിയാഴ്ചയാണ്.
കാട്ടുപന്നിയുടെ മുഖം. സൗന്ദര്യമുള്ള യുവതിയുടെ ശരീരം. 4, 8, 16 ഇങ്ങനെ വിവിധ കൈകളോടു കൂടിയ രൂപങ്ങൾ. തൃപ്പാദങ്ങൾ രണ്ട് മാത്രം. ഈ ദേവിയിൽ അഭയം തേടിയാൽ ഏതൊരു വ്യക്തിയുടെയും ജീവിതം സുഖകരമാകും എന്നത് വെറും വിശ്വാസം മാത്രമല്ല അനുഭവം തന്നെയാണ്. ഭയം, വിഷമം, തടസ്സം തുടങ്ങിയ ബുദ്ധിമുട്ടുകൾ നേരിടുന്നവർക്ക് എപ്പോഴും അഭയമാണ് വാരാഹി ദേവി. ഭക്തരുടെ ഏറ്റവും വലിയരക്ഷക.
പഞ്ചമി പഞ്ചഭൂതേശി എന്ന് ലളിതാ സഹസ്രനാമത്തിൽ പരാമർശിക്കുന്ന ശ്രീ വാരാഹി ദേവി ശ്രീ ചക്രത്തിൽ മഹാപത്മാടവിയുടെ ഈശാന ദിക്കിൽ അതായത് വടക്ക്, ഭൂപുരത്ത് വസിക്കുന്നു. അഞ്ചു കോണുള്ള ചക്രത്തിൽ ഇരുന്ന് സേനയെ നയിക്കുന്ന ദേവി അജ്ഞാനത്തെ നശിപ്പിച്ച് തൻ്റെ ഭക്തർക്ക് അറിവ് പകരുന്നു. വെറുതെ ശ്രീ വാരാഹി ദേവിയുടെ പേരൊന്ന് പറഞ്ഞാൽ മതി ആ ക്ഷണത്തിൽ ഭയം മാറും. സങ്കടവും മന:ശ്ചാഞ്ചല്യവും ഒഴിയും. സപ്ത മാതൃക്കളിൽ ഒന്നായ ശ്രീ വാരാഹി ദേവിയെ ഭജിക്കാൻ ഏറ്റവും ഉത്തമമായ സമയം രാത്രി 7 മുതൽ 9 വരെയാണ്. എല്ലാ ദിവസവും ഈ സമയത്ത് തന്നെ ഉപാസിക്കണം. ഇഷ്ടം പോലെ സമയം മാറ്റരുത്.
ബീജ മന്ത്രങ്ങൾ ജപിച്ച് ശ്രീ വാരാഹി ദേവിയെ ഭജിക്കാൻ കഴിയാത്ത സാധാരണ ഭക്തർക്ക് ദ്വാദശ നാമങ്ങളാൽ അമ്മയെ ആരാധിക്കാം. ഭക്തിക്ക് മുന്നിൽ അതിവേഗം പ്രസാദിക്കുന്ന വാരാഹി ദേവിയുടെ 12 ദിവ്യ നാമങ്ങൾ ശ്രീലളിതോപാഖ്യാനത്തിലാണുള്ളത്. അതാണ് വാരാഹി ദ്വാദശനാമവും സ്തോത്രവും. ഇതിലെ ഒരോ നാമം കൊണ്ടും ആരംഭിക്കുന്ന 12 ശ്ലോകങ്ങളാണ് ശ്രീ വാരാഹി ദ്വാദശനാമ സ്തോത്രം. ഇത് പതിവായി ജപിക്കുന്നവർക്ക് ചുറ്റും വജ്റ പഞ്ജരം പോലെ അഭേദ്യമായ കവചം ദേവി ഒരുക്കും. ദേവീ പ്രധാന ദിവസങ്ങളിൽ പ്രത്യേകിച്ച് രണ്ട് പക്ഷത്തിലെയും പഞ്ചമിക്ക് ഇത് ജപിച്ചാൽ അതിവേഗം ഫലം കിട്ടുമെന്ന് പറയുന്നു. പ്രസിദ്ധ ഗായകൻ മണക്കാട് ഗോപൻ ആലപിച്ച വാരാഹി ധ്യാനവും ദ്വാദശ നാമവും സ്തോത്രവും കേൾക്കാം
Story Summary : Varahi Panchami of Krishna Paksha of Medam Month on April 18 Friday
ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്‍ത്തകള്‍ അപ്പപ്പോള്‍ ലഭിക്കാന്‍, അസ്ട്രോ ജി, നേരം ഓൺലൈൻ ആപ് ഡൗണ്‍ലോഡ് ചെയ്യുക : AstroG App
Copyright 2025 Neramonline.com. All rights reserved
