മേടം രാശി
(അശ്വതി, ഭരണി, കാർത്തിക ആദ്യ കാൽ)
രാഷ്ട്രീയ രംഗത്തുള്ളവർക്ക് സ്ത്രീ വിഷയ വിവാദങ്ങളിൽ തിരിച്ചടികൾ നേരിടേണ്ടി വന്നേക്കാം. വിവാഹ കാര്യങ്ങളിൽ തടസ്സങ്ങളോ ദാമ്പത്യ ക്ലേശമോ അനുഭവപ്പെടാം. പങ്കാളിയുടെ ആരോഗ്യകാര്യത്തിൽ ശ്രദ്ധ വേണം. സർക്കാർ തലത്തിൽ നിന്നുള്ള നടപടികളും തൊഴിൽപരമായ ബുദ്ധിമുട്ടുകളും ഉണ്ടായേക്കാം.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
കൃത്യമായ ലക്ഷ്യബോധത്തോടെ പ്രവർത്തിക്കാനും അതിൽ വിജയം കൈവരിക്കാനും സാധിക്കും. വിദേശയാത്രയ്ക്കോ വിദേശത്ത് ജോലി ലഭിക്കാനോ സാധ്യതയുണ്ട്, അതിലൂടെ സാമ്പത്തിക നേട്ടമുണ്ടാകും. കാര്യശേഷിയും ആത്മവിശ്വാസവും വർദ്ധിക്കുന്ന ദിവസമായിരിക്കും.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
ജലവുമായി ബന്ധപ്പെട്ട തൊഴിൽ മേഖലകളിൽ പ്രവർത്തിക്കുന്നവർക്ക് മികച്ച വിജയമുണ്ടാകും. പൊതുപ്രവർത്തകർക്ക് അനുയായികളുടെ പിന്തുണ വർദ്ധിപ്പിക്കാനും തന്റെ വാക്ചാതുര്യം കൊണ്ട് മറ്റുള്ളവരുടെ പ്രശംസ പിടിച്ചുപറ്റാനും സാധിക്കും.
കർക്കടകം രാശി
(പുണർതം അവസാന കാൽ, പൂയം, ആയില്യം)
ഗുരുജനങ്ങളുമായോ മുതിർന്നവരുമായോ വാക്കുതർക്കങ്ങളിൽ ഏർപ്പെടാൻ സാധ്യതയുള്ളതിനാൽ ജാഗ്രത പാലിക്കുക. മക്കളെക്കുറിച്ചുള്ള ആശങ്കകൾ അലട്ടിയേക്കാം. പ്രണയ നൈരാശ്യം, തലവേദന പോലുള്ള ശാരീരിക അസ്വസ്ഥതകൾ, ദമ്പതികൾക്കിടയിലെ ഐക്യക്കുറവ് എന്നിവയ്ക്ക് സാധ്യതയുണ്ട്.
ചിങ്ങം രാശി
(മകം, പൂരം, ഉത്രം ആദ്യ കാൽ)
അമിതമായ കോപം നിയന്ത്രിക്കാൻ ശ്രമിക്കുക, അല്ലാത്തപക്ഷം നല്ല അവസരങ്ങൾ നഷ്ടപ്പെടാൻ ഇടയുണ്ട്. പ്രിയപ്പെട്ടവരുടെ വിരഹമോ അകൽച്ചയോ അനുഭവപ്പെട്ടേക്കാം. അനാവശ്യ ചെലവുകൾ വർദ്ധിക്കുകയും ബന്ധുക്കളിൽ ചിലർ നിങ്ങളോട് അനിഷ്ടം പ്രകടിപ്പിക്കുകയും ചെയ്തേക്കാം.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
ബാങ്ക് ലോണുകളോ മറ്റ് സാമ്പത്തിക ആനുകൂല്യങ്ങളോ ലഭിക്കാൻ അനുകൂലമായ ദിവസമാണ്. സന്താനഭാഗ്യം, ധനധാന്യ വർദ്ധനവ് എന്നിവ പ്രതീക്ഷിക്കാം. ബന്ധുക്കളിൽ നിന്ന് ഗുണകരമായ അനുഭവങ്ങൾ ഉണ്ടാകുകയും ഉല്ലാസ യാത്രകളിൽ പങ്കെടുക്കുകയും ചെയ്യും.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
വിദേശവാസത്തിനോ വിദേശത്ത് ജോലി ചെയ്യാനോ അവസരം ലഭിക്കുമെങ്കിലും അത് എല്ലാവർക്കും ഒരുപോലെ ഗുണകരമാകണമെന്നില്ല. ഹൃദയസംബന്ധമായ അസ്വസ്ഥതകൾ, ഉഷ്ണരോഗങ്ങൾ, ശാരീരിക തളർച്ച എന്നിവ അനുഭവപ്പെടാൻ സാധ്യതയുള്ളതിനാൽ ആരോഗ്യത്തിൽ ശ്രദ്ധിക്കുക.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
ശത്രുക്കളുടെ മേൽ വിജയം നേടാൻ സാധിക്കുന്ന ദിവസമാണിത്. രാഷ്ട്രീയക്കാർക്ക് ഉയർന്ന പദവികൾ ലഭിക്കാനും ചില സുപ്രധാന തീരുമാനങ്ങൾ എടുക്കേണ്ടി വരാനും സാധ്യതയുണ്ട്. ആത്മവിശ്വാസം വർദ്ധിക്കും.
ധനു രാശി
(മൂലം, പൂരാടം, ഉത്രാടം ആദ്യ കാൽഭ)
കലാകാരന്മാർക്ക് പ്രശസ്തി വർദ്ധിക്കുമെങ്കിലും ചില അപവാദങ്ങൾ കേൾക്കാൻ ഇടയുണ്ട്. ദീർഘകാല ആഗ്രഹമായ വിദേശ ജോലി തരപ്പെടും. എന്നാൽ ശത്രുശല്യം വർദ്ധിക്കാനും കേസുകളിലോ തർക്കങ്ങളിലോ അകപ്പെടാനും സാധ്യതയുള്ളതിനാൽ ശ്രദ്ധിക്കുക.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
ജീവിതസൗകര്യങ്ങൾ വർദ്ധിക്കുകയും കുടുംബത്തിൽ മംഗളകർമ്മങ്ങൾ നടക്കുകയും ചെയ്യും. എല്ലായിടത്തുനിന്നും ആദരവ് ലഭിക്കും. വിദ്യാർത്ഥികൾക്ക്, പ്രത്യേകിച്ച് ഗണിതശാസ്ത്രത്തിൽ താല്പര്യമുള്ളവർക്ക് മികച്ച പ്രകടനം കാഴ്ചവെക്കാൻ സാധിക്കും.
കുംഭം രാശി
(അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽ)
ഭാര്യാഭർത്താക്കന്മാർ തമ്മിൽ മികച്ച ഐക്യം നിലനിൽക്കും. സന്താനഭാഗ്യത്തിന് സാധ്യതയുണ്ട്. സർക്കാരിൽ നിന്നോ ഉന്നത ഉദ്യോഗസ്ഥരിൽ നിന്നോ ആനുകൂല്യങ്ങൾ ലഭിക്കാം. പുതിയ ബിസിനസ്സ് കരാറുകളിൽ ഒപ്പിടാൻ അനുകൂലമായ സമയമാണ്.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
തീ, ആയുധം എന്നിവ കൈകാര്യം ചെയ്യുമ്പോൾ പ്രത്യേകം ശ്രദ്ധിക്കുക. അനാവശ്യ കൂട്ടുകെട്ടുകൾ വഴി ചെലവ് വർദ്ധിക്കാൻ ഇടയുണ്ട്. അമ്മാവൻ സ്ഥാനത്തുള്ളവരുടെ വിയോഗവാർത്ത കേൾക്കേണ്ടി വന്നേക്കാം. ബിസിനസ്സിൽ അപ്രതീക്ഷിത തിരിച്ചടികൾക്ക് സാധ്യതയുണ്ട്.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
