അഷ്ടൈശ്വര്യങ്ങളും രോഗമുക്തിയും തരും ഗണേശ പഞ്ചരത്നം

NeramOnline 17/07/2020

അഷ്ടൈശ്വര്യങ്ങൾ ആഗ്രഹിക്കുന്നവർക്ക് എല്ലാ ദിവസവും പ്രഭാതത്തിൽ ജപിക്കുവാൻ പറ്റിയ
ശ്രേഷ്ഠമായ ഗണപതി സ്തോത്രമാണ് ഗണേശ പഞ്ചരത്നം. പൊതുവേ വിഘ്ന നിവാരകനായാണ്
ഗണേശഭഗവാൻ പ്രകീർത്തിക്കപ്പെടുന്നത്. എന്നാൽ തടസങ്ങൾ മാത്രമല്ല രോഗ ദുരിതങ്ങളും അശുഭങ്ങളും ആപത്തുകളുമെല്ലാം അകറ്റുന്ന ദേവനാണ് ഗണേശഭഗവാൻ എന്ന് വ്യക്തമാക്കുന്ന ഗണേശ പഞ്ചരത്നസ്തോത്രം ആദിശങ്കരനാൽ രചിക്കപ്പെട്ടതാണ്. എല്ലാ ദിവസവും രാവിലെ ശുദ്ധിയോടെ ഇത് ചൊല്ലുന്നവർക്ക് ആരോഗ്യം,
ദോഷനിവാരണം, വിദ്യ, പുത്ര സമ്പത്ത്,
ദീർഘായുസ് തുടങ്ങി അഷ്ടൈശ്വര്യങ്ങളെല്ലാം ലഭിക്കുമെന്ന് ആചാര്യർ ഫലശ്രുതിയിൽ വെളിപ്പെടുത്തുന്നു. സന്തോഷത്തോടു കൂടി മോദകം വഹിക്കുന്നവനാണ് ഈ സ്തോത്രത്തിലൂടെ നമസ്കരിക്കപ്പെടുന്ന ഗണപതി. ഇതിന്റെ നിരന്തരമായ ജപത്തിലൂടെ ആപത്തുകളെല്ലാം
ഒഴിഞ്ഞു പോകും. അശുഭങ്ങളും രോഗക്ലേശവും ക്ഷണനേരത്തിൽ അകറ്റും. ദാരിദ്ര്യദുഃഖം തീർത്ത്
ഐശ്വര്യം പ്രദാനം ചെയ്യും. അർത്ഥം അറിഞ്ഞ്
ഈ സ്തോത്രം ജപിച്ചാൽ ഉപാസകരുടെ ജീവിതത്തിൽ സന്തോഷവും സൗഖ്യവും നിറയും.

ഗണേശ പഞ്ചരത്നസ്തോത്രം
ജയ ഗണേശ ജയ ഗണേശ ജയ ഗണേശ പാഹിമാം
ജയ ഗണേശ ജയ ഗണേശ ജയ ഗണേശ രക്ഷമാം

1
മുദാകരാത്ത മോദകം സദാവിമുക്തി സാധകം
കലാധരാവതംസകം വിലാസിലോക രക്ഷകം
അനായകൈക നായകം വിനാശിതേഭ ദൈത്യകം
നതാശുഭാശു നാശകം നമാമി തം വിനായകം