ജ്യോതിഷരത്നം വേണു മഹാദേവ്
വാരം ആരംഭം: 2025 സെപ്തംബർ 7, ഞായർ,
കുംഭക്കൂറ്, ചതയം നക്ഷത്രം രണ്ടാം പാദം .
വിശേഷ ദിവസങ്ങൾ:
സെപ്തംബർ 7: ശ്രീ നാരായണഗുരു ജയന്തി, പൗർണ്ണമി,
ഉമാ മഹേശ്വര വ്രതം
സെപ്തംബർ 8: മഹാളയപക്ഷാരംഭം
സെപ്തംബർ 12: ചട്ടമ്പി സ്വാമി ജയന്തി, വാരാഹി പഞ്ചമി
വാരം അവസാനം: 2025 സെപ്തംബർ 13, ശനി,
ഇടവക്കൂറ്, രോഹിണി നക്ഷത്രം നാലാം പാദം .
ഈ ആഴ്ചയിലെ നക്ഷത്രഫലം:
മേടക്കൂറ്
( അശ്വതി, ഭരണി, കാർത്തിക 1 )
മാനസിക സമ്മർദ്ദത്തിൽ നിന്ന് മുക്തി നേടുന്നതിനും തൊഴിലിൽ വിജയിക്കാനുമാകും. വിദ്യാർത്ഥികൾക്ക് മികച്ച നേട്ടങ്ങൾ കൈവരിക്കാൻ സാധിക്കും. ആരോടും മനസ്സിലുള്ളത് പങ്കിടാതിരിക്കുക. അല്ലെങ്കിൽ വിശ്വാസം മുതലെടുത്ത് പിന്നീട് അവർ നിങ്ങളെ വേദനിപ്പിക്കും. ബിസിനസ്സ് ശരിയായ ദിശയിൽ നീങ്ങും. വ്യത്യസ്ത അനുഭവങ്ങളിൽ നിന്ന് തന്ത്രങ്ങളും പുതിയ പദ്ധതികളും ആവിഷ്കരിക്കും. വിവേകത്തോടെ നിക്ഷേപങ്ങൾ നടത്തും. 108 തവണ ഓം വചത്ഭുവേ നമഃ ജപിക്കുക.
ഇടവക്കൂറ്
(കാർത്തിക 2, 3,4, രോഹിണി, മകയിരം 1, 2 )
ധനസംബന്ധമായ തർക്കത്തിൽ അകപ്പെട്ടിരുന്നെങ്കിൽ
അതിൽ നിന്ന് മോചനം ലഭിക്കും. ഏത് സാഹചര്യവും വഷളാകും മുമ്പ് പരിഹരിക്കാൻ കഴിയും. കുടുംബ വരുമാനം വർദ്ധിക്കാൻ സാധ്യത കാണുന്നു. ഒരു പുതിയ വാഹനം വാങ്ങാൻ കഴിയും. കഠിനാദ്ധ്വാനത്തിന് നല്ല ഫലങ്ങൾ ലഭിക്കും. ജോലിയിൽ ആശയക്കുഴപ്പങ്ങൾ അനുഭവപ്പെടും. ഉചിതമായ തീരുമാനങ്ങൾ എടുക്കും.
ആരോഗ്യം പതിവിലും മികച്ചതായിരിക്കും. നല്ല ഉന്മേഷം തോന്നും. ദിവസവും ലളിതാസഹസ്രനാമം ജപിക്കുക.
മിഥുനക്കൂറ്
(മകയിരം 3, 4, തിരുവാതിര, പുണർതം 1, 2, 3)
ഗൃഹത്തിൽ സന്തോഷകരമായ അന്തരീക്ഷം സംജാതമാകും. മംഗള കർമ്മങ്ങളിൽ പങ്കെടുക്കും. സ്വപ്നം നടക്കും. പണം കടം കൊടുക്കുമ്പോൾ എപ്പോൾ തിരികെ നൽകും എന്നത് ഉൾപ്പെടെ എല്ലാ രേഖകളും രേഖാമൂലം ഒപ്പിട്ട് വാങ്ങേണ്ടതാണ് അപകടങ്ങളിൽ നിന്ന് രക്ഷപ്പെടും. ആർക്കെങ്കിലും എന്തെങ്കിലും ദോഷം അറിയാതെ ചെയ്തിട്ടുണ്ടെങ്കിൽ പോലും ക്ഷമ പറയണം. സംസാരത്തിലും പ്രവൃത്തിയിലും മാന്യത കാണിക്കാൻ നോക്കണം. വിദേശത്തേക്ക് പോകാനുള്ള ശ്രമം വിദ്യാർത്ഥികൾ ഉപേക്ഷിക്കും. ഓം നമോ നാരായണായ നിത്യവും 108 തവണ ജപിക്കുക.
കർക്കടകക്കൂറ്
(പുണർതം 4, പൂയം, ആയില്യം)
ചെലവുകളിൽ നിയന്ത്രണം പാലിക്കേണ്ടതുണ്ട്. അല്ലാത്തപക്ഷം ആവശ്യസമയത്ത് പണത്തിന്റെ അഭാവം നേരിടും. മാനസിക സമ്മർദ്ദം വർദ്ധിക്കും. ചിലരുടെ വിവാഹാലോചന തെറ്റിപ്പോകും. വിദേശ കമ്പനിയിൽ ജോലി ചെയ്യുന്നവർക്ക്, ഒരു പ്രമോഷൻ അല്ലെങ്കിൽ ആനുകൂല്യം ലഭിക്കാൻ ശക്തമായ സാധ്യതയുണ്ട്. ജീവിതത്തിൽ മുന്നേറാൻ സാഹചര്യങ്ങൾ ഒത്തുവരും. ആരോഗ്യ കാര്യത്തിൽ നല്ല ശ്രദ്ധ വേണം. വിദ്യാഭ്യാസ രംഗത്ത് കുട്ടികൾ വളരെയധികം മികവ് കാട്ടും. നിത്യവും ഓം ശ്രീം നമഃ ജപിക്കണം.
ALSO READ
ചിങ്ങക്കൂറ്
( മകം, പൂരം, ഉത്രം 1 )
സാമ്പത്തിക ബാധ്യതയുള്ള കാര്യങ്ങൾ ഏറ്റെടുക്കരുത്. പല വഴികളിൽ പെട്ടെന്ന് പണം ലഭിക്കാൻ സാധ്യതയുണ്ട്. ആരോഗ്യസ്ഥിതിമെച്ചപ്പെടും. കുടുംബ പ്രശ്നങ്ങൾ കാരണമുള്ള ഉത്കണ്ഠ ഒരു രീതിയിലും ഗുണംചെയ്യില്ല എന്ന് തിരിച്ചറിഞ്ഞ് പ്രവർത്തിക്കണം. ചിലർക്ക് പ്രണയ വിവാഹം നടക്കാൻ സാധ്യതയുണ്ട്. ജോലിയിൽ മുന്നേറ്റം നടത്താൻ കഴിയും. എല്ലാ ദിവസവും ആദിത്യ ഹൃദയം എന്നും ജപിക്കുന്നത് നല്ലത്.
കന്നിക്കൂറ്
( ഉത്രം 2, 3, 4, അത്തം, ചിത്തിര 1 , 2 )
ധൈര്യവും ആത്മവിശ്വാസവും കൂടും. ആരോഗ്യം മെച്ചപ്പെടും. സഹോദരങ്ങളുടെ പിന്തുണ ലഭിക്കുന്നത് ചില പ്രശ്നങ്ങളിൽ നിന്ന് കരകയറാൻ സഹായിക്കും. പ്രതിസന്ധി ഘട്ടങ്ങളിൽ സമ്പാദ്യം തുണയാകും എന്ന് തിരിച്ചറിയും. അതിനാൽ സമ്പത്ത് സ്വരൂപിക്കുന്നതിൽ കാണിച്ച ഉദാസീനത പരിഹരിക്കാൻ ശ്രദ്ധിക്കും. ഭൂമി ഇടപാടിൽ ലാഭം പ്രതീക്ഷിക്കാം. വിദ്യാർത്ഥികൾക്ക് ഈ ആഴ്ച അനുകൂലം. ജീവകാരുണ്യ പ്രവർത്തനങ്ങളിൽ ഏർപ്പെടും. നാരായണീയം എല്ലാ ദിവസവും ജപിക്കുക.
തുലാക്കൂറ്
( ചിത്തിര 3, 4, ചോതി, വിശാഖം 1, 2, 3 )
കുടുംബത്തിൽ സ്നേഹം, സഹകരണം എന്നിവ കൂടും. സുപ്രധാന ജോലികളിൽ വിജയിക്കും. വ്യാപാരികൾക്ക് ജോലിയുമായി ബന്ധപ്പെട്ട് ധാരാളം യാത്രകൾ വേണ്ടി വരും. പ്രതീക്ഷിച്ചതിലും കൂടുതൽ പണം ചെലവാകും. കുടുംബത്തിന് മുഴുവൻ സന്തോഷം നൽകുന്ന വാർത്ത കേൾക്കും. ബിസിനസ് പങ്കാളി ദ്രോഹം ചെയ്യാനുള്ള സാധ്യത കാണുന്നു. അശ്രദ്ധ സാമ്പത്തിക നഷ്ടത്തിന് വഴിവെയ്ക്കും. ഓം ദും ദുർഗ്ഗായൈ നമഃ ജപിക്കണം.
വൃശ്ചികക്കൂറ്
(വിശാഖം 4, അനിഴം, തൃക്കേട്ട )
വൈകാരികമായ പ്രതികരണങ്ങൾ നിയന്ത്രിക്കാൻ ബുദ്ധിമുട്ടുണ്ടാകും. വിചിത്രമായ പെരുമാറ്റം ആളുകളെ ആശയക്കുഴപ്പത്തിലാക്കും. വലിയ നിക്ഷേപങ്ങൾക്ക് പറ്റിയ സമയമല്ല. മറ്റുള്ളവരുടെ വാക്കുകൾക്കും ഉപദേശങ്ങൾക്കും വിലകൊടുക്കാത്തത് ജോലിയിൽ നിരന്തരമായ തടസ്സങ്ങൾക്ക് പ്രധാന കാരണമാകും. പരീക്ഷയിൽ പ്രതീക്ഷിച്ച ഫലങ്ങൾ ലഭിക്കാതിരിക്കാൻ സാധ്യതയുണ്ട്. ഓം ഗം ഗണപതയേ നമഃ ജപിക്കുക.
ധനുക്കൂറ്
(മൂലം, പൂരാടം, ഉത്രാടം 1 )
വ്യായാമം, യോഗ എന്നിവ ആരോഗ്യം നിലനിർത്താൻ സഹായിക്കും. സാമ്പത്തിക പുരോഗതി കൈവരിക്കാൻ കഴിയും. കുടുംബാംഗങ്ങൾ സന്തുഷ്ടരാകും. എന്നാൽ
കുടുംബത്തിലെ മുതിർന്നവരുടെ ആരോഗ്യപ്രശ്നങ്ങൾ മാനസിക സമ്മർദ്ദത്തിലേക്കും ഉത്കണ്ഠയിലേക്കും നയിക്കും. കഠിനാധ്വാനത്തിന് പൂർണ്ണമായ ഫലം കിട്ടാൻ
ശുഭാപ്തി വിശ്വാസം നിലനിർത്താൻ ശ്രമിക്കേണ്ടതാണ്. ഓം നമോ ഭഗവതേ വാസുദേവായ നിത്യവും ജപിക്കുക.
മകരക്കൂറ്
( ഉത്രാടം 2, 3, 4, തിരുവോണം, അവിട്ടം 1, 2 )
എല്ലാത്തരം സാമ്പത്തിക ബുദ്ധിമുട്ടുകളും മാറിക്കിട്ടും. വിലയേറിയ ഗൃഹോപകരണങ്ങൾ വാങ്ങും. ആരോഗ്യ ജീവിതത്തിൽ നല്ല മാറ്റം ഉണ്ടാകും. കുടുംബത്തിൽ, ചില ചെറിയ പ്രശ്നങ്ങൾ തുടരുന്ന സാഹചര്യത്തിൽ കുടുംബ സമാധാനം നിലനിർത്താൻ മുൻകൈ എടുക്കണം. വാക്കുകൾ നിയന്ത്രിക്കണം. എതിരാളികൾ ബലഹീനത മുതലെടുത്ത് ഉപദ്രവിക്കും. ഓം നമഃ ശിവായ ജപിക്കുക.
കുംഭക്കൂറ്
( അവിട്ടം 3, 4, ചതയം, പൂരുരുട്ടാതി 1, 2, 3 )
സാമ്പത്തിക സ്ഥിതി വളരെ മെച്ചപ്പെടും. കിട്ടുന്ന ധനം സൂക്ഷിക്കാൻ കഴിയും. കൂടുതൽ സാമ്പത്തിക നേട്ടം കൈവരിക്കാൻ ചില തീരുമാനങ്ങൾ എടുക്കേണ്ടി വരും.
എല്ലായ്പ്പോഴും ആസൂത്രണം ചെയ്തപോലെ കാര്യം നടക്കാൻ സാധ്യയില്ലെന്ന് തിരിച്ചറിഞ്ഞ് ജീവിക്കണം. ജോലിയിൽ സ്ഥലത്ത് വഞ്ചനയ്ക്ക് സാധ്യത കാണുന്നു.
പങ്കാളിയുടെ പെരുമാറ്റത്തിലെ മാറ്റങ്ങൾ വേദനിപ്പിക്കും. ഓം ഹം ഹനുമതേ നമഃ ദിവസവും 108 തവണ ജപിക്കുക.
മീനക്കൂറ്
(പൂരുരുട്ടാതി 4 , ഉത്തൃട്ടാതി, രേവതി )
ഇപ്പോൾ ദീർഘകാല നിക്ഷേപങ്ങൾ നടത്തിയാൽ നല്ല ഭാവിയിൽ നല്ല വരുമാനം ലഭിക്കും. മാനസികമായ എല്ലാ അസ്വസ്ഥതകളിൽ നിന്നും മോചനം കിട്ടും. വിദേശത്ത്
പോകാൻ അവസരം ലഭിക്കും. ഔദ്യോഗിക ജീവിതത്തിൽ നല്ല നേട്ടമുണ്ടാക്കാൻ കഴിയും. ആരോഗ്യപ്രശ്നങ്ങൾക്ക് സാധ്യതയുണ്ട്. പ്രത്യേകിച്ച് നേത്ര, ത്വക് സംബന്ധമായ രോഗങ്ങൾ ശ്രദ്ധിക്കണം. നയപരമായ പെരുമാറ്റം ബുദ്ധിമുട്ടുള്ള സാഹചര്യങ്ങളെ നേരിടാൻ സഹായിക്കും. ഓം ക്ലീം കൃഷ്ണായ നമഃ 108 തവണ വീതം ജപിക്കണം.
ജ്യോതിഷരത്നം വേണു മഹാദേവ്
മൊബൈൽ: + 91 9847575559
Summary: Weekly Star predictions based on moon sign by Venu Mahadev
Copyright 2025 riyoceline.com/projects/Neram/. All rights reserved
