ജ്യോതിഷരത്നം വേണു മഹാദേവ്
2024 ഒക്ടോബർ 17 വ്യാഴാഴ്ച, 1200 തുലാം 1 വ്യാഴാഴ്ച രാവിലെ 7:42 ന്, ഉദയാൽ 3 നാഴിക 32 വിനാഴികയ്ക്ക് മീനക്കൂറിൽ രേവതി നക്ഷത്രം രണ്ടാം പാദത്തിൽ തുലാം രവി സംക്രമം നടക്കും. കഴിഞ്ഞ ഏതാനും നാളുകളെ അപേക്ഷിച്ച് വളരെ പ്രതീക്ഷയും ആത്മവിശ്വാസവും പകരുന്ന ഒരു മാസസംക്രമമാണിത്. സൂര്യദേവൻ തുലാം രാശിയിലേക്ക് പ്രവേശിക്കുന്ന സമയം ഇത്തവണ രാവിലെ ക്ഷേത്രങ്ങൾ തുറന്നിരിക്കുന്ന സമയത്ത് തന്നെ ആയതിനാൽ അപ്പോൾ തന്നെ സംക്രമ പൂജ നടക്കും.
ഈ സംക്രമ സമയം മുതൽ രണ്ടര നാഴിക അതായത്
ഒരു മണിക്കൂർ സമയത്തിനകം ഗൃഹത്തിലോ കച്ചവട സ്ഥാപനത്തിലോ ദീപം തെളിയിച്ച് ആദിത്യസംക്രമത്തെ വരവേൽക്കുന്നവർക്ക് ഈ തുലാം മാസം ഐശ്വര്യവും അഭിവൃദ്ധിയും ഫലമാണ്.
തുലാം രവി സംക്രമ ദിവസം വ്യാഴാഴ്ചയായതിനാൽ വിഷ്ണുവിൻ്റെ അവതാരമൂർത്തി ക്ഷേത്രദർശനവും വഴിപാടുകളും നടത്താൻ മറക്കരുത്. സൂര്യ സംക്രമണം വരുന്നത് വ്യാഴാഴ്ച ആയതിനാൽ പൊതുവിൽ ഇത് ഗുണകരമാണ്.എങ്കിലും ചാരവശാൽ വ്യാഴം 6, 8, 12 ഭാവങ്ങളിൽ വരുന്ന മിഥുനം, തുലാം, ധനു കൂറിൽ പിറന്നവർ കൂടുതലായി വിഷ്ണുപ്രീതി വരുത്തണം.
വൈഷ്ണവക്ഷേത്രങ്ങളിൽ അതായത് മഹാവിഷ്ണു, ശ്രീകൃഷ്ണൻ, ശ്രീരാമൻ, നരസിംഹമൂർത്തി, വരാഹ മൂർത്തി ക്ഷേത്രങ്ങളിൽ ദർശനം നടത്തുകയും പാൽ പായസം, ഭാഗ്യസൂക്താർച്ചന തുടങ്ങിയ വഴിപാടുകൾ നടത്തേണ്ടതുമാണ്. മകരം, കുംഭം, മീനം കൂറുകളിൽ ജനിച്ച ഏഴര ശനിക്കാരും കർക്കടകം, ചിങ്ങം കൂറകളിൽ ജനിച്ച അഷ്ടമ ശനി, കണ്ടകശനിക്കാരും ജാതകാൽ ശനിദശ ശനി അപഹാരമുള്ളവരും തീർച്ചയായും ഇപ്പോൾ ഹനുമാൻ സ്വാമിക്ക് അവൽ നിവേദ്യം, വെറ്റില മാല, ശാസ്താവിന് എള്ള് പായസം എന്നിവ നടത്താൻ മറക്കരുത്. ഇപ്പോൾ കേതു അനിഷ്ട സ്ഥാനത്ത് ആയതിനാൽ അതും യുഗ്മരാശിയിൽ ആയതിനാൽ ചാമുണ്ഡി, ഭദ്രകാളി ക്ഷേത്രങ്ങളിൽ രക്തപുഷ്പാഞ്ജലി
നടത്തുന്നത് തടസ്സങ്ങൾ നീങ്ങാൻ ഗുണം ചെയ്യും.
രാഹു അനിഷ്ടസ്ഥാനത്ത് ഉള്ളവരും രാഹു ദശാപഹാരം ഉള്ളവരും സർപ്പ ക്ഷേത്രത്തിൽ നൂറും പാലും നടത്തണം. വ്യാഴ പ്രീതിക്കായി വിഷ്ണുവിന്റെ അവതാരം മൂർത്തി ക്ഷേത്രങ്ങളിൽ തുളസിമാല പാൽപ്പായസം നടത്തി പ്രാർത്ഥിക്കുന്നത് ഉചിതം.
ജ്യോതിഷരത്നം വേണു മഹാദേവ്
+91 8921709017
ALSO READ
Story Summary: Importance of Thulam Ravi Sankraman
Copyrights 2024 riyoceline.com/projects/Neram/. All rights reserved
