സുബ്രഹ്മണ്യൻ താരകാസുരനെ നിഗ്രഹിച്ചത് കണ്ട് ബ്രഹ്മാവ് സ്തുതിച്ചത് മാര്ഗ്ഗശീര്ഷ (വൃശ്ചികം – ധനു) മാസത്തിലെ ഷഷ്ഠി നാളില് ആയിരുന്നു. അന്ന് സ്കന്ദനെ പൂജിച്ചാല് കീര്ത്തിമാനാകുമെന്നാണ് ഐതിഹ്യം. സുബ്രഹ്മണ്യപ്രീതിക്കുള്ള ഏറ്റവും പ്രശസ്തവും അത്ഭുത ഫലസിദ്ധിയുള്ളതുമായ വ്രതമാണ് ഷഷ്ഠിവ്രതം. ഷഷ്ഠി ദിവസം ചെയ്യുന്ന ഏത് പ്രാർത്ഥനയ്ക്കും ക്ഷിപ്രഫലസിദ്ധിയുണ്ട്.
ബ്രഹ്മാവിനെ അപമാനിച്ചതിന്റെ പാപ പരിഹാരത്തിന് സുബ്രഹ്മണ്യൻ നാഗരൂപത്തിൽ വർഷങ്ങളോളം തപസ് ചെയ്തു. ദുഃഖിതയായ പാർവ്വതി ദേവി ശിവ ഭഗവാന്റെ നിർദ്ദേശപ്രകാരം 108 ഷഷ്ഠി വ്രതം നോറ്റ് ധ്യാനത്തിൽ മുഴുകി. അമ്മയുടെ ദുഃഖവും വ്രതചര്യയും കണ്ട മുരുകൻ തപസ് അവസാനിപ്പിച്ച് വിഷ്ണുവിന്റെ അനുഗ്രഹത്താൽ
സ്വരൂപം സ്വീകരിച്ച് കൈലാസത്തിലേക്ക് തിരിച്ചുചെന്നു എന്ന് വിശ്വാസം. അന്നു മുതൽ സുബ്രഹ്മണ്യപ്രീതിക്ക് ഷഷ്ഠിദിനം വ്രതം സ്വീകരിക്കുവാൻ ശിവൻ നിർദ്ദേശിച്ചു.
തലേന്ന് വ്രതം തുടങ്ങണം
ഷഷ്ഠി വ്രതം നോൽക്കുന്നവർ തലേദിവസം മുതൽ വ്രതം തുടങ്ങണം. ഷഷ്ഠി ദിവസം പൂർണ്ണ ഉപവാസം ഏറ്റവും ഉത്തമം. സാധിക്കുന്നവർ അങ്ങനെ ചെയ്യുക. പറ്റാത്തവർ യഥാശക്തി അനുഷ്ഠിക്കുക. പഴവർഗ്ഗങ്ങൾ മാത്രമായോ, ലഘുഭക്ഷണം എന്ന രീതിയിലോ വ്രതം ആചരിക്കാം. മത്സ്യമാംസാദി ഭക്ഷണം പൂർണ്ണമായും ഉപേക്ഷിക്കണം. ജലപാനം വരെ ഒഴിവാക്കി പൂർണ്ണ ഉപവാസമായി വ്രതം എടുക്കുന്നവർ ധാരാളമുണ്ട്. ഈ ദിനം പരമാവധിസമയം ക്ഷേത്രത്തിൽ തന്നെ കഴിയണം. മന്ത്രങ്ങൾ, സ്തോത്രങ്ങൾ ജപിക്കുക. സ്കന്ദപുരാണം പാരായണം ഉത്തമം.
27 ദിവസം മൂലമന്ത്രം ജപിച്ചാൽ കാര്യസിദ്ധി
ഷഷ്ഠിനാളിൽ തുടങ്ങി 27 ദിവസം ഓം വചത്ഭുവേന നമഃ എന്ന മൂലമന്ത്രം 108 വീതം രണ്ട് നേരം ജപിച്ചാൽ കാര്യസിദ്ധിയാണ് ഫലം. അന്ന് തുടങ്ങി 28 ദിവസം 84 വീതം രണ്ട് നേരം ഓം സ്കന്ദായ നമഃ എന്ന മന്ത്രം ജപിച്ചാൽ ശത്രുദോഷ ശാന്തിയുണ്ടാകും. ഭാഗ്യം തെളിയുന്നതിന് ഈ ദിവസം തുടങ്ങി 41 ദിവസം 64 തവണ വീതം രണ്ട് നേരം ഓം ഇന്ദ്രായ നമഃ ജപിക്കണം.
ഓം സനത്കുമാരായ നമഃ എന്ന മന്ത്രം ഷഷ്ഠി ദിവസം മുതൽ 108 തവണ വീതം 2 നേരം 41 ദിവസം ജപിച്ചാൽ ഭാഗ്യം തെളിയുന്നതിനും കാര്യവിജയത്തിനും ഗുണകരം.
ധനാഭിവൃദ്ധിക്ക് നെയ്വിളക്ക്
സുബ്രഹ്മണ്യപ്രീതിക്ക് നടത്താവുന്ന വഴിപാടുകൾ
ഇനി പറയുന്നവയാണ്: ധനാഭിവൃദ്ധിക്ക് നെയ്വിളക്ക്, ഭാഗ്യവർദ്ധനവിന് ത്രിമധുരം, ദൃഷ്ടിദോഷങ്ങൾ മാറാൻ നാരങ്ങാമാല, രോഗശാന്തിക്ക് പാൽ അഭിഷേകം,
കാര്യവിജയത്തിന് മഞ്ഞപ്പട്ട് ചാർത്തൽ. അംഗീകാരം, ജനനേതൃത്വം ലഭിക്കാൻ കളഭാഭിഷേകം, പാപങ്ങൾ ശമിക്കാൻ ഭസ്മാഭിഷേകം, കാര്യവിജയത്തിന് കാവടി.
ഗുഹസ്തവം ക്ലേശങ്ങളും നശിപ്പിക്കും
ഷഷ്ഠി വ്രതം അനുഷ്ഠിച്ച് സുബ്രഹ്മണ്യ സ്വാമിയെ ഗുഹസ്തവം ജപിച്ച് പ്രാർത്ഥിച്ചാൽ എല്ലാ ക്ലേശങ്ങളും സങ്കടങ്ങളും നശിക്കും. ആവശ്യമായതെല്ലാം നൽകി
ശ്രീ മുരുകൻ അവരെ അനുഗ്രഹിക്കും. ദാരിദ്ര്യദുഃഖം നശിപ്പിക്കുന്നതിന് എറ്റവും നല്ലതാണ് ഗുഹസ്തവം ജപം എന്ന് പറയുന്നു.ഗുഹസ്വാമിയെ സ്തുതിക്കുന്ന സർവ്വാർത്ഥസിദ്ധി പ്രദമായ ഈ സ്തോത്രം പതിവായി ജപിക്കുകയോ കേൾക്കുകയോ ചെയ്യുന്ന ഭക്തരുടെ ഭവനങ്ങളിൽ ദാരിദ്ര്യദുഃഖങ്ങൾ ഉണ്ടാകില്ല. ഇത് ജപിക്കാൻ മന്ത്രോപദേശവും വ്രതവും വേണ്ട. ചൊവ്വാഴ്ച, ഷഷ്ഠി, സ്കന്ദ ഷഷ്ഠി, തൈപ്പൂയം, വൈകാശി വിശാഖം ദിവസങ്ങളിൽ ഭക്തിപൂർവം ഗുഹസ്തവം ജപിച്ചാൽ അതിവേഗം ഫലസിദ്ധി ഉണ്ടാകും. 12 ചൊവ്വാഴ്ച വ്രതമനുഷ്ഠിച്ച് ജപിച്ചാൽ കടബാധ്യതകളകറ്റി സമ്പൽ സമൃദ്ധി ഉറപ്പ്. പ്രസിദ്ധ ഗായകൻ മണക്കാട് ഗോപൻ ആലപിക്കുന്ന ഗുഹസ്തവം കേൾക്കാം:
ALSO READ
ജ്യോതിഷരത്നം വേണു മഹാദേവ്
മൊബൈൽ: + 91 9847575559
Story Summary : Significance and Benefits of Dhanu Masa Shashi Vritham
(നേരം ഓൺ ലൈൻ ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വിശേഷങ്ങൾക്കായി ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ വിശേഷങ്ങളും ജ്യോതിഷ പ്രവചനങ്ങളും സംബന്ധിച്ച വാര്ത്തകള് അപ്പപ്പോള് ലഭിക്കാന്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക : AstroG App . )
Copyright 2025 NeramOnline.com . All rights reserved
