മേടം രാശി
(അശ്വതി, ഭരണി, കാർത്തിക ആദ്യ കാൽ)
ശാരീരിക അസ്വസ്ഥതകൾ, ജലദോഷം, ഭക്ഷണ സുഖക്കുറവ് എന്നിവ അനുഭവപ്പെടാൻ സാധ്യതയുണ്ട്. മക്കൾക്കോ മാതാപിതാക്കൾക്കോ ആരോഗ്യപ്രശ്നങ്ങൾ ഉണ്ടായേക്കാം. മാനസിക സമ്മർദ്ദം വർദ്ധിക്കാനും ഉറക്കക്കുറവ് അനുഭവപ്പെടാനും ഇടയുള്ളതിനാൽ വിശ്രമം ആവശ്യമാണ്.
ഇടവം രാശി
(കാർത്തിക അവസാന മുക്കാൽ, രോഹിണി, മകയിര്യം ആദ്യ പകുതി)
വാഹനങ്ങൾ വാങ്ങാനോ ഉപയോഗിക്കാനോ അനുകൂലമായ ദിവസമാണ്. ദാമ്പത്യ ജീവിതത്തിൽ ഐക്യവും സന്തോഷവും ഉണ്ടാകും. തൊഴിൽ വിജയവും സാമ്പത്തിക ലാഭവും കൈവരും. പ്രണയബന്ധങ്ങൾ വിവാഹത്തിലേക്ക് നീങ്ങാൻ സാധ്യതയുള്ള സുദിനമാണ്.
മിഥുനം രാശി
(മകയിര്യം അവസാന പകുതി, തിരുവാതിര, പുണർതം ആദ്യ മുക്കാൽ):
തൊഴിലന്വേഷകർക്ക് തങ്ങൾ ആഗ്രഹിക്കുന്ന മേഖലയിൽ ജോലി ലഭിക്കാൻ യോഗമുണ്ട്. അപ്രതീക്ഷിതമായി പല ഭാഗ്യാനുഭവങ്ങളും നിങ്ങളെ തേടിയെത്തും. ദീർഘനാളായി പരിശ്രമിച്ച കാര്യങ്ങളിൽ അനുകൂലമായ ഫലം ലഭിക്കും.
ALSO READ
കർക്കടകം രാശി
(പുണർതം അവസാന കാൽ, പൂയം, ആയില്യം)
വിദേശത്ത് ജോലി ചെയ്യുന്നവർ അതീവ ജാഗ്രത പാലിക്കുക; വിശ്വസ്തരായ വ്യക്തികളിൽ നിന്ന് ചതി നേരിടാൻ സാധ്യതയുണ്ട്. സാമ്പത്തിക ബുദ്ധിമുട്ടുകൾ നേരിട്ടേക്കാം. ആരോഗ്യ കാര്യങ്ങളിൽ വിട്ടുവീഴ്ച ചെയ്യരുത്.
ചിങ്ങം രാശി
(മകം, പൂരം, ഉത്രം ആദ്യ കാൽ)
ചെയ്യുന്ന കാര്യങ്ങളിലെല്ലാം തടസ്സങ്ങൾ നേരിടാൻ സാധ്യതയുണ്ട്. സാമ്പത്തിക നഷ്ടവും അപമാനവും ഉണ്ടാകാതെ ശ്രദ്ധിക്കുക. ആരോഗ്യ പ്രശ്നങ്ങളും മക്കളുടെ കാര്യത്തിലുള്ള ആശങ്കകളും മനസ്സിനെ അസ്വസ്ഥമാക്കാം.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
വിവാഹ കാര്യങ്ങളിൽ നിലനിന്നിരുന്ന തടസ്സങ്ങൾ നീങ്ങും. അനുയോജ്യനായ ജീവിതപങ്കാളിയെ കണ്ടെത്താൻ സാധിക്കും. ആവശ്യമെങ്കിൽ ജാതകപ്രകാരം പ്രത്യേക ദോഷപരിഹാരങ്ങൾ ചെയ്യുന്നത് ഉചിതമായിരിക്കും.
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
തൊഴിൽ രംഗത്ത് ഉന്നതിയും സാമ്പത്തിക നേട്ടവും ഉണ്ടാകും. പുതിയ ബിസിനസ്സ് പ്രോജക്റ്റുകൾ ആരംഭിക്കാൻ അനുകൂല സമയമാണ്. ബന്ധുക്കളുടെ സമാഗമം സന്തോഷം നൽകും. ദമ്പതികൾക്കിടയിൽ സ്നേഹവും വിശ്വാസവും വർദ്ധിക്കും.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
ആമാശയ സംബന്ധമായ രോഗങ്ങളുള്ളവർ അതീവ ശ്രദ്ധ പുലർത്തണം. അയൽക്കാരുമായോ ബന്ധുക്കളുമായോ തർക്കങ്ങളിൽ ഏർപ്പെടാൻ സാധ്യതയുണ്ട്. നിയമപരമായ കാര്യങ്ങളിൽ (വ്യവഹാരം) പരാജയം നേരിട്ടേക്കാം.
ധനു രാശി
(മൂലം, പൂരാടം, ഉത്രാടം ആദ്യ കാൽ)
കുടുംബത്തിൽ അസ്വസ്ഥതകൾ ഉണ്ടാകാം. ദാമ്പത്യ സുഖക്കുറവിനും മക്കളുടെ കാര്യത്തിൽ ഉത്കണ്ഠയ്ക്കും സാധ്യതയുണ്ട്. പേടിസ്വപ്നങ്ങൾ കണ്ട് ഉറക്കം തടസ്സപ്പെട്ടേക്കാം. ഇഷ്ട ഭക്ഷണം ആസ്വദിക്കാൻ സാധിക്കാത്ത സാഹചര്യം ഉണ്ടായേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
സർവ്വ കാര്യങ്ങളിലും വിജയം നേടുന്ന ദിവസമാണ്. കുടുംബസൗഖ്യം, സാമ്പത്തിക ലാഭം, ശത്രുക്കളുടെ പരാജയം എന്നിവയുണ്ടാകും. ചെയ്യുന്ന പ്രവർത്തനങ്ങളെല്ലാം ലാഭകരമായിത്തീരും. ഉന്മേഷകരമായ ദിനമായിരിക്കും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
തൊഴിൽ മേഖലയിൽ അർഹമായ സ്ഥാനക്കയറ്റമോ അംഗീകാരമോ ലഭിക്കും. ബിസിനസ്സിൽ വലിയ പുരോഗതി ദൃശ്യമാകും. കാര്യവിജയവും ശാരീരിക സുഖവും അനുഭവപ്പെടും. സാമ്പത്തികമായി മികച്ച നില കൈവരിക്കും.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി)
ശത്രുക്കളെ അതിജീവിക്കാനും ഉയർന്ന പദവികൾ നേടിയെടുക്കാനും സാധിക്കും. വാഹന ഭാഗ്യവും സ്ത്രീകളിലൂടെയുള്ള സഹായങ്ങളും ലഭിക്കും. ഭക്തി വർദ്ധിക്കാനും ശാരീരികമായ തേജസ്സ് കൂടാനും യോഗമുണ്ട്.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
