മേടം രാശി
(അശ്വതി, ഭരണി, കാർത്തിക ആദ്യ കാൽ): ജീവിതത്തിൽ നിർണായകമായ ചില മാറ്റങ്ങൾക്ക് വഴിയൊരുങ്ങുന്ന സുദിനമാണ്. തൊഴിൽ അന്വേഷിക്കുന്നവർക്ക് അനുകൂലമായ അവസരങ്ങൾ വന്നുചേരും. നിങ്ങളുടെ കഴിവിനും യോഗ്യതയ്ക്കും അനുയോജ്യമായ ജോലി ലഭിക്കാൻ സാധ്യതയുണ്ട്.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി): ആരോഗ്യ കാര്യങ്ങളിൽ അതീവ ജാഗ്രത വേണം. ശ്വാസകോശ സംബന്ധമായ അസുഖങ്ങൾ, ചുമ, പനി എന്നിവ അലട്ടിയേക്കാം. മറ്റുള്ളവരുടെ കാര്യങ്ങളിൽ അനാവശ്യമായി ഇടപെടുന്നത് നിയമനടപടികളോ സർക്കാർ തലത്തിലുള്ള പ്രത്യാഘാതങ്ങളോ ക്ഷണിച്ചു വരുത്തിയേക്കാം.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ): കുടുംബത്തിൽ അസ്വസ്ഥതകൾക്ക് സാധ്യതയുണ്ട്. ജീവിത പങ്കാളിയുമായോ മക്കളുമായോ ഉള്ള അഭിപ്രായ വ്യത്യാസങ്ങൾ വലിയ കലഹങ്ങളിലേക്ക് നീങ്ങാതെ ശ്രദ്ധിക്കണം. സംസാരത്തിൽ നിയന്ത്രണം പാലിക്കുന്നത് ബന്ധങ്ങളിൽ വിള്ളലുകൾ വീഴാതിരിക്കാൻ സഹായിക്കും.
ALSO READ
കർക്കടകം രാശി
(പുണർതം അവസാന കാൽ, പൂയം, ആയില്യം): ബന്ധുക്കളിൽ നിന്നും സുഹൃത്തുക്കളിൽ നിന്നും പൂർണ്ണ പിന്തുണയും സ്നേഹവും ലഭിക്കും. ഏറെ കാലമായി കാണാതിരുന്ന പ്രിയപ്പെട്ട ബന്ധുക്കളെ കണ്ടുമുട്ടാനും അവരോടൊപ്പം സന്തോഷം പങ്കിടാനും ഇന്ന് അവസരം ലഭിക്കും.
ചിങ്ങം രാശി
(മകം, പൂരം, ഉത്രം ആദ്യ കാൽ): സമൂഹത്തിലെ വിശിഷ്ട വ്യക്തികളെ പരിചയപ്പെടാനും അവരോടൊപ്പം സമയം ചെലവഴിക്കാനും സാധിക്കും. വിലമതിക്കാനാവാത്ത സമ്മാനങ്ങളോ പാരിതോഷികങ്ങളോ ലഭിക്കാൻ സാധ്യതയുണ്ട്. സ്ഥാനമാനങ്ങൾ, സാമ്പത്തിക ലാഭം, ഭാഗ്യാനുഭവങ്ങൾ എന്നിവ ഈ രാശിക്കാരെ തേടിയെത്തും.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി): ജോലിസ്ഥലത്ത് സഹപ്രവർത്തകരുമായി തർക്കങ്ങളിൽ ഏർപ്പെടുന്നത് നിങ്ങൾക്ക് തന്നെ ദോഷകരമായി ഭവിക്കും. തൊഴിൽ ക്ലേശങ്ങൾ വർദ്ധിക്കുന്ന ഇടത്തേക്ക് സ്ഥലം മാറ്റം ലഭിക്കാൻ സാധ്യതയുള്ളതിനാൽ സംയമനം പാലിക്കുക.
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ): സ്വത്ത് സംബന്ധമായ കേസുകളിൽ തിരിച്ചടികൾ നേരിടാൻ സാധ്യതയുണ്ട്. കുടുംബത്തിൽ നിന്ന് മാറി നിൽക്കേണ്ട സാഹചര്യങ്ങൾ ഉണ്ടായേക്കാം. ഉറക്കക്കുറവ്, ഭക്ഷണ സുഖക്കുറവ് എന്നിവ അലട്ടാം. തുടങ്ങുന്ന കാര്യങ്ങളിൽ തടസ്സങ്ങൾ നേരിട്ടേക്കാം.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട): സ്ത്രീ സൗഹൃദങ്ങൾ വഴിയോ പങ്കാളി വഴിയോ സന്തോഷകരമായ നിമിഷങ്ങൾ ഉണ്ടാകും. ഉല്ലാസയാത്രകൾക്ക് അവസരം ലഭിക്കും. അപ്രതീക്ഷിതമായ ധനലാഭവും പുതിയ അലങ്കാര വസ്തുക്കളുടെ വർദ്ധനവും ഈ രാശിക്കാർക്ക് ഇന്ന് അനുഭവപ്പെടും.
ധനു രാശി
(മൂലം, പൂരാടം, ഉത്രാടം ആദ്യ കാൽ): മനസ്സിൽ അനാവശ്യമായ ആശങ്കകൾ നിറയാൻ സാധ്യതയുണ്ട്. ശാരീരികമായ അവശതകളും മനോദുഃഖവും പ്രവർത്തനങ്ങളിൽ തടസ്സവും അനുഭവപ്പെടാം. ഭാഗ്യഹാനിയും അനാവശ്യമായ അലച്ചിലും ഇന്ന് നേരിടേണ്ടി വന്നേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി): രോഗങ്ങളിൽ നിന്ന് മോചനം ലഭിക്കുകയും ആരോഗ്യനില മെച്ചപ്പെടുകയും ചെയ്യും. സൽപ്രവൃത്തികൾ ചെയ്യാനും സമൂഹത്തിൽ നല്ല പേര് സമ്പാദിക്കാനും അവസരം ലഭിക്കും. ദാമ്പത്യ ഐക്യം, മനഃസന്തോഷം, തൊഴിൽ വിജയം എന്നിവ ഇന്ന് ഉണ്ടാകും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ): മാനസികമായ ബുദ്ധിമുട്ടുകൾ അനുഭവിക്കുന്നവർക്ക് വിദഗ്ധ സഹായം തേടേണ്ടി വരും. അറിയാതെ ചതിക്കുഴികളിൽ വീഴാൻ സാധ്യതയുള്ളതിനാൽ അതീവ ജാഗ്രത പാലിക്കുക. നിയമപരമായ പ്രശ്നങ്ങളോ കേസ് വഴക്കുകളോ ഉണ്ടായേക്കാം.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി): കലാ-സാഹിത്യ-സാങ്കേതിക രംഗങ്ങളിൽ പ്രവർത്തിക്കുന്നവർക്ക് അംഗീകാരവും പ്രശസ്തിയും ലഭിക്കുന്ന ദിവസമാണ്. വിദ്യാർത്ഥികൾക്ക് പഠനത്തിലും പരീക്ഷകളിലും മികച്ച വിജയം കൈവരിക്കാൻ സാധിക്കും.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും: NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
