മേടം രാശി
(അശ്വതി, ഭരണി, കാർത്തിക ആദ്യ കാൽ)
പിതാവിനോ പിതൃബന്ധുക്കൾക്കോ ആരോഗ്യപരമായ ബുദ്ധിമുട്ടുകൾ ഉണ്ടാകാൻ സാധ്യതയുണ്ട്. തൊഴിൽ രംഗത്ത് ജാഗ്രത പാലിക്കുക; ചിലർക്ക് സ്ഥാനനഷ്ടമോ അപ്രതീക്ഷിത സ്ഥലമാറ്റമോ ഉണ്ടായേക്കാം. എന്നാൽ ചിലർക്ക് അനുകൂലമായ സ്ഥാനക്കയറ്റത്തിനും സാധ്യതയുണ്ട്.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
സാമ്പത്തിക പ്രതിസന്ധികൾ വിജയകരമായി തരണം ചെയ്യാൻ സാധിക്കും. കുടിശ്ശികയായി കിടന്ന പണം പലിശ സഹിതം തിരികെ ലഭിക്കും. മറ്റുള്ളവരെ സഹായിക്കാനുള്ള താല്പര്യം വർദ്ധിക്കും. ലോട്ടറി പോലുള്ള ഭാഗ്യപരീക്ഷണങ്ങളിൽ അനുകൂല ഫലം പ്രതീക്ഷിക്കാം.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
വിവാഹ കാര്യങ്ങളിൽ അനുകൂലമായ തീരുമാനങ്ങളും അതുവഴി ഗുണാനുഭവങ്ങളും ഉണ്ടാകും. നിഗൂഢ ശാസ്ത്രങ്ങളിൽ താല്പര്യം വർദ്ധിക്കുകയും പുണ്യസ്ഥലങ്ങൾ സന്ദർശിക്കാൻ അവസരം ലഭിക്കുകയും ചെയ്യും. സങ്കീർണ്ണമായ പ്രശ്നങ്ങൾ ബുദ്ധിപൂർവ്വം പരിഹരിച്ച് മറ്റുള്ളവരുടെ ആദരവ് പിടിച്ചുപറ്റും.
കർക്കടകം രാശി
(പുണർതം അവസാന കാൽ, പൂയം, ആയില്യം)
സഹോദരങ്ങളുമായുള്ള ബന്ധത്തിൽ അകൽച്ച വരാം. മറ്റുള്ളവരുടെ ഉപദേശങ്ങൾ കേൾക്കാത്ത പക്ഷം പല ബുദ്ധിമുട്ടുകളും നേരിടേണ്ടി വരും. പിതാവുമായി അഭിപ്രായവ്യത്യാസങ്ങൾക്കും വിശ്വാസപരമായ കാര്യങ്ങളിൽ മാറ്റങ്ങൾക്കും സാധ്യതയുണ്ട്.
ചിങ്ങം രാശി
(മകം, പൂരം, ഉത്രം ആദ്യ കാൽ)
കുടുംബാംഗങ്ങൾ തമ്മിൽ ഐക്യക്കുറവ് അനുഭവപ്പെടാൻ സാധ്യതയുണ്ട്. അധ്യാപകർക്കും വിദ്യഭ്യാസ മേഖലയിലുള്ളവർക്കും പേരും പ്രശസ്തിയും വർദ്ധിക്കും. വീട്ടിലെ മംഗളകർമ്മങ്ങൾക്ക് തടസ്സങ്ങൾ നേരിട്ടേക്കാം. സാമ്പത്തിക ബുദ്ധിമുട്ടുകൾ അലട്ടിയേക്കാം.
കന്നി രാശി
(ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതി)
പിണങ്ങി നിന്നിരുന്ന ദമ്പതികൾ ഒത്തുതീർപ്പിലെത്തുകയും ഒന്നിച്ചു താമസിക്കാൻ തീരുമാനിക്കുകയും ചെയ്യും. കലാകാരന്മാർക്ക് പുതിയ അവസരങ്ങൾ ലഭിക്കാനും അതിൽ തിളങ്ങാനും സാധിക്കും. ശരീരചൈതന്യവും ആരോഗ്യവും വർദ്ധിക്കുന്ന ശുഭദിനമായിരിക്കും.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
അപവാദ പ്രചരണങ്ങൾക്കും മാനഹാനിക്കും സാധ്യതയുള്ളതിനാൽ ശ്രദ്ധിക്കുക. മനസാ അറിയാത്ത കാര്യങ്ങളിൽ പോലും തെറ്റിദ്ധരിക്കപ്പെട്ടേക്കാം. കുടുംബത്തിലെ പൂർവ്വികർക്കായി ബലിതർപ്പണം നടത്തേണ്ടി വന്നേക്കാം. അനാവശ്യ പ്രലോഭനങ്ങളിൽ നിന്ന് വിട്ടുനിൽക്കുക.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
അമ്മയിൽ നിന്ന് എല്ലാവിധ പിന്തുണയും ഗുണഫലങ്ങളും ലഭിക്കും. കൃഷിയിൽ നിന്നും ബിസിനസ്സിൽ നിന്നും ആദായം വർദ്ധിക്കും. സാമ്പത്തിക സ്രോതസ്സുകൾ തുറക്കപ്പെടുകയും കുടുംബത്തിൽ ഐശ്വര്യവും ദമ്പതികൾക്കിടയിൽ ഐക്യവും അനുഭവപ്പെടുകയും ചെയ്യും.
ധനു രാശി
(മൂലം, പൂരാടം, ഉത്രാടം ആദ്യ കാൽ)
അവിവാഹിതരുടെ വിവാഹ കാര്യങ്ങളിൽ തീരുമാനമാകുമെങ്കിലും പിന്നീട് അത് മാറിപ്പോകാൻ സാധ്യതയുള്ളതിനാൽ ജാഗ്രത വേണം. ജീവിതത്തിൽ പല സംഭവബഹുലമായ കാര്യങ്ങളും നേരിടേണ്ടി വരും. തൊഴിൽപരമായ സാമ്പത്തിക ക്ലേശങ്ങൾ അല്പം വർദ്ധിച്ചേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
പുതിയ വീട് പണിയാനോ നിലവിലുള്ള വീട് പുതുക്കിപ്പണിയാനോ ഉള്ള ആഗ്രഹം സഫലമാകും. വാഹനഭാഗ്യം ഉണ്ടാകും. അവിവാഹിതർക്ക് വിവാഹയോഗം തെളിയുകയും ദീർഘകാലമായുള്ള രോഗങ്ങളിൽ നിന്ന് മുക്തി ലഭിക്കുകയും ചെയ്യും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
സാമ്പത്തിക പ്രതിസന്ധികൾ നീങ്ങുകയും പുതിയ വരുമാന മാർഗ്ഗങ്ങൾ തെളിയുകയും ചെയ്യും. കുടുംബത്തിൽ സമാധാനവും സന്തോഷവും ലഭിക്കും. അയൽക്കാരുടെയും സുഹൃത്തുക്കളുടെയും സഹായത്താൽ ആഗ്രഹിച്ച കാര്യങ്ങൾ നേടിയെടുക്കാൻ സാധിക്കും.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി)
സ്വത്തുതർക്കം മൂലം കുടുംബത്തിൽ കലഹങ്ങൾ മൂർച്ഛിക്കാൻ സാധ്യതയുണ്ട്. കോടതി വ്യവഹാരങ്ങൾ ഉണ്ടാകാനും അവയിൽ ചിലപ്പോൾ പ്രതികൂലമായ വിധി വരാനും ഇടയുള്ളതിനാൽ വിട്ടുവീഴ്ചകൾക്ക് തയ്യാറാകുന്നത് നന്നായിരിക്കും.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
