ഭഗവാനും ഭഗവതിയും ദേശാടനത്തിന് ഇറങ്ങുന്നെന്ന് സങ്കല്പിക്കുന്ന ധനു മാസത്തിലെ തിരുവാതിര നാളിൽ വ്രതം അനുഷ്ഠിച്ച് ശിവപാർവതിമാരെ ഭജിച്ചാൽ ദീർഘമാംഗല്യവും അഭീഷ്ടസിദ്ധിയും ലഭിക്കും. മംഗല്യഭാഗ്യം, ഇഷ്ട വിവാഹം, സന്താനങ്ങൾക്ക് ഉന്നതി, കുടുംബ ഭദ്രത എന്നിവയ്ക്കും ഈ വ്രതം നല്ലതാണ്. കരിക്ക് കൊണ്ടുള്ള ധാരയാണ് തിരുവാതിര ദിവസം മഹാദേവന് നടത്താവുന്ന ഏറ്റവും ഉത്തമമായ വഴിപാട്. ഈ വ്രതാനുഷ്ഠാനം നടത്തുന്നവരുടെ ജീവിതത്തിൽ നിന്നും സ്ത്രീ, പുരുഷഭേദമന്യേ ദാമ്പത്യ ക്ലേശങ്ങൾ നിശ്ചയമായും മാറി നിൽക്കും.
ശിവന് ഏറ്റവും പ്രിയങ്കരം ധാര
പാപശാന്തിക്കും ഇഷ്ടകാര്യസിദ്ധിക്കും ശിവന് ചെയ്യാവുന്ന ഏറ്റവും പ്രധാന ചടങ്ങാണ് ധാര. ശുദ്ധജലം, പനിനീര്, ഇളനീർ, പാൽ, പഞ്ചഗവ്യം, നെയ്, തേൻ, എണ്ണ തുടങ്ങി വിവിധ ദ്രവ്യങ്ങൾ കൊണ്ട് ധാര നടത്തും. ഈ ചടങ്ങിന് ഉപയോഗിക്കുന്ന ദ്രവ്യങ്ങൾക്കനുസരിച്ച് വ്യത്യസ്തഫലങ്ങളും കണക്കാക്കപ്പെടുന്നു.
വ്രത വിധികൾ
2026 ജനുവരി 3-ാം തീയതിയാണ് ഇത്തവണ ധനു മാസത്തിലെ തിരുവാതിര. ശിവ ഭഗവാൻ്റെ തിരുനാളായും ഈ ദിവസത്തെ പറയുന്നു. 7 ദിവസമായും രോഹിണി, മകയിരം, തിരുവാതിര ദിവസങ്ങളിലും ജനുവരി 3 ന് മാത്രമായും ഇതിന് വ്രതം ആചരിക്കാം. മത്സ്യമാംസാദിഭക്ഷണം, അരിയാഹാരം ഇവ വ്രതം എടുക്കുന്നവർ ത്യജിക്കണം. കുടുംബഭദ്രതക്ക് വേണ്ടി സ്ത്രീകൾ നോൽക്കുന്ന വ്രതമാണെങ്കിലും പുരുഷൻമാർക്കും അനുഷ്ഠിക്കാം.
ആചാരങ്ങൾ പാലിക്കണം
ക്ഷേത്രദർശന ശേഷം കഴിയുന്നത്ര ശിവപാർവതി നാമങ്ങൾ ജപിച്ച് കഴിയണം. കഴിയുന്നവർ തിരുവാതിര കളി, ദശപുഷ്പം ചൂടൽ, തിരുവാതിര പുഴുക്ക് തുടങ്ങിയ ആചാരങ്ങൾ പാലിക്കണം. അവിവാഹിതർക്ക് ഉത്തമ ഭർത്താവിനെ ലഭിക്കുന്നതിനും മംഗല്യവതികൾക്ക് കുടുംബത്തിന്റെ ഭദ്രതയ്ക്കും തിരുവാതിര വ്രതം ഉത്തമമാണ്. ഓം നമഃ ശിവായ എന്ന പഞ്ചാക്ഷരമന്ത്രവും ഓം ഹ്രീം നമഃ ശിവായ എന്ന ശക്തിപഞ്ചാക്ഷരി മന്ത്രവും ശിവാഷ്ടോത്തരവും കഴിയുന്നത്ര ജപിക്കുകയും വേണം. ഉമാ മഹേശ്വര സ്തോത്രം, പാർവ്വതി വല്ലഭാഷ്ടകം, ഗൗരീശ കീർത്തനം,
ശിവസഹസ്രനാമം, ശിവപുരാണം, ഹാലാസ്യ മാഹാത്മ്യം, സൗന്ദര്യലഹരി , ദേവീ മാഹാത്മ്യം തുടങ്ങിയവ പാരായണം ചെയ്യുന്നത് നല്ലതാണ്. ശിവാഷ്ടോത്തരം കേട്ട് ജപിക്കാൻ:
ജ്യോതിഷരത്നം വേണു മഹാദേവ്,
(മൊബൈൽ: +91 89217 09017)
Story Summary: Thiruvathira Vritham Rules, Rituals and Benifits Of Karikku Dhara
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
ALSO READ
Copyright @ 2025 NeramOnline.com . All rights reserved.
