(നേരം ഓൺ ലൈൻ ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : riyoceline.com/projects/Neram/)
ജ്യോതിഷരത്നം വേണു മഹാദേവ്
തിരുവില്വാമല ഏകാദശി അഥവാ വിജയ ഏകാദശി ആചരിച്ചാൽ സര്വ്വകാര്യ വിജയം ലഭിക്കും. രാവണന് മേല് ശ്രീരാമന് വിജയം നേടിയത് ഈ ദിവസമാണ്. അന്ന് വിഷ്ണു ഭഗവാനെ ആരാധിക്കുകയും ശ്രീരാമൻ, ശ്രീകൃഷ്ണൻ, നരസിംഹ മൂർത്തി തുടങ്ങിയ വൈഷണവ ദേവതകളെ പ്രീതിപ്പെടുത്തുന്ന വഴിപാടുകൾ നടത്തുകയും ചെയ്താൽ എല്ലാ പാപങ്ങളിൽ നിന്നും മോചനം ലഭിക്കുകയും മനോശുദ്ധി, അഭീഷ്ടസിദ്ധി എന്നിവ കൈവരുകയും ചെയ്യും. 2025 ഫെബ്രുവരി 24 നാണ് വിജയ ഏകാദശി.
എല്ലാ മാസവും വെളുത്തപക്ഷത്തിലും കറുത്ത പക്ഷത്തിലും ഏകാദശി തിഥികളുണ്ട്. ഇതിൽ കുംഭമാസം കറുത്ത പക്ഷത്തിൽ വരുന്ന വിജയ ഏകാദശി ശ്രീരാമഭഗവാന് ഏറെ വിശേഷമാണ്. കേരളത്തിൽ ഈ ഏകാദശി തിരുവില്വാമല ഏകാദശി എന്ന പേരിലാണ് അറിയപ്പെടുന്നത്. തൃശ്ശൂരിൽ തലപ്പിള്ളിയിലാണ് ഏറെ പുരാതനമായ തിരുവില്വാമല ശ്രീവില്വാദ്രിനാഥക്ഷേത്രം. ശ്രീരാമചന്ദ്രനും അനന്തശേഷ നാഗത്തിന്റെ അവതാരമായ അനുജൻ ലക്ഷ്മണ മൂർത്തിയുമാണ് മുഖ്യപ്രതിഷ്ഠകൾ. കേരളത്തിലെ പ്രധാനപ്പെട്ട ശ്രീരാമക്ഷേത്രങ്ങളിലൊന്നും അപൂർവ്വം ലക്ഷ്മണ ക്ഷേത്രങ്ങളിലൊന്നുമാണിത്. കേരളത്തിലെ രണ്ടാമത്തെ ഏറ്റവും വലിയ നദിയായ, ഭാരതപ്പുഴ ക്ഷേത്രത്തിന് 3 കിലോമീറ്റർ വടക്കായി ഒഴുകുന്നു. ക്ഷേത്രം ഒരു കുന്നിന്റെ മുകളിലായതിനാൽ താഴോട്ട് നോക്കിയാൽ പുഴ കാണാം. തിരുവില്വാമലയിലെ പ്രധാന ഉത്സവം കുംഭമാസത്തിലെ കറുത്തപക്ഷ ഏകാദശിയാണ്. വില്വാദ്രിനാഥനിൽ ശൈവചൈതന്യവും കുടിയിരിക്കുന്നതു കാരണമാണ് കറുത്തപക്ഷ ഏകാദശി ആഘോഷിക്കുന്നത്. തൃപ്രയാർ ഏകാദശിയും കൃഷ്ണപക്ഷത്തിലാണ്.
ദശമി, ഏകാദശി, ദ്വാദശി ദിവസങ്ങളിലാണ് വിജയ ഏകാദശി വ്രതം ആചരിക്കണം. ഈ മൂന്ന് ദിവസവും ഉദയത്തിന് മുൻപ് ഉറക്കമുണർന്ന് കുളിച്ച് വിഷ്ണുപൂജയും വൈഷ്ണവക്ഷേത്രം ദർശനവും നടത്തി പ്രാർത്ഥിക്കണം. ഓം നമോ നാരായണായ, ഓം നമോ ഭഗവതേ വാസുദേവായ, ഓം രാം രാമായ നമ: എന്നീ മന്ത്രങ്ങൾ ഭക്തിപൂർവം കഴിയുന്നത്ര ജപിക്കണം. വിഷ്ണു ദ്വാദശ മന്ത്രങ്ങൾ, അഷ്ടോത്തരം, വിഷ്ണു സഹസ്രനാമം ആദിത്യഹൃദയം ഇവ ജപിക്കുന്നത് നല്ലതാണ്. വിജയ ഏകാദശി ദിവസമായ ഫെബ്രുവരി 24 ന് പൂര്ണ്ണമായും ഉപവസിക്കണം. പകലുറക്കം പാടില്ല. ബ്രഹ്മചര്യനിഷ്ഠ പാലിക്കുക. ദശമി, ദ്വാദശി ദിവസങ്ങളിൽ ഉച്ചയ്ക്ക് ഊണ് കഴിക്കാം. മറ്റ് നേരങ്ങളില് പഴവര്ഗ്ഗങ്ങള് കഴിക്കാം. തികഞ്ഞ ചിട്ടയോടെ ഈ വ്രതം പാലിക്കണം. ഫെബ്രുവരി 24 രാവിലെ 7:43 മുതല് രാത്രി 7:26 വരെയാണ് ഹരിവാസര വേള. തിരുവില്വാമല ഏകാദശി ദിവസം ശ്രീ രാമ പ്രീതികരമായ മന്ത്രങ്ങളും കീർത്തനങ്ങളും ജപിക്കുന്നത് വിശേഷാൽ ഫലം തരും.
രാമായണത്തിൻ്റെ പ്രധാന ഭാഗങ്ങൾ നാമരൂപത്തിൽ ഉൾപ്പെടുത്തിയുള്ള ഉദാത്ത രചനയായ നാമരാമായണം ഈ ദിവസം ജപിക്കുകയോ കേൾക്കുകയോ ചെയ്യുന്നത്
ബഹു വിശേഷമാണ്. രചയിതാവിനെപ്പറ്റിയും രചനാകാലവും ആർക്കും അറിയാത്ത നാമരാമായണം ഏഴ് കാണ്ഡങ്ങളിൽ തന്നെയാണ് ഒരുക്കിയിട്ടുള്ളത്. രാമായണം മൊത്തം പാരായണം ചെയ്യുന്നതിന് തുല്യം എന്നാണ് നാമരാമായണ ജപത്തെ പറയുന്നത്. പ്രസിദ്ധ ഗായകൻ മണക്കാട് ഗോപൻ നേരം ഓൺലൈനിന് വേണ്ടി ആലപിച്ച നാമരാമായണം ലിങ്ക് ഇവിടെ ചേർക്കുന്നു. ജയ് ശ്രീറാം ജയ് ഹനുമാൻ :
ALSO READ
ജ്യോതിഷരത്നം വേണു മഹാദേവ്
- 91 9847575559
Story Summary: Significance Of Vijaya Ekadeshi
ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്ത്തകള് അപ്പപ്പോള് ലഭിക്കാന്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക : AstroG App
Copyright 2025 riyoceline.com/projects/Neram/. All rights reserved
