മേടം രാശി
(അശ്വതി, ഭരണി, കാർത്തിക ആദ്യ കാൽ)
ഇന്ന് ചില കാര്യങ്ങൾക്കായി മറ്റുള്ളവരെ ആശ്രയിക്കേണ്ടി വന്നേക്കാം. ദൂരയാത്രകൾ ആവശ്യമായി വരുന്നത് ശാരീരിക ക്ലേശങ്ങൾക്ക് കാരണമാകും. തൊഴിൽപരമായ ബുദ്ധിമുട്ടുകൾ വർദ്ധിക്കാനും സ്ഥാനനഷ്ടം സംഭവിക്കാനും സാധ്യതയുള്ളതിനാൽ ജാഗ്രത പാലിക്കുക.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
വ്യാഴത്തിന്റെ അനുകൂല സ്വാധീനം നിമിത്തം പല കാര്യങ്ങളിലും ഗുണാനുഭവങ്ങൾ ഉണ്ടാകും. നല്ല സുഹൃദ്ബന്ധങ്ങളും മാനസിക സന്തോഷവും ജീവിതത്തിൽ സംതൃപ്തി വർദ്ധിപ്പിക്കും. പുതിയ കാര്യങ്ങൾ തുടങ്ങാൻ അനുകൂലമായ സമയമാണ്.
മിഥുനം രാശി
(മകയിരം അവസാന പകുതിഭാഗം, തിരുവാതിര, പുണർതം ആദ്യ മുക്കാൽ)
മാനസിക അസ്വസ്ഥതകൾക്കും നിർഭാഗ്യകരമായ അനുഭവങ്ങൾക്കും സാധ്യതയുണ്ട്. അപമാനം നേരിടേണ്ടി വന്നേക്കാമെന്നതിനാൽ സംസാരത്തിൽ നിയന്ത്രണം വേണം. അപ്രതീക്ഷിത ചെലവുകൾ, രോഗങ്ങൾ, അല്ലെങ്കിൽ നിയമപരമായ പ്രശ്നങ്ങൾ എന്നിവ അലട്ടിയേക്കാം.
കർക്കടകം രാശി
(പുണർതം അവസാന കാൽ, പൂയം, ആയില്യം)
സദ്സംഗങ്ങൾക്കും നല്ല സുഹൃത്തുക്കളെ ലഭിക്കാനും സാധ്യതയുള്ള ദിവസമാണ്. മനസ്സിന് സന്തോഷവും സമാധാനവും ലഭിക്കും. ഉന്നത പദവികൾ, കീർത്തി, സാമ്പത്തിക ലാഭം, ദാമ്പത്യ സുഖം എന്നിവ ഇന്ന് നിങ്ങളെ തേടിയെത്തും.
ചിങ്ങം രാശി
(മകം, പൂരം, ഉത്രം ആദ്യ കാൽ)
രാഷ്ട്രീയക്കാർക്കും പൊതുപ്രവർത്തകർക്കും പേരും പ്രശസ്തിയും വർദ്ധിക്കുന്ന ദിവസമാണ്. കുടുംബത്തിൽ സമാധാനവും പുരോഗതിയും ഉണ്ടാകും. ശാരീരിക സുഖവും ഇഷ്ടഭക്ഷണവും ലഭിക്കുന്നത് വഴി മനസ്സിന് സംതൃപ്തി തോന്നും.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
ബന്ധുക്കളുമായി ചെറിയ അഭിപ്രായവ്യത്യാസങ്ങൾക്ക് സാധ്യതയുണ്ട്. തലവേദന, ചർമ്മ രോഗങ്ങൾ തുടങ്ങിയ ആരോഗ്യ പ്രശ്നങ്ങൾ അലട്ടിയേക്കാം. കാര്യതടസ്സങ്ങൾ നേരിടാൻ ഇടയുള്ളതിനാൽ ക്ഷമയോടെ പ്രവർത്തിക്കുക.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
സ്വദേശം വിട്ട് നിൽക്കേണ്ടി വന്നേക്കാം. സുഹൃത്തുക്കളിൽ നിന്നുള്ള പ്രതികൂല അനുഭവങ്ങൾക്കും സ്ഥാനനഷ്ടത്തിനും സാധ്യതയുണ്ട്. കച്ചവടത്തിൽ തിരിച്ചടികൾ നേരിടാനോ അലസത മൂലം ജോലികൾ മുടങ്ങാനോ ഇടയുണ്ട്. ശത്രുഭയം തോന്നാം.
വൃശ്ചികം രാശി
(വിശാഖം അവസാന കാൽഭാഗം, അനിഴം, തൃക്കേട്ട)
സർക്കാർ സംബന്ധമായ കാര്യങ്ങളിൽ അനുകൂലമായ തീരുമാനങ്ങൾ ഉണ്ടാകും. തൊഴിൽ മേഖലയിൽ വിജയം കൈവരിക്കും. പുത്രഭാഗ്യം, സാമ്പത്തിക നേട്ടങ്ങൾ എന്നിവ ഇന്ന് പ്രതീക്ഷിക്കാവുന്ന ശുഭകരമായ അനുഭവങ്ങളാണ്.
ധനു രാശി
(മൂലം, പൂരാടം, ഉത്രാടം ആദ്യ കാൽ)
അപ്രതീക്ഷിതമായി ധനലാഭം ഉണ്ടാകും. പുതിയ ബിസിനസ് കരാറുകളിൽ ഏർപ്പെടാനും അതിൽ വിജയിക്കാനും സാധിക്കും. ആഭരണങ്ങൾ, അലങ്കാര വസ്തുക്കൾ എന്നിവ സ്വന്തമാക്കാൻ അവസരം ലഭിക്കും.
മകരം രാശി
(ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതി)
വസ്തു സംബന്ധമായ ഇടപാടുകളിലോ നിയമപരമായ വിഷയങ്ങളിലോ വെല്ലുവിളികൾ നേരിട്ടേക്കാം. പ്രിയപ്പെട്ടവരുമായി വാക്കുതർക്കങ്ങൾ ഉണ്ടാകാതെ ശ്രദ്ധിക്കുക. സംഭാഷണങ്ങളിൽ ക്ഷമ കൈവിടരുത്.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
സാമ്പത്തികമായി വരവും ചെലവും ഒത്തുപോകുന്ന ദിവസമായിരിക്കും. യാത്രാലക്ഷ്യങ്ങൾ നേടാൻ കഠിനമായി പരിശ്രമിക്കേണ്ടി വരും. ഉദരരോഗങ്ങൾ ഉള്ളവർ ഭക്ഷണത്തിൽ ശ്രദ്ധിക്കുക. മനോദുഃഖമോ ഉറക്കക്കുറവോ അനുഭവപ്പെടാം.
മീനം രാശി
(പൂരൂരുട്ടാതി അവസാന കാൽഭാഗം, ഉത്തൃട്ടാതി, രേവതി)
വലിയ വികസന പദ്ധതികളുടെ ഭാഗമാകാൻ അവസരം ലഭിക്കും. ചിന്താശേഷി വർദ്ധിക്കുകയും മഹത് വ്യക്തികളുടെ ആശയങ്ങൾ ജീവിതത്തിൽ പകർത്താൻ പ്രചോദനം ലഭിക്കുകയും ചെയ്യും. കരിയറിൽ നല്ല മുന്നേറ്റം പ്രതീക്ഷിക്കാം.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
