ജ്യോതിഷി പ്രഭാസീന സി പി
1201 കന്നി 1 മുതൽ 31 വരെയുള്ള ഒരു മാസത്തെ സാമാന്യ ഫലമാണിവിടെ പറയുന്നത്. ഇതിന്റെ കൂടെ ജാതകാൽ കൂടി പരിശോധിച്ച് ഗുണദോഷഫലങ്ങൾ വിലയിരുത്തണം. ഗോചരാൽ 1201 കന്നി രവിസംക്രമം വൃശ്ചികം, ധനു, മേടം, കർക്കടകക്കൂറുകാർക്ക് പൊതുവേ കൂടുതൽ സദ്ഫലങ്ങൾ നൽകും:
മേടക്കൂറ്
( അശ്വതി, ഭരണി, കാർത്തിക 1/4 )
കഴിവുകൾ പ്രദർശിപ്പിക്കാൻ ധാരാളം അവസരങ്ങൾ ലഭിക്കും. തൊഴിൽ രംഗത്ത് അഭിമാനകരമായ ഉയർച്ച പ്രതീക്ഷിക്കാം. ഗൃഹനിർമ്മാണ ശ്രമങ്ങൾ വിജയിക്കും. വാഹനം വാങ്ങാനുള്ള തടസ്സങ്ങൾ മാറി മികച്ച അവസരം സംജാതമാകും. വിവാഹാലോചനയിൽ തീരുമാനം ഒരു ഉണ്ടാകും. വിദേശ യാത്രയ്ക്കുള്ള തടസ്സങ്ങൾ നീങ്ങും. ശത്രുക്കളുടെ ശല്യം കുറയും.
ഇടവക്കൂറ്
(കാർത്തിക 3/4, രോഹിണി, മകയിരം 1/2)
സന്താനങ്ങളുടെ കാര്യത്തിൽ കൂടുതൽ ശ്രദ്ധിക്കണം.
ലാഭം പ്രതീക്ഷിച്ച് വിശ്വസിച്ച് ചെയ്ത ചില കാര്യങ്ങൾ നഷ്ടത്തിലാകാനിടയുണ്ട്. ആരോഗ്യകാര്യങ്ങളിൽ നല്ല ശ്രദ്ധ വേണം. അനാവശ്യ വാഗ്ദാനത്തിൽ ഏർപ്പെടരുത്. കള്ളൻമാരിൽ നിന്നും ഉപദ്രവങ്ങൾ ഉണ്ടാവാൻ സാധ്യത കൂടുതലാതിനാൽ ശ്രദ്ധ വേണം. കുടുംബ കാര്യങ്ങളിൽ ശ്രദ്ധിക്കുക ആരുമായും കലഹത്തിന് പോവരുത്.
മിഥുനക്കൂറ്
(മകയിരം 1/2, തിരുവാതിര, പുണർതം 3/4)
ജോലിഭാരം വർദ്ധിക്കും. ചെലവ് അധികരിക്കും പാഴ്ചെലവ് നിയന്ത്രണ വിധേയമാക്കണം ഇടപാടുകൾ വളരെ ശ്രദ്ധിച്ച് ചെയ്യണം. പരീക്ഷകളിൽ കഠിനാധ്വാനം വേണ്ടതായി കാണുന്നു. തടസ്സങ്ങൾ വരാതിരിക്കാൻ നന്നായി ഈശ്വര പ്രാർത്ഥന നടത്തി ശുഭാപ്തി വിശ്വാസം
ആർജ്ജിക്കുക. മേലുദ്യോഗസ്ഥരുമായി സഹകരിച്ച് പ്രവർത്തിക്കുക. അസുഖങ്ങൾ അവഗണിക്കരുത്.
കർക്കടകക്കൂറ്
(പുണർതം 1/4, പൂയം, ആയില്യം)
വിദ്ഗ്ദ ഉപദേശവും നിർദ്ദേശവും സ്വീകരിച്ച് പുതിയ കരാർ ജോലികൾ ഏറ്റെടുക്കാനിടവരും. സുദീർഘമായ ചർച്ചയിലൂടെ അബദ്ധധാരണകൾ ഒഴിഞ്ഞു മാറും. സംഘടനാ പ്രവർത്തനങ്ങൾക്ക് എല്ലാ രീതികളിലും
സഹകരിക്കുമെങ്കിലും സാമ്പത്തിക ഇടപാടുകളിൽ നിന്നും പിൻമാറുകയാണ് നല്ലത്. ക്ഷമാപൂർണ്ണമായ സമീപനം പ്രതികൂല സാഹചര്യങ്ങൾ തരണം ചെയ്യുവാൻ ഉപകരിക്കും
ചിങ്ങക്കൂറ്
( മകം, പൂരം, ഉത്രം 1/4 )
വളരെ വേണ്ടപ്പെട്ടവർ പ്രത്യക്ഷമായും പരോക്ഷമായും
വിരോധികളായിത്തീരും. ചെയ്യാത്ത കുറ്റത്തിന് കുറച്ച് അപരാധം കേൾക്കുവാനിടവരും. നിശ്ചയിച്ചുറപ്പിച്ച കാര്യങ്ങൾക്ക് കാലതാമസവും തടസ്സങ്ങളും വന്നു ചേരും. ഭമ്പതികൾക്ക് വിട്ടുവീഴ്ചാ മനോഭാവം നിർബന്ധമായും അവശ്യമാണ്. സഹോദരങ്ങളുമായി വിരോധം വരാതെ നോക്കണം. ഉപദേശങ്ങളും നിർദ്ദേശങ്ങളും സ്വീകരിച്ച് ഈശ്വരപ്രാർത്ഥനകളോടു കൂടി കാര്യങ്ങൾ നീക്കുക.
ALSO READ
കന്നിക്കൂറ്
(ഉത്രം 3/4 , അത്തം, ചിത്തിര 1/2)
അനാവശ്യ അഭിപ്രായ സംഘട്ടനങ്ങൾ ഗൃഹാന്തരീക്ഷം രൂക്ഷമാക്കും. വെട്ടിത്തുറന്നുള്ള അഭിപ്രായ പ്രകടനങ്ങൾ ഒഴിവാക്കണം. ഊഹാപോഹങ്ങളിലും പ്രലോഭനങ്ങളിലും അകപ്പെടരുത്. ആരോഗ്യ കാര്യങ്ങളിൽ കൂടുതൽ ശ്രദ്ധിക്കണം. മുൻകോപം നിയന്ത്രിക്കുക. ചെയ്തു കൊണ്ടിരിക്കുന്ന ജോലിയിൽ നിന്ന് മാറുന്നത് വളരെ ആലോചിച്ച് ഏറെ ശ്രദ്ധാപൂർവ്വം ചെയ്യണം. അപമാന ശ്രവണത്തിന്. സാദ്ധ്യതയുള്ളതിനാൽ മറ്റുള്ളവരുടെ കാര്യങ്ങളിൽ ഇടപെടുന്നത് പരമാവധി കുറയ്ക്കണം .
തുലാക്കൂറ്
(ചിത്തിര 1/2, ചോതി, വിശാഖം 3/4 )
വിവേചന ബുദ്ധി ആവശ്യമാണ് പ്രവൃത്തി പരിചയം ഇല്ലാത്ത രംഗത്ത് പ്രവർത്തിച്ചാൽ പരാജയമായിരിക്കും അന്തിമ ഫലം. കേസുകളുടെ കാലതാമസങ്ങൾ അസ്വസ്ഥതകൾ സൃഷ്ടിക്കും. ആരോഗ്യകാര്യങ്ങളിൽ നല്ല ശ്രദ്ധ വേണം. ആത്മീയ പ്രഭാഷണങ്ങൾ കേൾക്കും . ക്ഷമിക്കുവാനും സഹിക്കുവാനുള്ള മനസ്സിൻ്റെ കഴിവ് വർദ്ധിക്കും. ബന്ധുക്കളും പരിസരവാസികളുമായി കലഹിക്കാനുള്ള സാഹചര്യങ്ങൾ വരാതെ നോക്കണം യാത്ര കഴിവതും കുറക്കണം. രാഷ്ട്രിയ പ്രവർത്തകർക്ക് അണികളിൽ നിന്നും കടുത്ത എതിർപ്പ് നേരിടേണ്ടി വരും.
വൃശ്ചികക്കൂറ്
(വിശാഖം 1/4 , അനിഴം, തൃക്കേട്ട )
വിദ്യാർത്ഥകൾക്ക് ഉത്സാഹവും ഉൻമേഷവും വർദ്ധിക്കും പരീക്ഷയിൽ നല്ല വിജയവും ഉദ്യോഗ ഭാഗ്യവും ഉണ്ടാകും. നിരവധി കാര്യങ്ങൾ നിശ്ചിത സമയത്തിനുള്ളിൽ തന്നെ ചെയ്തു തീർക്കും. ശത്രുതാമനോഭാവത്തിലായിരുന്നവർ ലോഹ്യത്തിൽ ആയിത്തീരും. വസ്തുതർക്കം രമ്യമായി പരിഹരിക്കും. കലാകായിക മത്സരങ്ങൾക്ക് പരിശീലനം തുടങ്ങും. സാമ്പത്തിക പുരോഗതി ഉണ്ടാകുന്നതിനാൽ ഗൃഹനിർമ്മാണം പുന:രാരംഭിക്കും. മേലധികാരിയുടെ പ്രീതി നേടാനാകും വിധം പദ്ധതികൾ സമർപ്പിക്കുവാൻ സാധിക്കും.
ധനുക്കൂറ്
( മൂലം, പൂരാടം , ഉത്രാടം 1/4 )
കുടുംബജീവിതം സന്തോഷപ്രദമായിരിക്കും. പ്രവർത്തന രംഗത്ത് ക്രമാനുഗതമായ പുരോഗതി ഉണ്ടാകും. ഗൗരവമുള്ള വിഷയങ്ങൾ വളരെ ലാഘവത്തോടു കൂടി കൈകാര്യം ചെയ്യാൻ കഴിയും. ആത്മാഭിമാനം തോന്നും. മംഗള കർമ്മങ്ങൾക്ക് നേതൃത്വം വഹിക്കാനിടവരും. ജീവകാരുണ്യ പ്രവർത്തനങ്ങളിൽ സഹകരിക്കും പ്രത്യുപകാരം ചെയ്യാനുള്ള സാഹചര്യം വന്നു ചേരും ശുഭ സൂചകങ്ങളായ പ്രവൃത്തികളിൽ ശ്രദ്ധ കേന്ദ്രീകരിക്കുവാൻ സാധിക്കുന്നതിനാൽ ആത്മസംതൃപ്തിയുണ്ടാകും.
മകരക്കൂറ്
(ഉത്രാടം 3/4, തിരുവോണം, അവിട്ടം 1/2)
സന്താനങ്ങളുടെ പഠനത്തിൻ്റെ ഭാഗമായി ചില യാത്രകൾ വേണ്ടി വരും. പരീക്ഷകളിൽ കഠിനാധ്വാനം വേണ്ടതായി കാണുന്നു. ബന്ധുക്കളുമായോ പരിസരവാസികളുമായോ കലഹം വരാതെ നോക്കണം. അലർജി രോഗികൾ വളരെ ശ്രദ്ധിക്കണം. മേലധികാരികളുമായുള്ള നല്ല ബന്ധം പല വിധ ഉയർച്ചകൾക്കും കാരണമാകും. തീർത്ഥാടനത്തിലും ക്ഷേത്ര കാര്യങ്ങളിലും മനസ്സ് വ്യാപരിക്കും. വാഹനങ്ങൾ ഉപയോഗിക്കുമ്പോൾ കൂടുതൽ ശ്രദ്ധിക്കണം.
കുംഭക്കൂറ്
(അവിട്ടം 1/2, ചതയം, പൂരൂരുട്ടാതി 3/4 )
ആരോഗ്യ സംബന്ധമായി ശ്രദ്ധ വേണം അസുഖങ്ങൾ അവഗണിക്കരുത്. നിസ്സാരമെന്ന് പലർക്കും തോന്നുന്ന കാര്യങ്ങൾക്ക് അഹോരാത്രം പ്രയത്നം വേണ്ടി വരും. ശ്രദ്ധക്കുറവ് മൂലം ധനനഷ്ടത്തിനും അപകടങ്ങൾക്കും ഇടയുണ്ട്. ചില കൂട്ടുകെട്ടുകൾ കാരണം മന: സ്വസ്ഥത ഇല്ലാതാകും. ചില രഹസ്യ ബന്ധങ്ങൾ ഉണ്ടാകാതെ നോക്കണം.
മീനക്കൂറ്
(പൂരൂരുട്ടാതി 1/4, ഉത്തൃട്ടാതി, രേവതി)
നിസ്സാര കാര്യങ്ങൾക്കു പോലും കൂടുതൽ പരിശ്രമം വേണ്ടി വരും. സാമ്പത്തിക ഇടപാടുകളിൽ നിന്നും വിട്ടു നിൽക്കുകയാവും നല്ലത്. പ്രവൃത്തി മേഖലയിൽ നിന്ന് സാമ്പത്തിക നേട്ടം ഉണ്ടാകുമെങ്കിലും നീക്കിയിരുപ്പ് കുറയും. സാമ്പത്തിക ഇടപാടിലും അതിൻ്റെ പ്രവർത്തന മേഖലയിലും സൂക്ഷ്മമായ ഇടപെടലുകൾ വേണം.
ദമ്പതികൾ വിട്ടുവീഴ്ചാ മനോഭാവം കൈക്കൊള്ളണം. അലസത വെടിയണം. ജലം അഗ്നി എന്നിവയിൽ നിന്നും അപകടങ്ങൾ ഉണ്ടാവാൻ സാധ്യതയുള്ളതിനാൽ നന്നായി ശ്രദ്ധിക്കണം.
ജ്യോതിഷി പ്രഭാസീന സി പി
Email ID prabhaseenacp@gmail.com
+91 9961442256
Summary: Predictions: This Month 1201 Kanni for you Predictions by Prabha Seena
Copyright 2025 riyoceline.com/projects/Neram/. All rights reserved
