ശക്തിയുടെയും ഊർജ്ജത്തിന്റെയും ഗ്രഹമായ ചൊവ്വ സ്വന്തം ഉച്ചരാശിയായ മകരത്തിൽ പ്രവേശിച്ചു. ജ്യോതിഷപരമായി ഏറ്റവും ബലവാനായ നിലയിലാണ് ചൊവ്വ ഈ രാശിയിൽ സ്ഥിതി ചെയ്യുന്നത്. 2026 ജനുവരി 16 പുലർച്ചെ 04.28 മുതൽ ഫെബ്രുവരി 23 പകൽ 11.50 വരെ ചൊവ്വ മകരത്തിലായിരിക്കും. അതിബന്ധു നക്ഷത്രങ്ങളിലൂടെയുള്ള ഈ സഞ്ചാരം അതീവ ഗുണപ്രദമാകുമെന്ന് കരുതണം. ചൊവ്വ സാധാരണഗതിയിൽ ഒരു രാശിയിൽ 45 ദിവസമാണ് സഞ്ചരിക്കുന്നത്. കൃത്യമായ തീയതികൾ ഓരോ വർഷത്തെയും പഞ്ചാംഗം അനുസരിച്ച് വ്യത്യാസപ്പെടാം. ഇത്തവണ 39 ദിവസമാണ് മകരത്തിലുള്ളത്.
പൊതുവായ ഫലങ്ങൾ
ചൊവ്വ ചാരവശാൽ 3, 6, 11 എന്നീ ഭാവങ്ങളിൽ സഞ്ചരിക്കുന്നത് അതീവ ശുഭകരമാണ്. ഈ ഭാവങ്ങളിൽ ചൊവ്വ നിൽക്കുന്നവർക്ക് ശത്രുജയം, സാമ്പത്തിക ലാഭം, മത്സരങ്ങളിൽ വിജയം എന്നിവ ലഭിക്കും. എന്നാൽ 1, 2, 4, 7, 8, 12 എന്നീ ഭാവങ്ങളിൽ നിൽക്കുന്നവർ അല്പം ജാഗ്രത പാലിക്കേണ്ടതുണ്ട്. ദശാപഹാരകാല പ്രകാരം അനുകൂലമാണെങ്കിൽ ചാരവശാലുള്ള ദോഷങ്ങൾ കുറഞ്ഞും, മറിച്ചാണെങ്കിൽ ദോഷം കൂടുതലായും അനുഭവത്തിൽ വരും. കുടുംബത്തിൽ പകുതിയിലധികം അംഗങ്ങൾക്ക് ദോഷകാലമായി വന്നാൽ കൃത്യമായ ദോഷപരിഹാരം അനുഷ്ഠിക്കുകയും ചെയ്യണം.
ദോഷപരിഹാരങ്ങൾ
ചൊവ്വയുടെ ദോഷഫലങ്ങൾ അനുഭവിക്കുന്നവർ താഴെ പറയുന്ന പരിഹാരങ്ങൾ അനുഷ്ഠിക്കുക:
1) ചൊവ്വാഴ്ചകളിൽ സുബ്രഹ്മണ്യ സ്വാമിക്ക് പായസവഴിപാടും ചുവന്ന പുഷ്പങ്ങൾ കൊണ്ട് അർച്ചനയും നടത്തുക.
2) ദിവസവും ഓം അംഗാരകായ നമഃ എന്ന് 21 തവണ ജപിക്കുക.
3) ഭദ്രകാളി ക്ഷേത്രത്തിൽ രക്തപുഷ്പാഞ്ജലി നടത്തുന്നത് ഉത്തമമാണ്.
ചൊവ്വയുടെ രാശിമാറ്റം ഫലം
ഓരോ കൂറുകാർക്കും ഇപ്പോഴത്തെ ചൊവ്വയുടെ രാശിമാറ്റം എങ്ങനെ ബാധിക്കുമെന്ന് പരിശോധിക്കാം:
മേടക്കൂറ്
(അശ്വതി, ഭരണി, കാർത്തിക 1/4)
ഔദ്യോഗിക രംഗത്ത് പുരോഗതി, എന്നാൽ അനാവശ്യ ധൃതി ഒഴിവാക്കണം.
ഇടവക്കൂറ്
(കാർത്തിക 3/4, രോഹിണി, മകയിരം1/2)
സാമ്പത്തിക കാര്യങ്ങളിൽ ശ്രദ്ധ വേണം. കുടുംബത്തിൽ തർക്കങ്ങൾക്ക് സാധ്യത.
ALSO READ
മിഥുനക്കൂറ്
(മകയിരം 1/2, തിരുവാതിര, പുണർതം 3/4)
കാര്യവിജയം, ശത്രുനാശം. പുതിയ സംരംഭങ്ങൾ തുടങ്ങാൻ അനുയോജ്യം.
കർക്കടകക്കൂറ്
(പുണർതം 1/4, പൂയ്യം, ആയില്യം)
ആരോഗ്യ കാര്യങ്ങളിൽ ശ്രദ്ധ വേണം. യാത്രാക്ലേശം അനുഭവപ്പെടാം.
ചിങ്ങക്കൂറ്
(മകം, പൂരം, ഉത്രം 1/4)
സന്താനഗുണം, മനഃസുഖം. ദൂരയാത്രകൾ ഗുണകരമാകും.
കന്നിക്കൂറ്
(ഉത്രം 3/4, അത്തം, ചിത്തിര 1/2)
കടബാധ്യതകൾ കുറയ്ക്കാൻ സാധിക്കും. കർമ്മരംഗത്ത് അംഗീകാരം.
തുലാക്കൂറ്
(ചിത്തിര 1/2, ചോതി, വിശാഖം 3/4)
വിവാദങ്ങളിൽ നിന്ന് വിട്ടുനിൽക്കുക. പങ്കാളിയുമായി കലഹത്തിന് സാധ്യത.
വൃശ്ചികക്കൂറ്
(വിശാഖം 1/4, അനിഴം, തൃക്കേട്ട)
ഭാഗ്യാനുഭവങ്ങൾ, ധനലാഭം. തടസ്സപ്പെട്ട കാര്യങ്ങൾ നടപ്പിലാകും.
ധനുക്കൂറ്
(മൂലം, പൂരാടം, ഉത്രാടം 1/4)
ദേഷ്യം നിയന്ത്രിക്കണം. അപകടസാധ്യതയുള്ള ജോലികളിൽ ജാഗ്രത.
മകരക്കൂറ്
(ഉത്രാടം 3/4, തിരുവോണം, അവിട്ടം 1/2)
ഉന്നത സ്ഥാനമാനങ്ങൾ ലഭിക്കും. രാഷ്ട്രീയക്കാർക്കും ഭരണാധികാരികൾക്കും ഉത്തമം.
കുംഭക്കൂറ്
(അവിട്ടം 1/2, ചതയം, പൂരുരുട്ടാതി 3/4)
വൻ സാമ്പത്തിക നേട്ടം. തൊഴിലില്ലാത്തവർക്ക് ജോലി ലഭിക്കാൻ സാധ്യത.
മീനക്കൂറ്
(പൂരുരുട്ടാതി 1/4, ഉത്രട്ടാതി, രേവതി )
അനാവശ്യ ചിലവുകൾ വർദ്ധിക്കും. ഉറക്കക്കുറവ് അനുഭവപ്പെടാം.
അനിൽ വെളിച്ചപ്പാടൻ ,
മൊബൈൽ: + 919497134134
ഉത്തരാ ജ്യോതിഷ ഗവേഷണകേന്ദ്രം,
കരുനാഗപ്പള്ളി
Story Summary: Mars transit to Capricorn brings good fortune and Success for these zodiac signs
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500)
Copyright @ 2025 NeramOnline.com . All rights reserved.
