(നേരം ഓൺ ലൈൻ ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : riyoceline.com/projects/Neram/ . നേരം ഓൺലൈനിൽ പ്രസിദ്ധീകരിക്കാൻ ലേഖനങ്ങൾ ചിത്രങ്ങൾ അയയ്ക്കേണ്ട വാട്ട്സാപ്പ് നമ്പർ : +91 8138015500 )
ജ്യോതിഷി പ്രഭാസീന സി പി
1200 കർക്കടകം 1 മുതൽ 31 വരെയുള്ള ഒരു മാസത്തെ സാമാന്യ ഫലമാണിവിടെ പറയുന്നത്. ഇതിന്റെ കൂടെ ജാതകാൽ കൂടി പരിശോധിച്ച് ഗുണദോഷഫലങ്ങൾ വിലയിരുത്തണം. ഗോചരാൽ 1200 കർക്കടകം രവിസംക്രമം
കന്നി, തുലാം, കുംഭം, ഇടവം കൂറുകാർക്ക് പൊതുവേ കൂടുതൽ സദ്ഫലങ്ങൾ നൽകും:
മേടക്കൂറ്
(അശ്വതി, ഭരണി, കാർത്തിക 1/4)
ആദ്ധ്യാത്മിക കാര്യങ്ങളിൽ താല്പര്യം കൂടും. വ്യാപാര – വിപണന മേഖലകളിൽ മാന്ദ്യം ഉണ്ടാകും. ആരോഗ്യ സംരംക്ഷണത്തിൻ്റെ ഭാഗമായി വ്യായാമവും യോഗാഭ്യാസവും ശീലിക്കും. ഗതിവിഗതികൾക്കനുസരിച്ച് ജീവിത സാഹചര്യങ്ങൾ അതിജീവിക്കേണ്ടി വരും. ഗുരുകാരണവൻമാരെ അനുസരിക്കുന്നത് അബദ്ധങ്ങൾ മറികടക്കുന്നതിന് ഉപകരിക്കും. ദാമ്പത്യ ഐക്യത്തിന് ആത്മനിയന്ത്രണവും വിട്ടുവീഴ്ചാ മനോഭാവവും വേണ്ടി വരും.
ഇടവക്കൂറ്
(കാർത്തിക 3/4, രോഹിണി, മകയിരം 1/2)
ദമ്പതിമാർക്കിടയിൽ പരസ്പര വിശ്വാസവും കളത്രസുഖവും അനുഭവപ്പെടും. മാർഗ്ഗം തടസ്സം നീങ്ങി ആഗ്രഹസാഫല്യമുണ്ടാകും. ആത്മവിശ്വാസം കാര്യനിർവ്വഹണ ശക്തി, ഉത്സാഹം, ഉൻമേഷം തുടങ്ങിയവ പുതിയ ചില സ്ഥാനമാനങ്ങൾക്ക് വഴിയൊരുക്കും. സാമ്പത്തിക പുരോഗതിക്ക് യോഗമുണ്ട്. മറ്റുള്ളവരുടെ വിഷമങ്ങൾക്ക് ശാശ്വത പരിഹാരം നിർദ്ദേശിക്കും.
മിഥുനക്കൂറ്
(മകയിരം 1/2, തിരുവാതിര, പുണർതം 3/4 )
പ്രണയ ബന്ധങ്ങൾ മൂലം വിദ്യാർത്ഥികൾക്ക് പഠന രംഗത്ത് ശ്രദ്ധ നഷ്ടപ്പെടും. പ്രായാധിക്യം ഉള്ളവരുടെയും അനുഭവജ്ഞാനം ഉള്ളവരുടെയും ഉപദേശങ്ങൾ സമീപഭാവിയിൽ ഗുണകരമാകും. വാഹനം ഉപയോഗിക്കുന്നതിൽ വളരെ സൂക്ഷിക്കണം. നീർദോഷ – ഉദര രോഗങ്ങൾ ശല്യം ചെയ്യും. ആരോഗ്യത്തിൽ ശ്രദ്ധ വേണം. ചെയ്യുന്ന ജോലിയിൽ ആത്മാർത്ഥതയും സമർപ്പണവും ഉണ്ടാക്കാൻ ശ്രമിക്കണം. ആശ്രാന്ത പരിശ്രമത്താൽ തൊഴിൽ മേഖലകളിലുള്ള അനിശ്ചിതാവസ്ഥകൾ അതിജീവിച്ച് പ്രവർത്തന ക്ഷമമാകുവാൻ സാധിക്കും.
കർക്കടകക്കൂറ്
(പുണർതം 1/4, പൂയ്യം , ആയില്യം)
ഓരോ പ്രവൃത്തി ചെയ്യുമ്പോഴും തികഞ്ഞ
ശ്രദ്ധ ആവശ്യമാണ്. ദിനചര്യകളിൽ മാറ്റം വരുത്തുന്നതു വഴി ആരോഗ്യം വീണ്ടെടുക്കും. ആരോഗ്യ സംരക്ഷണത്തിൻ്റെ ഭാഗമായി ദുഃശ്ശീലങ്ങൾ ഉപേക്ഷിക്കും. വിഷഭീതി ഉണ്ടാവാതെ സൂക്ഷിക്കണം. വിദ്യാർത്ഥികൾ പഠനത്തിൽ കൂടുതൽ ശ്രദ്ധിക്കണം. തൻമയത്വത്തോടു കൂടിയ പ്രതികരണം ലക്ഷ്യപ്രാപ്തിക്ക് ഉപകരിക്കും.
ALSO READ
ചിങ്ങക്കൂറ്
(മകം, പൂരം, ഉത്രം 1/4)
സംസാരത്തിൽ തികഞ്ഞ സ്വാത്വികഭാവവും നിയന്ത്രണവും കൊണ്ടുവരാൻ ശ്രമിക്കണം. പല കാര്യത്തിലും സ്വജനങ്ങളിൽ നിന്നും വിപരീത പ്രതികരണങ്ങൾ വന്നു ചേരും. അഹംഭാവം ഉപേക്ഷിക്കണം. ഏതൊരു കാര്യങ്ങൾക്കും കൂടുതൽ അദ്ധ്വാനവും പ്രയത്നവും യാത്രാ ക്ലേശവും പരസഹായവും വേണ്ടി വരും. വ്യർത്ഥമായ വ്യാമോഹങ്ങളെ ഒഴിവാക്കണം. ഭൂമി സംബന്ധമായ തർക്കങ്ങൾ ഉണ്ടാകാതെ നോക്കണം
കന്നിക്കൂറ്
(ഉത്രം 3/4 , അത്തം ചിത്തിര 1/2)
തൊഴിൽ നേട്ടത്തിനും പുരോഗതിക്കും
സാധ്യത ഉണ്ട്. വിഭാവനം ചെയ്ത പദ്ധതികൾ പ്രാവർത്തികമാക്കുവാനും പുതിയ ഭരണസംവിധാനം അവലംബിക്കുവാനും സാധിക്കും. നിരവധി കാര്യങ്ങൾ നിശ്ചിയ സമയപരിധിക്കുള്ളിൽ ചെയ്തു തീർക്കും. ഏറെ കാലമായി അനുഭവിച്ചു കൊണ്ടിരിക്കുന്ന രോഗത്തിന് ശമനം വരേണ്ട കാലമാണ്.
തുലാക്കൂറ്
(ചിത്തിര 1/2 , ചോതി, വിശാഖം 3/4)
കുടുംബത്തിൽ മംഗള കർമ്മങ്ങൾ നടക്കാൻ സാധ്യത. സന്താനങ്ങളുമായി ഒത്തു ചേരാനും ഒന്നിച്ചു താമസിക്കുവാനുള്ള അവസരം ലഭിക്കും. ഉദ്യോഗാർത്ഥികൾക്ക് തൊഴിൽ അന്വേഷണത്തിന് അനുയോജ്യ സമയമാണ്. വിവാഹകാര്യങ്ങളിൽ അന്വേഷണം വന്നു കൊണ്ടിരിക്കും. ഗൃഹത്തിലെ സുഖസൗകര്യം വർദ്ധിക്കും.
വൃശ്ചികക്കൂറ്
(വിശാഖം 1/4, അനിഴം, തൃക്കേട്ട )
വിദ്യാർത്ഥികൾ അലസതയും ശ്രദ്ധക്കുറവും ഉണ്ടാകാതെ നോക്കണം. പ്രത്യേക കാരണം ഇല്ലാതെ മാനസിക പിരിമുറുക്കും വർദ്ധിക്കും. മാനസിക പിരിമുറുക്കം കുറക്കാൻ കൂടുതൽ സമയം ജപം ചെയ്യുക. ജോലിയിൽ ഉത്തരവാദിത്വം വർദ്ധിക്കും. കർമ്മരംഗത്ത് കൂടുതൽ ശ്രദ്ധ ആവശ്യമായി വരും. ഉദരസംബന്ധമായ അസുഖം ശ്രദ്ധിക്കണം.
ധനുക്കൂറ്
(മൂലം, പൂരാടം, ഉത്രാടം 1/4)
ചില യാത്രകൾ ആവശ്യമായി വരും. എല്ലാ കാര്യങ്ങളിലും നല്ല ശ്രദ്ധ വേണം. ആരോഗ്യ കാര്യങ്ങളിൽ വളരെ ശ്രദ്ധിക്കുക. പൊതു പ്രവർത്തകർ അനാവശ്യ ആരോപണങ്ങൾ മൂലം വിഷമിക്കും. അനാവശ്യ തർക്കങ്ങളിൽ ഏർപ്പെടാതിരിക്കുക. ദാമ്പത്യ ജീവിതത്തിൽ വിട്ടുവീഴ്ചകൾ ചെയ്യുക. പണമിടപാടിൽ ജാഗ്രത വേണം. ആഢംബരം കുറയ്ക്കണം.
മകരക്കൂറ്
(ഉത്രാടം 3/4 തിരുവോണം, അവിട്ടം 1/2)
പ്രധാന തീരുമാനങ്ങൾ നന്നായി ആലോചിച്ച് ചെയ്യണം. വിവാഹ വിഷയങ്ങളുമായി ബന്ധപ്പെട്ട ചതിയിൽപ്പെടാൻ സാധ്യത കാണുന്നതിനാൽ നന്നായി ശ്രദ്ധിച്ച് ഈ കാര്യങ്ങളെ സമീപിക്കുക. സ്ഥാനചലനത്തിനും വ്യയാധിക്യത്തിനും സാധ്യത ശത്രുക്കളെ കരുതിയിരിക്കുക. ഉദരരോഗത്തിന് സാധ്യത ഉള്ളതിനാൽ ഭക്ഷണ കാര്യങ്ങളിൽ ശ്രദ്ധിക്കുക. നന്നായി പ്രാർത്ഥന ജപം ചെയ്യുക.
കുംഭക്കൂറ്
(അവിട്ടം 1/2, ചതയം, പൂരൂരുട്ടാതി 3/4 )
പ്രൊഫഷണൽ കോഴ്സുകൾക്ക് പ്രവേശനം നേടാൻ ശ്രമിക്കുന്നവർക്കും ഉദ്യോഗലക്ഷ്യം വച്ചുള്ള പരീക്ഷകളിലും ഇൻ്റർവ്യൂകളിലും പങ്കെടുക്കുന്നവർക്കും വിജയ സാധ്യത കാണുന്നു. നിരവധി കാര്യങ്ങൾ നിശ്ചിയ സമയപരിധിക്കുള്ളിൽ ചെയ്തു തീർക്കും. പാരമ്പര്യ വിജ്ഞാനം പിൻ തലമുറയിൽ ഉള്ളവർക്ക് പകർന്ന് കൊടുക്കുന്നതിൽ കൃതാർത്ഥതയുണ്ടാകും ചിലവ് അധികരിച്ച് വരുന്നതാകുന്നു. എന്നാൽ അവസരങ്ങൾ ധാരാളം ഉണ്ടാകും.
മീനക്കൂറ്
(പൂരൂരുട്ടാതി, 1/4 ഉത്ത്യട്ടാതി, രേവതി )
സ്വദേശം വിട്ട് അല്പം മാറി നിൽക്കേണ്ടതായി വരും. ലോൺ അടവുകൾ മുടങ്ങാൻ ഇടയുണ്ട്. ശ്രദ്ധിക്കണം. വിദ്യാർത്ഥികൾക്ക് ഉദാസീന മനോഭാവം വർദ്ധിക്കും. പഠിച്ച വിഷയങ്ങൾ ആണെങ്കിലും അതിൽ മികവ് പ്രകടിപ്പിക്കുവാൻ സാധിക്കില്ല . ചിലവിൽ നല്ല നിയന്ത്രണം വേണം നിസ്സാര കാര്യങ്ങളെ ചൊല്ലിയുള്ള ദുർവാശി ഉപേക്ഷിക്കണം.
ജ്യോതിഷി പ്രഭാസീന സി പി
Email ID prabhaseenacp@gmail.com
+91 9961442256
Summary: Predictions: This month 1200 Karkkadakam for you Predictions by Prabha Seena
ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്ത്തകള് അപ്പപ്പോള് ലഭിക്കാന്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക : AstroG App
Copyright 2025 riyoceline.com/projects/Neram/. All rights reserved
