മേടം രാശി
(അശ്വതി, ഭരണി, കാർത്തിക ആദ്യ കാൽ)
ഇന്ന് ഗുണദോഷ സമ്മിശ്രമായ അനുഭവങ്ങളായിരിക്കും. ദിവസത്തിന്റെ ആദ്യ പകുതിയിൽ മനഃസമാധാനവും തൊഴിൽ വിജയവും പ്രതീക്ഷിക്കാം. എന്നാൽ ഉച്ചകഴിയുന്നതോടെ നേത്രസംബന്ധമായ അസ്വസ്ഥതകൾക്കും യാത്രാക്ലേശത്തിനും സാധ്യതയുണ്ട്.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി) തൊഴിൽ രംഗത്ത് മികച്ച വിജയവും ഉന്നതസ്ഥാനപ്രാപ്തിയും ഉണ്ടാകും. സർക്കാർ തലത്തിൽ നിന്ന് അനുകൂലമായ തീരുമാനങ്ങൾ പ്രതീക്ഷിക്കാം. കുടുംബത്തിലെ മംഗളകരമായ ചടങ്ങുകളിൽ നേതൃപരമായ പങ്ക് വഹിക്കാൻ അവസരം ലഭിക്കും.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ) തുടക്കത്തിൽ ചില തൊഴിൽ തടസ്സങ്ങളും മാനസിക ബുദ്ധിമുട്ടുകളും നേരിടേണ്ടി വന്നേക്കാം. എന്നാൽ ഉച്ചയ്ക്ക് ശേഷം സ്ഥിതിഗതികൾ മാറുകയും മനഃസന്തോഷവും അപ്രതീക്ഷിത ധനലാഭവും ഉണ്ടാകുകയും ചെയ്യും.
കർക്കടകം രാശി
(പുണർതം അവസാന കാൽ, പൂയം, ആയില്യം)
ശാരീരികക്ഷീണം, ആരോഗ്യക്കുറവ്, രോഗാദി ദുരിതങ്ങൾ എന്നിവ അലട്ടാൻ സാധ്യതയുണ്ട്. എവിടെയും തടസ്സങ്ങളും അപമാന സാഹചര്യങ്ങളും നേരിടേണ്ടി വന്നേക്കാം. ഉദരസംബന്ധമായ അസുഖങ്ങൾ വരാതെ ശ്രദ്ധിക്കുക.
ചിങ്ങം രാശി
(മകം, പൂരം, ഉത്രം ആദ്യ കാൽഭാഗം)
ദിവസത്തിന്റെ തുടക്കം മികച്ച ഭക്ഷണസുഖവും സമൂഹത്തിൽ മാന്യതയും ലഭിക്കുമെങ്കിലും ഉച്ചയ്ക്ക് ശേഷം ശ്രദ്ധിക്കണം. അപമാനത്തിനോ ഉദരരോഗത്തിനോ സാധ്യതയുള്ളതിനാൽ ജാഗ്രത പാലിക്കുക.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
കുടുംബത്തിൽ സമാധാനവും സന്തോഷവും നിലനിൽക്കും. തൊഴിൽ വിജയവും സാമ്പത്തികമായ ഉന്നതിയും ഈ രാശിക്കാർക്ക് ഇന്ന് ലഭിക്കും. ആരോഗ്യസ്ഥിതി മെച്ചപ്പെടുകയും കുടുംബത്തോടൊപ്പം നല്ല നിമിഷങ്ങൾ ചെലവഴിക്കാൻ സാധിക്കുകയും ചെയ്യും.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
ഗുണദോഷങ്ങൾ കലർന്ന ദിവസമാണ്. ദിവസത്തിന്റെ ആദ്യ പകുതിയിൽ ശാരീരികമായ അസ്വസ്ഥതകൾ അനുഭവപ്പെട്ടേക്കാം. എന്നാൽ ഉച്ചകഴിഞ്ഞാൽ രോഗശാന്തിയും മനസ്സിന് വലിയ സന്തോഷവും ലഭിക്കും.
വൃശ്ചികം രാശി
(വിശാഖം അവസാന കാൽഭാഗം, അനിഴം, തൃക്കേട്ട)
മാനസികമായി അല്പം പ്രയാസകരമായ ദിവസമാണ്. ദുഃസ്വപ്നങ്ങൾ കണ്ട് ഉറക്കം തടസ്സപ്പെടാൻ ഇടയുണ്ട്. ജീവിത പങ്കാളിക്കോ മക്കൾക്കോ ആരോഗ്യപ്രശ്നങ്ങൾ ഉണ്ടാകാൻ സാധ്യതയുള്ളതിനാൽ അവരെ പ്രത്യേകം ശ്രദ്ധിക്കുക.
ധനു രാശി
(മൂലം, പൂരാടം, ഉത്രാടം ആദ്യ കാൽ)
രാവിലെ ശത്രുക്കളുടെ ശല്യം കുറയുകയും ഇഷ്ടഭക്ഷണം ലഭിക്കുകയും ചെയ്യും. എന്നാൽ ഉച്ചയ്ക്ക് ശേഷം ഉദരസംബന്ധമായ ആരോഗ്യ പ്രശ്നങ്ങൾ ഉടലെടുക്കാൻ സാധ്യതയുണ്ട്. ഭക്ഷണകാര്യത്തിൽ നിയന്ത്രണം പാലിക്കുക.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
ദിവസത്തിന്റെ തുടക്കത്തിൽ അമിത ചെലവുകളും ആരോഗ്യ പ്രശ്നങ്ങളും ഉണ്ടായേക്കാം. എന്നാൽ ഉച്ചകഴിയുന്നതോടെ സാമ്പത്തിക ബുദ്ധിമുട്ടുകൾ മാറുകയും ധനലാഭം ഉണ്ടാവുകയും ചെയ്യും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
ജോലിയിൽ വിജയവും ധനപരമായ നേട്ടങ്ങളും രാവിലെ അനുഭവപ്പെടും. എന്നാൽ ഉച്ചയ്ക്ക് ശേഷം ആരോഗ്യ കാര്യങ്ങളിൽ അല്പം തിരിച്ചടികൾ നേരിടാൻ സാധ്യതയുണ്ട്. രോഗാവസ്ഥകൾ അലട്ടിയേക്കാം.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി)
മനോവിഷമം ഉണ്ടാക്കുന്ന സാഹചര്യങ്ങൾ ഉണ്ടായേക്കാം. വാഹനങ്ങൾ ഉപയോഗിക്കുമ്പോൾ അതീവ ജാഗ്രത പാലിക്കുക. ഉച്ചയ്ക്ക് ശേഷം ശത്രുക്കളുടെ ഉപദ്രവം മാറുകയും മനസ്സിന് സന്തോഷം ലഭിക്കുകയും ചെയ്യും.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
