ജ്യോതിഷരത്നം വേണു മഹാദേവ്
വാരം ആരംഭം: 2025 ആഗസ്റ്റ് 31, ഞായർ,
വൃശ്ചികക്കൂറ്, അനിഴം നക്ഷത്രം മൂന്നാം പാദം
വിശേഷ ദിവസങ്ങൾ:
സെപ്തംബർ 3: – ഏകാദശി ( രാത്രി 10:15
ഹരിവാസരാഭം, വ്യാഴാഴ്ച രാവിലെ 10:18 അവസാനം)
സെപ്തംബർ 4: – ഒന്നാം ഓണം, ഗുരുവായൂർ
കാഴ്ചക്കുലവയ്പ്പ്, വാമന ജയന്തി.
സെപ്തംബർ 5: – തിരുവോണം. പ്രദോഷം
സെപ്തംബർ 6: – മൂന്നാം ഓണം അനന്ത വ്രതം
വാരം അവസാനം: 2025 സെപ്തംബർ 6, ശനി,
കുംഭക്കൂറ്, ചതയം നക്ഷത്രം രണ്ടാം പാദം .
ഈ ആഴ്ചയിലെ നക്ഷത്രഫലം:
മേടക്കൂറ്
( അശ്വതി, ഭരണി, കാർത്തിക 1 )
പ്രധാനപ്പെട്ട ചില പദ്ധതികൾ നടപ്പിലാക്കും. അത് നല്ല സാമ്പത്തിക ലാഭം നൽകും. യാത്ര പോകുന്ന പരിപാടി മാറ്റിവയ്ക്കാം. ക്ഷീണവും സമ്മർദ്ദവും അനുഭവപ്പെടും.
കഠിനാദ്ധ്വാനം ഗുണം ചെയ്യും. മേലുദ്യോഗസ്ഥരിൽ നിന്ന് അഭിനന്ദനവും സ്ഥാനക്കയറ്റവും ലഭിക്കും. അഹങ്കാരം ഒഴിവാക്കണം. എന്നും ഹനുമാൻ സ്വാമിയെ ഭജിക്കുക.
ഇടവക്കൂറ്
( കാർത്തിക 2 , 3, 4, രോഹിണി, മകയിരം 1, 2 )
ആവശ്യമായ കാര്യങ്ങൾ മാത്രം ശ്രദ്ധിച്ചാൽ സമയവും ഊർജ്ജവും ലാഭിക്കാം. സാമ്പത്തിക പുരോഗതി നേടും. വിലയേറിയ ചില ഗാർഹികോപകരണങ്ങൾ വാങ്ങും. കുടുംബജീവിതത്തിലെ തടസ്സങ്ങളിൽ നിന്ന് പൂർണ്ണമായും ആശ്വാസം ലഭിക്കും. പിതാവിന് ആരോഗ്യം മെച്ചമാകും. ഉന്നതരുടെ പ്രീതി ലഭിക്കും. പ്രശസ്തി വർദ്ധിപ്പിക്കും.
ദിവസവും ഓം ദും ദുർഗ്ഗായൈ നമഃ 108 ഉരു ജപിക്കുക.
മിഥുനക്കൂറ്
( മകയിരം 3, 4, തിരുവാതിര, പുണർതം 1, 2, 3 )
സുപ്രധാന തീരുമാനങ്ങൾ എടുക്കേണ്ടിവരും. പണം കരുതി വയ്ക്കാൻ വളരെയധികം ശ്രമിക്കില്ല. ഇത് വരും കാലത്ത് ധാരാളം പ്രശ്നങ്ങളുണ്ടാക്കും. വിവാദങ്ങളിൽ നിന്നും ഒഴിഞ്ഞു നിൽക്കുക. ജീവിതപങ്കാളിയുമായി ചില തെറ്റിദ്ധാരണകളുണ്ടാകും. സ്നേഹിക്കുന്നവരെപ്പറ്റി ഹൃദയം തകർക്കുന്ന വിധം ചില കാര്യങ്ങൾ അറിയും. പുതിയ ബിസിനസ്സിന് സമയം നല്ലതായിരിക്കും. വിഷ്ണു സഹസ്രനാമം എല്ലാ ദിവസവും ജപിക്കണം.
കർക്കടകക്കൂറ്
( പുണർതം 4, പൂയം, ആയില്യം )
പണം ചെലവഴിക്കുന്ന കാര്യത്തിൽ നിയന്ത്രണം വേണം. സാമ്പത്തിക വിഷയങ്ങളിൽ കുടുംബാംഗങ്ങൾക്ക് പ്രത്യേക പ്രാധാന്യമുണ്ടാകും. എല്ലാ ദീർഘദൂര യാത്രകളും ഒഴിവാക്കണം. ചിലർക്ക് വൈദ്യപരിശോധന വേണ്ടി വരും. ആഭരണങ്ങളും വീട്ടുപകരണങ്ങളും വാങ്ങാൻ കഴിയും. കുടുംബ ബിസിനസ്സുകാർ മുതിർന്നവരുടെ പിന്തുണയോടെ മികച്ച രീതിയിൽ പ്രവർത്തിക്കും. ഉന്നത വിദ്യാഭ്യാസ മേഖലയുമായി ബന്ധപ്പെട്ടിരിക്കുന്നവർക്ക് വിജയസാധ്യതയുണ്ട്. ഓം ശ്രീം നമഃ 108 ഉരു ജപിക്കുക
ALSO READ
ചിങ്ങക്കൂറ്
(മകം, പൂരം, ഉത്രം 1)
പുതിയ സോത്രസ്സുകളിൽ നിന്ന് പെട്ടെന്ന് പണം കിട്ടും.
വ്യായാമം ആരോഗ്യം നിലനിർത്തുന്നതിൽ പ്രധാന പങ്ക് വഹിക്കും. പോസിറ്റീവ് ചിന്തകൾ ശക്തമാക്കാൻ ശ്രമിക്കണം. സാമൂഹിക പ്രവർത്തനങ്ങളിൽ സജീവമായി പങ്കെടുക്കും. നിരീക്ഷണ, വിശകലന നൈപുണ്യം ജോലിയിൽ മുന്നേറുന്നതിന് സഹായിക്കും. മറ്റുള്ളവരെ സ്വാധീനിക്കാനുള്ള കഴിവ് നേട്ടങ്ങൾ സമ്മാനിക്കും. ആദിത്യ ഹൃദയം ദിവസവും ജപിക്കുക.
കന്നിക്കൂറ്
( ഉത്രം 2, 3, 4, അത്തം, ചിത്തിര 1 , 2 )
ആരോഗ്യത്തിൽ ഗുണപരമായ മാറ്റങ്ങൾ ഉണ്ടാകും. പെട്ടെന്നുള്ള ചെലവുകൾ സാമ്പത്തിക ബാധ്യത കൂട്ടും. കൂടപ്പിറപ്പുകളിൽ നിന്ന് സാമ്പത്തിക സഹായം സ്വീകരിക്കാൻ മടി കാണിക്കരുത്. ഉദാര മനസ്ഥിതി പ്രയോജനപ്പെടുത്താൻ ആരെയും അനുവദിക്കരുത്. ശത്രുക്കളുടെ ഓരോ നീക്കവും പരാജയപ്പെടുത്തുക മാത്രമല്ല യഥാസമയം തിരിച്ചടി നൽകുകയും ചെയ്യും. നല്ല ജോലി ലഭിക്കാൻ സാധ്യതയുണ്ട്. ഓം ക്ലീം കൃഷ്ണായ നമഃ നിത്യവും 108 തവണ വീതം ജപിക്കണം.
തുലാക്കൂറ്
( ചിത്തിര 3, 4, ചോതി, വിശാഖം 1, 2, 3 )
ആരോഗ്യം നന്നായിരിക്കും. യാത്രകൾ ചെയ്യേണ്ടി വരും. ക്ഷീണവും സമ്മർദ്ദവും അനുഭവപ്പെടാം. അമിതമോഹം ഒരു വലിയ ശത്രുവാണെന്ന് മനസ്സിലാക്കും. ആരെയും വശീകരിക്കാൻ സാധിക്കും. കുടുംബത്തിലുള്ളവർക്ക് നിങ്ങളെ മനസ്സിലാക്കാൻ കഴിയില്ലെന്ന് തോന്നും. തർക്കം ഒഴിവാക്കണം. ബിസിനസുകാർ വിജയം കൈവരിക്കും. സമൂഹത്തിൽ ബഹുമാനവും ആദരവും ലഭിക്കും. ഓം നമോ ഭഗവതേ വാസുദേവായ 108 തവണ ജപിക്കണം.
വൃശ്ചികക്കൂറ്
( വിശാഖം 4, അനിഴം, തൃക്കേട്ട )
ശരിയായ നിക്ഷേപം അഭിവൃദ്ധിയും സാമ്പത്തിക സുരക്ഷയും ഉറപ്പാക്കും. തിടുക്കത്തിൽ ഒരു തീരുമാനവും എടുക്കരുത്. ക്ഷമ ശീലിക്കുക. എങ്കിലേ ശരിയായ തീരുമാനങ്ങൾ എടുക്കാൻ കഴിയൂ. ഒരു ബന്ധുവുമായി ഏതെങ്കിലും അനാവശ്യ കാര്യത്തെച്ചൊല്ലിയുള്ള വഴക്ക് കുടുംബാന്തരീക്ഷത്തിൽ അസ്വസ്ഥത സൃഷ്ടിക്കും.
കഠിനാദ്ധ്വാനത്തിന് അർഹമായ ഫലം കിട്ടും. ധൈര്യവും ശക്തിയും കുറയും. ഓം ശരവണ ഭവ: എന്നും ജപിക്കുക.
ധനുക്കൂറ്
( മൂലം, പൂരാടം, ഉത്രാടം 1 )
കുടുംബത്തിൽ ഐക്യവും സമാധാനം നിലനിൽക്കും. വരുമാനം വർദ്ധിക്കും. ശരിയായ നിക്ഷേപങ്ങൾ നടത്തും. വ്യായാമം, യോഗ തുടങ്ങിയവ എല്ലാ ദിവസവും ചെയ്യേണ്ടതാണ്. പോസിറ്റീവിറ്റി നിലനിർത്താനാകും. മുതിർന്ന കൂടപ്പിറപ്പുകളുടെ സഹായം പ്രശ്നങ്ങളിൽ നിന്ന് മുക്തി നേടാൻ സഹായിക്കും. ചിലർക്ക് വിദേശത്ത് പോകാൻ അവസരം ലഭിക്കും. മത്സരപരീക്ഷകൾക്ക് തയ്യാറെടുക്കുന്നവർ കഠിനാധ്വാനം വഴി ആത്മവിശ്വാസം വർദ്ധിപ്പിക്കും. ഓം നമോ നാരായണായ ജപിക്കണം.
മകരക്കൂറ്
( ഉത്രാടം 2, 3, 4, തിരുവോണം, അവിട്ടം 1, 2 )
അപ്രതീക്ഷിതമായി ലഭിക്കുന്ന പണം സുരക്ഷിതമായി സൂക്ഷിക്കുന്നതിനും അത്യാവശ്യങ്ങൾക്ക് മാത്രമായി ഉപയോഗിക്കാനും ശ്രമിക്കണം. ആരോഗ്യ പ്രശ്നങ്ങൾ ബുദ്ധിമുട്ടിക്കും. കുടുംബാംഗങ്ങളും ജീവിത പങ്കാളിയും ഇത് കാരണം ബുദ്ധിമുട്ടുകൾ അനുഭവിക്കും. സൗമ്യമായി എല്ലാവരോടും പെരുമാറാൻ ശ്രദ്ധിക്കണം. ബിസിനസ്സിൽ പ്രതീക്ഷിച്ച ലാഭം കിട്ടില്ല. പരീക്ഷയിൽ മികച്ച മാർക്ക് ലഭിക്കും. നിത്യവും ഓം ഹം ഹനുമതേ നമഃ ജപിക്കുക.
കുംഭക്കൂറ്
( അവിട്ടം 3, 4, ചതയം, പൂരുരുട്ടാതി 1, 2, 3 )
പ്രതികൂല സാഹചര്യങ്ങൾ മറികടക്കാൻ ബുദ്ധിപൂർവം പ്രവർത്തിക്കും. പണമോ ആഭരണമോ നഷ്ടപ്പെട്ടേക്കാം. ജോലിയുമായി ബന്ധപ്പെട്ട് ചില ആശയക്കുഴപ്പങ്ങൾ ഉണ്ടാകും. ആത്മവിശ്വാസക്കുറവ് പരിഹരിക്കാൻ യോഗ, ധ്യാനം തുടങ്ങിയ മാർഗ്ഗങ്ങൾ ഉപകരിക്കും. വീട്ടിലെ കുട്ടികളോടൊപ്പം കൂടുതൽ സമയം ചെലവഴിക്കും. ഭൂമി
വില്പന വഴി ചിലർക്ക് നേട്ടങ്ങൾ കൈവരിക്കാൻ കഴിയും. വിദേശ പഠനത്തിനുള്ള ശ്രമം ഉപേക്ഷിക്കുന്നത് ഗുണം ചെയ്യും. ഓം നമോ വെങ്കടേശായ 108 തവണ ജപിക്കണം.
മീനക്കൂറ്
( പൂരുരുട്ടാതി 4, ഉത്തൃട്ടാതി, രേവതി )
അധിക ജോലിഭാരം മാനസിക സമ്മർദ്ദം സൃഷ്ടിക്കും. ദേഷ്യം വർദ്ധിക്കും. സാമ്പത്തിക സുരക്ഷിതത്വം ഉറപ്പാക്കാൻ ബജറ്റിനുള്ളിൽ തന്നെ ചെലവഴിക്കാൻ ശ്രമിക്കണം. എല്ലാത്തിനും കുടുംബാംഗങ്ങളുടെയും സുഹൃത്തുക്കളുടെയും പിന്തുണ ഉണ്ടാകും. കച്ചവടക്കാർ നല്ല ലാഭം നേടും. പോസിറ്റീവായി കാര്യങ്ങൾ കാണാൻ കഴിയുന്നത് ഗുണം ചെയ്യും. കുടുംബപരമായ സാമ്പത്തിക ബാദ്ധ്യത ഏറ്റെടുക്കാൻ മടിക്കും. ദിവസവും ഓം ദും ദുർഗ്ഗായൈ നമഃ 108 തവണ വീതം ജപിക്കണം.
ജ്യോതിഷരത്നം വേണു മഹാദേവ്
മൊബൈൽ: + 91 9847575559
Summary: Weekly Star predictions based on moon sign by Venu Mahadev
Copyright 2025 riyoceline.com/projects/Neram/. All rights reserved
