ശിവഭഗവാനെയും പാർവതി ദേവിയെയും അതിവേഗം പ്രീതിപ്പെടുത്താൻ സഹായിക്കുന്ന അപൂർവ്വമായ തിങ്കൾ പ്രദോഷം 2022 ജൂലൈ 11 ന് സമാഗതമാകുന്നു . ഈ ദിവസം സന്ധ്യയ്ക്ക് പ്രദോഷ പൂജയിൽ പങ്കെടുത്ത് ശിവ പഞ്ചാക്ഷരിയും ശിവ അഷ്ടോത്തര ശതനാമാവലിയും ജപിച്ചാൽ അളവറ്റ പുണ്യവും അഭീഷ്ടസിദ്ധിയും ലഭിക്കും. എല്ലാ പ്രധാന മൂർത്തികൾക്കും അഷ്ടോത്തര ശതനാമാവലി പ്രചാരത്തിലുണ്ട്. ക്ഷേത്രങ്ങളിൽ പൂജകൾക്ക് മുഖ്യമായും ഉപയോഗിക്കുന്നത് മൂലമന്ത്രവും അഷ്ടോത്തര ശതനാമാവലിയുമാണ്.

108 എന്ന സംഖ്യയുടെ മഹത്വം പ്രസിദ്ധമാണ്. ഭഗവത് നാമങ്ങളും മന്ത്രങ്ങളും കുറഞ്ഞത് 108 തവണ ജപിക്കുന്നതാണ് ഉത്തമമായി കണക്കാക്കുന്നത്. എന്നും ഇഷ്ടദേവതയുടെ സഹസ്രനാമങ്ങൾ ജപിക്കാൻ സമയ പരിമിതിയും മറ്റ് അസൗകര്യങ്ങളും ഉള്ളവർക്ക് ആശ്രയിക്കാവുന്നത് അഷ്ടോത്തര ശതനാമാവലിയെ ആണ്. ഏതാനും മിനിട്ടുകൾക്കകം ജപം പൂർത്തിയാക്കി ഇഷ്ടദേവതയുടെ സാന്നിദ്ധ്യം മനസിൽ ഉറപ്പിക്കാം.

നിത്യജപത്തിനും വിശേഷ ദിവസങ്ങളിൽ പ്രത്യേകിച്ചും അഷ്ടോത്തര ശതനാമാവലി ജപിക്കുന്നത് നല്ലതാണ്. ആദ്യമായി ശിവഅഷ്ടോത്തരം ജപിച്ചു തുടങ്ങാൻ ശിവരാത്രി, തിരുവാതിര, പ്രദോഷം, തിങ്കൾ ദിവസങ്ങൾ ഉത്തമമാണ്. ആദ്യം തുടർച്ചയായി 21, 41 ദിവസം ജപിക്കണം. പതിവായി ജപിച്ചു തുടങ്ങുന്നതോടെ നാമങ്ങളുമായി ആത്മബന്ധം ഉണ്ടാകും. ക്ഷേത്രങ്ങളിൽ പുഷ്പാഞ്ജലിക്ക് മിക്ക പൂജാരികളും ജപിക്കുന്നത് അഷ്ടോത്തര ശതനാമാവലിയാണ്. ക്ഷേത്ര ദർശന വേളയിൽ ഭക്തരും അഷ്ടോത്തരം ജപിക്കുന്നത് ശ്രേഷ്ഠമാണ്. ക്ഷേത്രത്തിൽ വച്ചുള്ള അഷ്ടോത്തര ജപത്തിന് അപാര ഫലസിദ്ധിയുണ്ടെന്ന് വിശ്വസിക്കുന്നു.
അഷ്ടോത്തര ജപം എല്ലാ അഹിതങ്ങളും ജീവിതത്തിൽ നിന്നും അകറ്റും. ഈശ്വരാധീനം അറിയാതെ നമുക്ക് ചുറ്റുമുണ്ടാകും. പതിവായി അഷ്ടോത്തരം ജപിക്കുന്നത് ഒരു രക്ഷ തന്നെയാണ്. കഠിനനിഷ്ഠകളില്ലാതെ ആർക്കും ഇത് ജപിക്കാം. അർത്ഥം മനസിലാക്കി ജപിക്കാൻ ശ്രദ്ധിക്കുക. ശിവ അഷ്ടോത്തര ശതനാമാവലിയാണ് ഇവിടെ ചേർക്കുന്നത്.

ശിവന്റെ അർദ്ധശരീരമായി മാറുന്നതിന് എനിക്ക് അതിവേഗം ഫലം ലഭിക്കുന്ന സ്തോത്രം പറഞ്ഞു തരണമെന്ന് പാർവതീ ദേവി നാരായണനോട് ആവശ്യപ്പെട്ടു. അങ്ങനെ അതിവേഗം ഫലം നൽകുന്നതും വളരെയധികം രഹസ്യ സ്വഭാവം ഉള്ളതുമായ ശിവാഷ്ടോത്തരം ദേവിക്ക് പറഞ്ഞു കൊടുത്തു. ഒപ്പം ധ്യാനവും ഉപദേശിച്ചു. അതിനാൽ ഈ മന്ത്രത്തിന്റെ ഋഷി നാരായണനാണ്. അനുഷ്ടുപ്പ് ഛന്ദ: സദാശിവവോ ദേവത :

ധ്യാനം
ധവള വപുഷമിന്ദോർമണ്ഡലേ സംനിവിഷ്ടം
ഭുജഗ വലയ ഹാരം ഭസ്മദിഗ്ദ്ധാംഗമീശം
ഹരിണ പരശു പാണിം ചാരു ചന്ദ്രാർദ്ധ മൗലിം
ഹൃദയ കമല മദ്ധ്യേ സംതതം ചിന്തയാമി

(വെൺമയാർന്ന ശരീരത്തോടെ ചന്ദ്രമണ്ഡലത്തിൽ കുടികൊള്ളുന്നവനും സർപ്പങ്ങളെ ആഭരണമായി അണിഞ്ഞിരിക്കുന്നവനും ഭസ്മം പൂശിയ ശരീരത്തോട് കൂടിയവനും മാൻ, മഴു എന്നിവ കൈയിൽ അണിയുന്നവനും കമനീയമായ അർദ്ധചന്ദ്രനെ ശിരസിൽ ചൂടിയവനുമായ ശിവനെ എപ്പോഴും ഹൃദയ മദ്ധ്യത്തിൽ ധ്യാനിക്കുന്നു.)

ശിവ അഷ്‌ടോത്തര ശതനാമാവലി

ഓം ശിവായ നമഃ
ഓം മഹേശ്വരായ നമഃ
ഓം ശംഭവേ നമഃ
ഓം പിനാകിനേ നമഃ
ഓം ശശിശേഖരായ നമഃ
ഓം വാമദേവായ നമഃ
ഓം വിരൂപാക്ഷായ നമഃ
ഓം കപര്‍ദ്ദിനേ നമഃ
ഓം നീലലോഹിതായ നമഃ
ഓം ശങ്കരായ നമഃ
ഓം ശൂലപാണയേ നമഃ
ഓം ഖട്വാംഗിനേ നമഃ
ഓം വിഷ്ണുവല്ലഭായ നമഃ
ഓം ശിപിവിഷ്ടായ നമഃ
ഓം അംബികാനാഥായ നമഃ
ഓം ശ്രീകണ്ഠായ നമഃ
ഓം ഭക്തവത്സലായ നമഃ
ഓം ഭവായ നമഃ
ഓം ശര്‍വ്വായ നമഃ
ഓം ത്രിലോകേശായ നമഃ
ഓം ശിതികണ്ഠായ നമഃ
ഓം ശിവാപ്രിയായ നമഃ
ഓം ഉഗ്രായ നമഃ
ഓം കപർദ്ദിനേ നമഃ
ഓം കാമാരയേ നമഃ
ഓം അന്ധകാസുരസുദനായ നമഃ
ഓം ഗംഗാധരായ നമഃ
ഓം ലലാടാക്ഷായ നമഃ
ഓം കാലകാലയേ നമഃ
ഓം കൃപാനിധയേ നമഃ
ഓം ഭീമായ നമഃ
ഓം പരശുഹസ്തായ നമഃ
ഓം മൃഗപാണയേ നമഃ
ഓം ജടാധരായ നമഃ
ഓം കൈലാസവാസിനേ നമഃ
ഓം കവചിനേ നമഃ
ഓം കഠോരായ നമഃ
ഓം ത്രിപുരാന്തകായ നമഃ
ഓം വൃഷാങ്കായ നമഃ
ഓം വൃഷഭാരൂഢായ നമഃ
ഓം ഭസ്‌മോദ്ധൂളിതവിഗ്രഹായ നമഃ
ഓം സാമപ്രിയായ നമഃ
ഓം സ്വരമയായ നമഃ
ഓം ത്രയീമൂര്‍ത്തയേ നമഃ
ഓം അനീശ്വരായ നമഃ
ഓംസര്‍വ്വജ്ഞായ നമഃ
ഓം പരമാത്മനേ നമഃ
ഓം സോമസൂര്യാഗ്‌നിലോചനായ നമഃ
ഓം ഹവിഷേ നമഃ
ഓം യജ്ഞമയായ നമഃ
ഓം സോമായ നമഃ
ഓം പഞ്ചവക്ത്രായ നമഃ
ഓം സദാശിവായ നമഃ
ഓം വിശ്വേശ്വരായ നമഃ
ഓം വീരഭദ്രായ നമഃ
ഓം ഗണനാഥായ നമഃ
ഓം പ്രജാപതയേ നമഃ
ഓം ഹിരണ്യരേതസേ നമഃ
ഓം ദുര്‍ധര്‍ഷായ നമഃ
ഓം ഗിരീശായ നമഃ
ഓം ഗിരിശായ നമഃ
ഓം അനഘായ നമഃ
ഓം ഭുജംഗഭൂഷണായ നമഃ
ഓം ഭര്‍ഗ്ഗായ നമഃ
ഓം ഗിരിധന്വിനേ നമഃ
ഓം ഗിരിപ്രിയായ നമഃ
ഓം കൃത്തിവാസസേ നമഃ
ഓം പുരാരാതയേ നമഃ
ഓം ഭഗവതേ നമഃ
ഓം പ്രമഥാധിപായ നമഃ
ഓം മൃത്യുഞ്ജയായ നമഃ
ഓം സൂക്ഷ്മതനവേ നമഃ
ഓം ജഗദ്‌വ്യാപിനേ നമഃ
ഓം ജഗദ്ഗുരവേ നമഃ
ഓം വ്യോമകേശായ നമഃ
ഓം മഹാസേനജനകായ നമഃ
ഓം ചാരുവിക്രമായ നമഃ
ഓം രുദ്രായ നമഃ
ഓം ഭൂതപതയേ നമഃ
ഓം സ്ഥാണവേ നമഃ
ഓം അഹിര്‍ബുദ്ധ്‌ന്യായ നമഃ
ഓം ദിഗംബരായ നമഃ
ഓം അഷ്ടമൂര്‍ത്തയേ നമഃ
ഓം അനേകാത്മനേ നമഃ
ഓം സാത്വികായ നമഃ
ഓം ശുദ്ധവിഗ്രഹായ നമഃ
ഓം ശാശ്വതായ നമഃ
ഓം ഖണ്ഡപരശവേ നമഃ
ഓം അജായ നമഃ
ഓം പാശവിമോചകായ നമഃ
ഓം മൃഡായ നമഃ
ഓം പശുപതയേ നമഃ
ഓം ദേവായ നമഃ
ഓം മഹാദേവായ നമഃ
ഓം അവ്യയായ നമഃ
ഓം ഹരയേ നമഃ
ഓം പുഷദന്തഭിദേ നമഃ
ഓം അവ്യഗ്രായ നമഃ
ഓം ഭഗനേത്രഭിദേ നമഃ
ഓം ദക്ഷാദ്ധ്വരഹരായ നമഃ
ഓം ഹരായ നമഃ
ഓം അവ്യക്തായ നമഃ
ഓം സഹസ്രാക്ഷായ നമഃ
ഓം സഹസ്രപദേ നമഃ
ഓം അപവര്‍ഗ്ഗപ്രദായ നമഃ
ഓം അനന്തായ നമഃ
ഓം താരകായ നമഃ
ഓം പരമേശ്വരായ നമഃ

Story Summary: Significance Of Shiva Ashtothara Satha Namavali