2025 ഡിസംബർ 1 മുതൽ 31 വരെയുള്ള ഒരുമാസത്തെ സാമാന്യ ഫലമാണിവിടെ പറയുന്നത് ഇതിന്റെ കൂടെ ജാതകാൽ കൂടി പരിശോധിച്ച് ഗുണദോഷഫലങ്ങൾ വിലയിരുത്തണം:
മേടക്കൂറ്
( അശ്വതി, ഭരണി , കാർത്തിക 1/4 )
ക്രമാതീതമായ യാത്രകൾ കൊണ്ട് ആരോഗ്യ പ്രശ്നങ്ങൾ അഭിമുഖികരിക്കേണ്ടി വരും. വരവും ചിലവും പൊരുത്തപ്പെടുത്തി മുന്നോട്ടു പോകാൻ വളരെ പ്രയാസപ്പെടും. ആരേയും അമിതമായി വിശ്വസിക്കരുത്. അക്ഷീണമായ പരിശ്രമം മൂലം നഷ്ടങ്ങൾ ഒഴിവാകും. ദൈവിക കാര്യങ്ങളിൽ കൂടുതൽ ശ്രദ്ധ ചെലുത്തുക. മടി, അലസത ഇവ ഉപേക്ഷിക്കണം.
ഇടവക്കൂറ്
(കാർത്തിക 3/4, രോഹിണി, മകയിരം1/2)
ചില ദൂരയാത്രകൾ ആവശ്യമായി വരും. അലർജി ആസ്മ അസ്ഥിരോഗങ്ങൾ ഉള്ളവർക്ക് നല്ല ശ്രദ്ധവേണം. അന്യരുടെ കാര്യങ്ങളിൽ ഇടപെട്ട് ശത്രുത സമ്പാദിക്കാൻ ഇടയുണ്ട്. ശരീരത്തിനും മനസ്സിനും പൊതുവെ ക്ഷീണം അനുഭവപ്പെടുന്നതാണ്. ധന്വന്തരി ഭഗവാനെ പ്രീതിപ്പെടുത്തുകയും പ്രാർത്ഥിക്കുകയും വേണം. കഠിനാധ്വാനത്തിലൂടെ കാര്യങ്ങൾ നേടും.
മിഥുനക്കൂറ്
( മകയിരം 1/2, തിരുവാതിര, പുണർതം 3/4)
കുടിശ്ശിക ഇനത്തിൽ കിട്ടാനുണ്ടായിരുന്ന ധന ലഭിക്കാം. ഈ സമയം കടം കൊടുക്കുന്നത് ഒഴിവാക്കുക. ആചാര മര്യാദകൾ പാലിക്കുന്നതിൽ ആത്മസംതൃപ്തി ഉണ്ടാകും. സുപ്രധാന കാര്യങ്ങളിൽ മുതിർന്നവരുടെ നിർദ്ദേശങ്ങൾ പരിഗണിക്കുക. തൊഴിൽ രംഗത്ത് ചില മ്ലാനതകൾ അനുഭവപ്പെടും. ഉന്മേഷക്കുറവും അലസതയും കൊണ്ട് പല കാര്യങ്ങളും മുടക്കം വരാതെ ശ്രദ്ധിക്കണം.
കർക്കടകക്കൂറ്
( പുണർതം 1/4, പൂയ്യം , ആയില്യം)
ഊർജ്ജസ്വലതയോടെ പ്രവർത്തിച്ച് കാര്യങ്ങൾ തനിക്ക് അനുകൂലമാക്കാൻ പരിശ്രമിക്കുന്നത് ഫലപ്രാപ്തി നൽകും. പൊതുജനോപകാരപ്രദങ്ങളായ കാര്യങ്ങളോ സേവനങ്ങളോ ചെയ്യേണ്ടതായി വരും. സാമ്പത്തിക ഭദ്രതയും കുടുംബാഭിവൃദ്ധിയും കാണുന്നു. വാഹനം കൈകാര്യം ചെയ്യുമ്പോൾ വളരെയധികം ശ്രദ്ധിക്കണം. ഗൃഹനിർമ്മാണം നടക്കും. ആരോഗ്യത്തിൽ നല്ല ശ്രദ്ധ വേണം.
ചിങ്ങക്കൂറ്
( മകം, പൂരം ഉത്രം 1/4)
വിവാഹ വിഷയങ്ങളുമായി ബന്ധപ്പെട്ട് ചതിയിൽപ്പെടാൻ സാധ്യത കാണുന്നതിനാൽ ശ്രദ്ധിച്ചു മാത്രം ഈ കാര്യങ്ങളെ സമീപിക്കുക. സാമ്പത്തിക കാര്യങ്ങളിൽ ശ്രദ്ധിക്കണം. ചിലവ് അധികരിക്കാം. ആരോടെങ്കിലും പ്രത്യേകിച്ച് മേലധികാരികളോട് ദേഷ്യപ്പെട്ട് സംസാരിക്കുകയും പെരുമാറുകയും ചെയ്യാൻ തോന്നും. ഇത് നിയന്ത്രിക്കണം
ALSO READ
കന്നിക്കൂറ്
( ഉത്രം 3/4, അത്തം ചിത്തിര 1/2)
അവസരങ്ങൾ പ്രയോജനപ്പെടുത്താൻ ആത്മാർത്ഥമായി പ്രവർത്തിക്കും. മഹദ് വ്യക്തികളുമായി വിജ്ഞാനപ്രദമായ ആശയങ്ങൾ പങ്കുവെക്കാൻ അവസരമുണ്ടാകും. ആരോഗ്യ സംരക്ഷണത്തിനായി ദുഃശ്ശീലങ്ങൾ ഉപേക്ഷിക്കും. അസാദ്ധ്യമെന്ന് തോന്നുന്ന കാര്യങ്ങൾ സാധിക്കും. പഠിച്ച വിഷയത്തോടനുബന്ധമായ ഉദ്യോഗത്തിന് നിയമനാനുമതി ലഭിക്കും. മറന്നു കിടപ്പുള്ള പല കാര്യങ്ങളും ഓർമ്മിച്ച് പ്രവർത്തിക്കുവാൻ സാധിക്കും.
തുലാക്കൂറ്
(ചിത്തിര 1/2 , ചോതി, വിശാഖം 3/4 )
സന്താനങ്ങളുടെ പഠനത്തിൻ്റെ ഭാഗമായി ചില യാത്രകൾ വേണ്ടതായി വരും. കുടുംബ പുരോഗതിക്കു വേണ്ടിയുള്ള പ്രവർത്തനങ്ങൾ നടത്തും. വീടിൻ്റെ അറ്റകുറ്റപണികൾ നടത്തും. കേസുകളുടെ കാലതാമസങ്ങൾ അസ്വസ്ഥതകൾ സൃഷ്ടിക്കും. ജീവിതം നല്ല രീതിയിൽ വരാൻ പ്രയാസങളെ ചില അവസരത്തിൽ തരണം ചെയ്യേണ്ടതായി വരും.
വൃശ്ചികക്കൂറ്
(വിശാഖം 1/4 , അനിഴം , തൃക്കേട്ട )
എല്ലാ കാര്യങ്ങളും സമചിത്തതയോടെ കൈകാര്യം ചെയ്യുക. ദുഷിച്ച കൂട്ടുകെട്ടുകളും ലഹരി വസ്തുക്കളും വർജിക്കുക ഭക്ഷ്യവിഷബാധ ഏൽക്കാതെ സൂക്ഷിക്കണം. അശ്രദ്ധ കൊണ്ട് പണവും ആഭരണവും നഷ്ടപ്പെടാൻ സാധ്യതയുള്ളതിനാൽ ശ്രദ്ധിക്കുക. ആരോഗ്യശ്രദ്ധ വേണം സാമ്പത്തിക ക്രയവിക്രയം ശ്രദ്ധിച്ച് ചെയ്യുക മുറിവ് ചതവ് വരാതിരിക്കാൻ ശ്രദ്ധ വേണം. സാഹസ പ്രവർത്തികളിൽ നിന്നും പിൻമാറണം.
ധനുക്കൂറ്
( മൂലം, പൂരാടം, ഉത്രാടം 1/4 )
പൊതു പ്രവർത്തകർക്ക് പല എതിർപ്പുകളും ഉണ്ടായേക്കും. എതിർലിംഗത്തിലുള്ള ഒരു വ്യക്തിയുമായുള്ള അതിരു കവിഞ്ഞ ബന്ധം ചിലർക്ക് ദുഷ്പേര് സമ്പാദിക്കാൻ ഇടവരുത്തും. മാനസിക സംഘർഷം കുറയ്ക്കാൻ പ്രാർത്ഥനയ്ക്കും ധ്യാനത്തിനും സമയം കണ്ടെത്തണം. ദമ്പതികൾ വിട്ടുവീഴ്ചാ മനോഭാവം കൈക്കൊള്ളണം. ഈശ്വരാധീനം വർദ്ധിപ്പിക്കാൻ ശ്രമിക്കണം. ജോലിയിൽ വിരസത വരാതെ നോക്കണം. ആരോഗ്യത്തിൽ ശ്രദ്ധ വേണം. വാഹന ഉപയോഗം ശ്രദ്ധയോടെ ചെയ്യുക.
മകരക്കൂറ്
(ഉത്രാടം 3/4 തിരുവോണം, അവിട്ടം 1/2)
മേലധികാരികളുമായുള്ള നല്ല ബന്ധം പല വിധ ഉയർച്ചകൾക്കും കാരണമാകും. ജീവിത വിജയത്തിനു വേണ്ടി അങ്ങേയറ്റം പ്രയത്നിക്കും. ചില വാക്കുതർക്കങ്ങൾ കുടുംബത്തിൽ ഉണ്ടാവാതെ നോക്കണം. ആഢംബരം ഒഴിവാക്കണം പുണ്യ
തീർത്ഥ യാത്രകൾക്ക് അവസരമുണ്ടാകും. വാഹന ഉപയോഗത്തിൽ കൂടുതൽ ശ്രദ്ധിക്കണം.
കുംഭക്കൂറ്
( അവിട്ടം 1/2, ചതയം, പൂരൂരുട്ടാതി 3/4)
വരുമാനത്തിൽ വർദ്ധനവ് ഉണ്ടാകും. തൊഴിൽ മേഖല പൊതുവെ സമാധാനപരമായി കാണുന്നു. ധനലാഭം ഉദിഷ്ഠകാര്യസിദ്ധി എന്നിവ അനുഭവപ്പെടാം. കുടുംബത്തിലെ അസ്വസ്ഥതകൾ മാറിക്കിട്ടുന്നതാണ്. സന്താനങ്ങളുടെ ഉന്നതിക്കുവേണ്ടി പ്രയത്നിക്കും. കുടുംബത്തിൽ മംഗളകർമ്മങ്ങൾ നടക്കുവാനിടയുണ്ട്.
മീനക്കൂറ്
(പൂരൂരുട്ടാതി 1/4 ഉത്തൃട്ടാതി രേവതി )
പൈതൃക സ്വത്തുകൾ കൈവരിക്കാൻ ഇട വരും. ചിട്ടിയിൽ നിന്നും ധനം ലാഭിക്കാം. സർക്കാർ സഹായങ്ങളുടെ ലഭ്യതയും കാണുന്നു. എന്നാൽ ചിലവ് അധികരിക്കുക നിമിത്തം സാമ്പത്തിക ഭദ്രതക്കുറവ് സംഭവിക്കാം. ജോലിയിൽ അലസത വരാതെ നോക്കണം. ഈശ്വര ഭജനം മുടങ്ങാതെ നടത്തുവാൻ ശ്രദ്ധിക്കണം.
ജ്യോതിഷി പ്രഭാസീന സി പി
Email ID prabhaseenacp@gmail.com
+91 9961442256
Summary: Predictions: This Month 2025 December for you Predictions by Prabha Seena
(നേരം ഓൺ ലൈൻ ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്ത്തകള് അപ്പപ്പോള് ലഭിക്കാന്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക : AstroG App . )
Copyright 2025 NeramOnline.com . All rights reserved
