(നേരം ഓൺ ലൈൻ ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : riyoceline.com/projects/Neram/ . നേരം ഓൺലൈനിൽ പ്രസിദ്ധീകരിക്കാൻ ലേഖനങ്ങൾ ചിത്രങ്ങൾ അയയ്ക്കേണ്ട വാട്ട്സാപ്പ് നമ്പർ : +91 8138015500 )
ജ്യോതിഷരത്നം വേണു മഹാദേവ്
വാരം ആരംഭം: 2025 ആഗസ്റ്റ് 3, ഞായർ, വൃശ്ചികക്കൂറ്, വിശാഖം നക്ഷത്രം നാലാം പാദം
വിശേഷ ദിവസങ്ങൾ:
ആഗസ്റ്റ് 5 – പുത്രപദ ഏകാദശി
ആഗസ്റ്റ് 6 – പ്രദോഷം
ആഗസ്റ്റ് 8 – പൗർണ്ണമി പൂജ
ആഗസ്റ്റ് 9 – പൗർണ്ണമി, രക്ഷാബന്ധൻ, ആവണി അവിട്ടം
വാരം അവസാനം: 2025 ആഗസ്റ്റ് 10, ശനി, കുംഭക്കൂറ്, അവിട്ടം നക്ഷത്രം മൂന്നാം പാദം
മേടക്കൂറ്
(അശ്വതി, ഭരണി, കാർത്തിക 1)
പെട്ടെന്ന് ഒരു യാത്ര പോകേണ്ടിവരാം. സാമ്പത്തിക നേട്ടങ്ങൾ കൈവരിക്കാൻ പുതിയ സാഹചര്യങ്ങൾ ഉണ്ടാകും. നഷ്ടപ്പെട്ട വിലയേറിയ വസ്തുക്കൾ തിരിച്ച് കിട്ടും. ഗൃഹാന്തരീക്ഷം കൂടുതൽ സന്തോഷകരമാകും. ജോലിയിൽ അമിതഭാരം ബുദ്ധിമുട്ടിക്കും. മക്കളുടെ
നേട്ടത്തിൽ അഭിമാനം തോന്നും. മാനസികമായ എല്ലാ സമ്മർദ്ദങ്ങളിൽ നിന്ന് മുക്തി നേടും. മത്സരമനോഭാവം
ദോഷം ചെയ്യും. ഓം ഹം ഹനുമതേ നമഃ ജപിക്കുക.
ഇടവക്കൂറ്
(കാർത്തിക 2,3,4, രോഹിണി, മകയിരം 1,2)
ദീർഘകാല നിക്ഷേപങ്ങൾ നടത്തുന്നതിന് ഉത്തമമായ സമയമാണ്. നല്ല വരുമാനം ലഭിക്കും. മന:സമാധാനം നേടുന്നതിന് ധ്യാനവും, ഈശ്വരചിന്തയും ശക്തമാക്കും.
മംഗളകർമ്മങ്ങളിൽ സകുടുംബം പങ്കെടുക്കാൻ ക്ഷണം ലഭിക്കും. ചിരകാല സ്വപ്നങ്ങൾ സാക്ഷാത്കരിക്കും.
ജോലികൾ യഥാസമയം തീർക്കാൻ കഴിയാതെ വരും. കഠിനാധ്വാനത്തിന് ഫലം ലഭിക്കും. മത്സരപരീക്ഷയിൽ മികവ് കാട്ടും. ലളിതാസഹസ്രനാമം എന്നും ജപിക്കുക.
മിഥുനക്കൂറ്
(മകയിരം 3,4, തിരുവാതിര, പുണർതം 1,2,3)
ജോലിസ്ഥലത്തെ അന്തരീക്ഷം മികച്ചതാകും. എല്ലാ കാര്യങ്ങളും ഉത്തരവാദപ്പെട്ടവരോട് മനസ്സ് തുറന്ന് സംസാരിക്കാൻ കഴിയും. വിദ്യാർത്ഥികൾക്ക് മികവ് തെളിയിക്കാൻ ചില ബുദ്ധിമുട്ടുകൾ നേരിടേണ്ടിവരും. അശ്രദ്ധ സാമ്പത്തിക നഷ്ടത്തിന് കാരണമാകും. തിരക്കുപിടിച്ച് ഒന്നും ചെയ്യരുത്. ബിസിനസ്സിൽ ജാഗ്രത പുലർത്തണം. അമിതമായി പണം ചെലവഴിക്കരുത്. മാതാപിതാക്കളുമായി രമ്യതയിലാകാൻ ശ്രമിക്കണം.
ഓം നമോ ഭഗവതേ വാസുദേവായ 108 ഉരു ജപിക്കണം
കർക്കടകക്കൂറ്
(പുണർതം 4, പൂയം, ആയില്യം )
വരുമാനത്തിന്റെ നല്ലൊരു ഭാഗം സമ്പാദിക്കാൻ കഴിയും. ഈശ്വരാധിനത്താൽ ഭാഗ്യത്തിന്റെ പിന്തുണ ലഭിക്കും. ആരോഗ്യം മെച്ചപ്പെടുത്താൻ ചില ശ്രമങ്ങൾ നടത്തും.
പണം ലാഭിക്കാൻ കഴിയും. കുടുംബത്തിൽ ചെറിയ പ്രശ്നങ്ങൾ തുടരും. ജോലിയിൽ അനുകൂലമായ സ്ഥലം മാറ്റം അല്ലെങ്കിൽ സ്ഥാനമാറ്റം ലഭിക്കാൻ സാധ്യതയുണ്ട്. മാതാപിതാക്കളുടെ ആരോഗ്യപ്രശ്നങ്ങൾ കാരണം ബുദ്ധിമുട്ടുകൾ നേരിടും. വാക്കുകൾ വളരെ ശ്രദ്ധിച്ചു ഉപയോഗിക്കണം. ഓം ദും ദുർഗ്ഗായൈ നമഃ ജപിക്കുക
ALSO READ
ചിങ്ങക്കൂറ്
(മകം, പൂരം, ഉത്രം 1)
ആർക്കും പണം കടം കൊടുക്കുകയോ വാങ്ങുകയോ ചെയ്യരുത്. കുടുംബത്തിൽ ഉണ്ടാകുന്ന പ്രശ്നങ്ങൾ
ജോലിത്തിരക്കിനിടയിലും കുറച്ച് സമയം നീക്കിവച്ച് പരിഹരിക്കാൻ ശ്രമിക്കും. ഉത്കണ്ഠ വർദ്ധിക്കും. പ്രതീക്ഷയ്ക്കനുസരിച്ച് ചില കാര്യങ്ങൾ നടക്കാത്തത് കാരണം നിരാശരാകും. സന്താനങ്ങളുടെ കാര്യത്തിൽ തടസ്സങ്ങൾ അനുഭവപ്പെടും. സമയവും ഊർജ്ജവും അനാവശ്യമായ കാര്യങ്ങൾക്ക് പാഴാക്കരുത്.
ആരോഗ്യപരമായി സമയം വളരെ മികച്ചതായിരിക്കും. ആദിത്യ ഹൃദയം സ്തോത്രം എല്ലാ ദിവസവും ജപിക്കുക.
കന്നിക്കൂറ്
(ഉത്രം 2, 3, 4, അത്തം, ചിത്തിര 1,2)
സാമൂഹിക പ്രവർത്തനങ്ങളിൽ സജീവമാകാൻ പറ്റിയ സാഹചര്യമാണ്. മറ്റുള്ളവരെ സ്വാധീനിക്കാനുള്ള കഴിവ് ധാരാളം അനുകൂല അവസരങ്ങൾ കൊണ്ടുവരും. സാമ്പത്തിക ഇടപാടുകൾ സംബന്ധിച്ച എല്ലാ രേഖകളും കൃത്യമായി ശേഖരിച്ച് സൂക്ഷിക്കേണ്ടതാണ്. ശരിയായ
തീരുമാനങ്ങളെടുക്കാനാകും. ഏറ്റെടുത്ത ചുമതലകൾ കൃത്യമായി നിർവഹിക്കും. അപകടസാധ്യതയുള്ള എല്ലാ കാര്യങ്ങളും ഒഴിവാക്കാൻ ശ്രമിക്കും. സ്വാധീനമുള്ള ചില ആളുകളുമായി പരിചയം ശക്തമാക്കും. ഓം നമോ നാരായണ ദിവസവും 108 തവണ വീതം ജപിക്കുക.
തുലാക്കൂറ്
(ചിത്തിര 3, 4, ചോതി, വിശാഖം 1, 2, 3 )
പുതിയ വരുമാനമാർഗ്ഗം തുറന്നു കിട്ടും. പെട്ടെന്ന് പണം ലഭിക്കുന്നത് സന്തോഷിപ്പിക്കും. ശുഭാപ്തി വിശ്വാസം വർദ്ധിക്കും. മികച്ച ദിനചര്യ നിലനിറുത്താൻ കഴിയും. സ്വഭാവത്തിൽ കുറച്ചുകൂടി മൃദുത്വം പ്രകടമാകും. മികച്ച ഭക്ഷണം ആസ്വദിക്കാൻ കഴിയും. കുടുംബ പ്രശ്നങ്ങൾ മനസ്സിൽ ആധിപത്യം നേടും. സർക്കാർ സർവീസിലുള്ള വ്യക്തികൾക്ക് സ്ഥാനക്കയറ്റം അല്ലെങ്കിൽ ശമ്പള വർദ്ധനവ്, ആഗ്രഹിച്ച സ്ഥാനമാറ്റം എന്നിവ ലഭിക്കാം. സഹായിക്കാൻ മുന്നോട്ട് വരുന്നവരെ നിഷേധിക്കരുത്.
ദിവസവും ഓം ഗം ഗണപതയേ നമഃ 108 ഉരു ജപിക്കുക.
വൃശ്ചികക്കൂറ്
( വിശാഖം 4, അനിഴം, തൃക്കേട്ട )
സാമ്പത്തികമായി, സമയം വളരെ നല്ലതായിരിക്കും. സ്വത്ത്, ഭൂമി എന്നിവയുമായി ബന്ധപ്പെട്ട എല്ലാ കോടതി വ്യവഹാരങ്ങളിലും വിജയം നേടാൻ കഴിയും. ജോലിഭാരം വർദ്ധിക്കും. എന്നാൽ മാനസികസമ്മർദ്ദം വളരാൻ അനുവദിക്കില്ല. സമയം ആരോഗ്യപരമായി നല്ലതാണ്.
വീട്ടു കാര്യങ്ങൾ കൈകാര്യം ചെയ്യാൻ മക്കളുടെ എല്ലാ സഹായവും ലഭിക്കും. സമൂഹത്തിൽ ശ്രദ്ധിക്കപ്പെടും.
പുതിയ ചങ്ങാതിമാരെ ഉണ്ടാക്കാൻ കഴിയും. വിദേശ യാത്രയ്ക്ക് പദ്ധതിയിടും. വിദ്യാർത്ഥികൾ വിജയം നേടും.
ഓം ശരവണ ഭവ: ദിവസവും 108 തവണ ജപിക്കുക.
ധനുക്കൂറ്
(മൂലം, പൂരാടം, ഉത്രാടം 1 )
സമൂഹത്തിലെ പ്രമുഖരുടെ സഹായം തേടേണ്ടി വരുന്ന സാഹചര്യം ഉണ്ടാകും. ആരോഗ്യത്തിന് ഏറെ മുൻഗണന നൽകണം. വരുമാനം ഗണ്യമായി വർദ്ധിക്കും. എന്നാൽ അനാവശ്യ ചെലവുകൾക്കും സാധ്യതയുണ്ട്. മറ്റുള്ളവരെ ക്ഷമയോടെ കേൾക്കുകയും മനസിലാക്കുകയും ചെയ്യണം. കുടുംബാംഗങ്ങളെ വേഗം സന്തോഷിപ്പിക്കാൻ കഴിയും. സാമൂഹിക ഒത്തുചേരൽ നേട്ടങ്ങൾ നൽകും.
മറ്റുള്ളവരുടെ വാക്കുകൾക്ക് പ്രാധാന്യം നൽകാത്തത് ജോലിയിൽ തടസ്സങ്ങൾക്ക് കാരണമാകും. നിത്യവും
ഓം ശ്രീ മഹാലക്ഷ്മ്യൈ നമഃ 108 ഉരു വീതം ജപിക്കുക.
മകരക്കൂറ്
(ഉത്രാടം 2, 3, 4, തിരുവോണം, അവിട്ടം 1, 2 )
ചെലവുകൾ വർദ്ധിക്കുന്നത് ഒഴിവാക്കാൻ പരമാവധി ശ്രദ്ധിക്കുക. ഗൃഹത്തിലെ പ്രക്ഷുബ്ധമായ അന്തരീക്ഷം കാരണം മനസ്സ് വിഷമത്തിലാകും. ഔദ്യോഗികമായ കാര്യങ്ങളിൽ മികച്ച ഫലങ്ങൾ ലഭിക്കാൻ സാധ്യതയുണ്ട്. സമയം വെറുതെ പാഴാക്കരുത്. എല്ലാ സാമ്പത്തിക ഇടപാടുകളിലും ജാഗ്രത പുലർത്തണം. പ്രണയ ബന്ധം വിവാഹത്തിലേക്ക് നീങ്ങാൻ സാധ്യത കൂടുതലാണ്. ശമ്പള വർദ്ധനവ് നേടാൻ കഴിയും. കൂട്ടുകെട്ടുകളിൽ
ശ്രദ്ധ വേണം. കഠിനാധ്വാനത്തിന് മികച്ച ഫലം ലഭിക്കും. ഓം ഹം ഹനുമതേ നമഃ ദിവസവും 108 തവണ ജപിക്കുക.
കുംഭക്കൂറ്
(അവിട്ടം 3, 4, ചതയം, പൂരുരുട്ടാതി 4 )
ആരോഗ്യം മെച്ചപ്പെടും. വിവിധ മേഖലകയിലെ അനിശ്ചിതത്വം അസ്വസ്ഥരാക്കും. മനഃസമാധാനത്തിന്
വഴികൾ ആരായും. ഭൂമി, റിയൽ എസ്റ്റേറ്റ് ഇടപാടുകളിൽ ലാഭം പ്രതീക്ഷിക്കാം. സാംസ്കാരിക പരിപാടികളിൽ ശ്രദ്ധ കേന്ദ്രീകരിക്കും. ഔദ്യോഗിക കാര്യത്തിൽ, സമ്മർദ്ദങ്ങളിർ നിന്നും ആശ്വാസം ലഭിക്കും. പുതിയ ചില സംരംഭങ്ങൾക്ക് തുടക്ക കുറിക്കും. മികച്ച പദ്ധതിയിൽ
പണം നിക്ഷേപിക്കുന്നതിന് സമയം വളരെ നല്ലതാണ്. കാത്തിരിപ്പ് അവസാനിപ്പിച്ച് നല്ല വാർത്തകൾ ലഭിക്കും. ഓം നമഃ ശിവായ ദിവസവും 108 തവണ വീതം ജപിക്കുക.
മീനക്കൂറ്
(പൂരുരുട്ടാതി 4, ഉത്തൃട്ടാതി, രേവതി )
മികച്ചജോലി ലഭിക്കാൻ എല്ലാ സാധ്യതയും കാണുന്നു. സാമ്പത്തിക ഭദ്രത വർദ്ധിക്കും. കുടിശ്ശികയുള്ള വായ്പ തിരിച്ചടയ്ക്കാൻ കഴിയും. ഊർജ്ജസ്വലവും സജീവവും ഊഷ്മളവുമായ പെരുമാറ്റം ചുറ്റുമുള്ളവർക്ക്, പ്രത്യേകിച്ച് കുടുംബാംഗങ്ങൾക്ക് സന്തോഷമേകും. ജോലിസ്ഥലത്ത് ശത്രുക്കളും ചങ്ങാതിമാരാകും. ചിലർക്ക് ഒരു വലിയ പ്രമോഷൻ കിട്ടും. മാതാപിതാക്കളിൽ നിന്നും സ്നേഹവും വാത്സല്യവും ലഭിക്കും. ശരിയായ വ്യായാമം ആരോഗ്യം നിലനിർത്താൻ തുണയ്ക്കും. പഠനത്തിൽ മടുപ്പുണ്ടാകും. ദിവസവും ഓം ഘ്രൂം നമഃ പരായഗോപ്ത്രേ ജപിക്കുക.
ജ്യോതിഷരത്നം വേണു മഹാദേവ്
മൊബൈൽ: + 91 9847575559
Summary: Weekly Star predictions based on moon sign by Venu Mahadev
ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്ത്തകള് അപ്പപ്പോള് ലഭിക്കാന്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക : AstroG App
Copyright 2025 riyoceline.com/projects/Neram/. All rights reserved
