മേടം രാശി
(അശ്വതി, ഭരണി, കാർത്തിക ആദ്യ കാൽ)
സ്വത്തു തർക്കങ്ങളിൽ ഏർപ്പെട്ടിരിക്കുന്നവർ വിട്ടുവീഴ്ചയ്ക്ക് തയ്യാറായില്ലെങ്കിൽ നിയമനടപടികൾ പ്രതികൂലമാകാൻ സാധ്യതയുണ്ട്. ശത്രുക്കളിൽ നിന്ന് അനാവശ്യമായ ബുദ്ധിമുട്ടുകൾ ഉണ്ടായേക്കാം. ഹൃദയ സംബന്ധമായോ ശ്വാസകോശ സംബന്ധമായോ അസുഖമുള്ളവർ ആരോഗ്യ കാര്യത്തിൽ പ്രത്യേക ജാഗ്രത പാലിക്കണം.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
വിദേശ ജോലിക്കായി ശ്രമിക്കുന്നവർക്ക് സാങ്കേതികമായ തടസ്സങ്ങൾ നേരിട്ടേക്കാം. ഗുണനിലവാരം കുറഞ്ഞ വസ്തുക്കളുടെ ഉപയോഗം മൂലം അലർജിക്ക് സാധ്യതയുണ്ട്. അനാവശ്യമായ ആഡംബരങ്ങൾ ഒഴിവാക്കിയില്ലെങ്കിൽ സാമ്പത്തിക നഷ്ടം ഉണ്ടായേക്കാം.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
ഉദ്യോഗസ്ഥർക്ക് സ്ഥാനക്കയറ്റത്തിന് സാധ്യതയുണ്ട്. വിദ്യാർത്ഥികൾക്ക് പരീക്ഷകളിൽ മികച്ച പ്രകടനം കാഴ്ചവെക്കാൻ സാധിക്കും. വിട്ടുവീഴ്ചാ മനോഭാവം ദാമ്പത്യബന്ധത്തിലെ പ്രശ്നങ്ങൾ പരിഹരിക്കാൻ സഹായിക്കും. വ്യാപാര-വാണിജ്യ മേഖലകളിൽ വലിയ പുരോഗതി അനുഭവപ്പെടും.
കർക്കടകം രാശി
(പുണർതം അവസാന കാൽ, പൂയം, ആയില്യം)
കുടുംബത്തിൽ മംഗളകർമ്മങ്ങൾ നടക്കാൻ അനുകൂലമായ സമയമാണ്. സാമ്പത്തിക നില മെച്ചപ്പെടുകയും ഓഹരി വിപണിയിലുള്ള നിക്ഷേപങ്ങളിൽ നിന്ന് ലാഭം ലഭിക്കുകയും ചെയ്യും. രോഗമുക്തിയും മനഃസമാധാനവും ഈ ദിവസത്തെ സവിശേഷതകളാണ്.
ചിങ്ങം രാശി
(മകം, പൂരം, ഉത്രം ആദ്യ കാൽ)
മക്കളുമായി അഭിപ്രായവ്യത്യാസങ്ങൾ ഉണ്ടാകാതെ ശ്രദ്ധിക്കണം. അനാവശ്യ തർക്കങ്ങൾ മാനസിക പിരിമുറുക്കത്തിന് കാരണമാകും. ദൂരയാത്രകൾ ഇന്ന് ഒഴിവാക്കുന്നത് നന്നായിരിക്കും, യാത്രകൾ മൂലം നഷ്ടങ്ങൾ സംഭവിക്കാൻ സാധ്യതയുണ്ട്.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
കുടുംബാംഗങ്ങളുടെ ആരോഗ്യകാര്യത്തിൽ അല്പം ആശങ്ക ഉണ്ടായേക്കാം. ദഹന സംബന്ധമായ പ്രശ്നങ്ങൾക്കും ഉദര രോഗങ്ങൾക്കും സാധ്യതയുള്ളതിനാൽ ഭക്ഷണത്തിൽ നിയന്ത്രണം വേണം. കാര്യങ്ങൾ പൂർത്തിയാക്കുന്നതിൽ ചില തടസ്സങ്ങൾ നേരിട്ടേക്കാം.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
പഴയ വാഹനം മാറ്റി പുതിയത് വാങ്ങാൻ തീരുമാനമെടുക്കാൻ സാധിക്കും. സാമ്പത്തിക നേട്ടം, പ്രശസ്തി, ദാമ്പത്യ സുഖം എന്നിവ ഉണ്ടാകും. മനഃശാന്തിയും ശത്രുക്കളുടെ മേൽ വിജയവും നിയമപരമായ കാര്യങ്ങളിൽ അനുകൂല തീരുമാനങ്ങളും പ്രതീക്ഷിക്കാം.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
ബന്ധുക്കളുമായി അഭിപ്രായവ്യത്യാസങ്ങൾ ഉണ്ടാകാൻ ഇടയുണ്ട്. കൃത്യസമയത്ത് ഭക്ഷണം കഴിക്കാത്തത് മൂലം ദഹന പ്രശ്നങ്ങളോ മൈഗ്രേനോ അനുഭവപ്പെട്ടേക്കാം. ചെറിയ തോതിലുള്ള മാനസിക വിഷമങ്ങൾ നേരിടേണ്ടി വന്നേക്കാം.
ധനു രാശി
(മൂലം, പൂരാടം, ഉത്രാടം ആദ്യ കാൽ)
രോഗബാധിതർക്ക് ആശ്വാസവും രോഗമുക്തിയും ലഭിക്കുന്ന സുദിനമാണ്. വിരുന്നുകളിലും സൽക്കാരങ്ങളിലും പങ്കെടുക്കാൻ അവസരം ലഭിക്കും. അപ്രതീക്ഷിതമായി സമ്മാനങ്ങളോ ലോട്ടറി ഭാഗ്യമോ നിങ്ങളെ തേടിയെത്തിയേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
മാനസികമായ അസ്വസ്ഥതകളും ആരോഗ്യ പ്രശ്നങ്ങളും അലട്ടിയേക്കാം. മറ്റുള്ളവരുമായി ഇടപെടുമ്പോൾ ശ്രദ്ധിച്ചില്ലെങ്കിൽ അനാവശ്യമായ വിരോധം സമ്പാദിക്കാൻ ഇടയാകും. സംയമനം പാലിക്കുന്നത് ഗുണം ചെയ്യും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
ദീർഘകാലമായി മുടങ്ങിക്കിടന്ന കാര്യങ്ങൾ ഇന്ന് വിജയകരമായി പൂർത്തിയാക്കാൻ സാധിക്കും. ബന്ധുക്കളുടെ സന്ദർശനം, ഉല്ലാസയാത്രകൾ, ഉദ്യോഗത്തിൽ സ്ഥാനക്കയറ്റം എന്നിവയുണ്ടാകും. ദാമ്പത്യ ജീവിതത്തിൽ സ്നേഹവും വിശ്വാസവും വർദ്ധിക്കും.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
ആരോഗ്യസ്ഥിതി തൃപ്തികരമായി തുടരും. ഊർജ്ജസ്വലതയോടെ കാര്യങ്ങൾ നിർവ്വഹിക്കാൻ സാധിക്കും. അപ്രതീക്ഷിത സാമ്പത്തിക നേട്ടങ്ങളും പുതിയ സൗഹൃദങ്ങളും ഈ ദിവസത്തെ സവിശേഷമാക്കും.
www.aijothisham.com ,
Mobile : +91 96456 11008
aijothisham@gmail.com
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
