മേടം രാശി
(അശ്വതി, ഭരണി, കാർത്തിക ആദ്യ കാൽ)
പ്രതീക്ഷിക്കാത്ത സ്രോതസ്സുകളിൽ നിന്ന് സാമ്പത്തിക ലാഭം ഉണ്ടാകും. ലോട്ടറി, ചിട്ടി തുടങ്ങിയവയിൽ ഭാഗ്യം തെളിയും. ദീർഘകാലമായി സന്താനഭാഗ്യം ഇല്ലാത്തവർക്ക് സന്തോഷവാർത്ത കേൾക്കാൻ സാധിക്കും. മനസ്സിൽ വിചാരിച്ച കാര്യങ്ങൾ ഇന്ന് നടപ്പിലാകും.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
മാതാപിതാക്കളുടെ ആഗ്രഹങ്ങൾ സഫലമാക്കാൻ സാധിക്കുന്ന ദിവസമാണിത്. ആത്മവിശ്വാസം വർദ്ധിക്കും. ജാതകത്തിൽ ശനി അനുകൂലമായി നിൽക്കുന്നവർക്ക് വലിയ നേട്ടങ്ങൾ സ്വന്തമാക്കാൻ സാധിക്കും.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
കുടുംബത്തിൽ അസ്വസ്ഥതകൾ ഉണ്ടാകാൻ സാധ്യതയുണ്ട്. ബന്ധുക്കളുമായി കലഹങ്ങളിൽ ഏർപ്പെടാതെ ശ്രദ്ധിക്കണം. മാനസികമായി ചെറിയ തളർച്ച അനുഭവപ്പെട്ടേക്കാം. പങ്കാളിയുമായും മക്കളുമായും ഉള്ള ബന്ധത്തിൽ വിള്ളലുകൾ വരാതെ നോക്കുക.
കർക്കടകം രാശി
(പുണർതം അവസാന കാൽ, പൂയം, ആയില്യം)
വിദേശത്ത് ജോലി ആഗ്രഹിക്കുന്നവർക്ക് അതിനുള്ള അവസരം ലഭിക്കും. എങ്കിലും കാര്യങ്ങളിൽ പൊതുവെ മടിയും അലസതയും അനുഭവപ്പെടാൻ ഇടയുണ്ട്. അനാവശ്യ ചെലവുകൾ വർദ്ധിക്കും. പങ്കാളിക്കോ ബന്ധുക്കൾക്കോ ആരോഗ്യപ്രശ്നങ്ങൾ വരാൻ സാധ്യതയുള്ളതിനാൽ ശ്രദ്ധിക്കുക.
ചിങ്ങം രാശി
(മകം, പൂരം, ഉത്രം ആദ്യ കാൽ)
നല്ല സുഹൃത്തുക്കളെ ലഭിക്കുന്ന ദിവസമാണ്. ബന്ധുക്കളിൽ നിന്ന് പിന്തുണയും സാമ്പത്തിക പുരോഗതിയും ഉണ്ടാകും. ദാമ്പത്യ ജീവിതം സന്തോഷകരമായിരിക്കും. വിശിഷ്ട ഭോജനം ലഭിക്കാനും ബന്ധുസമാഗമത്തിനും യോഗമുണ്ട്.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
തൊഴിൽരംഗത്ത് മികച്ച വിജയം കൈവരിക്കും. ദാമ്പത്യ ഐക്യം ഉണ്ടാകും. സർക്കാർ തലത്തിൽ നിന്നുള്ള ആനുകൂല്യങ്ങളും കൃഷിയിൽ നിന്ന് ലാഭവും ലഭിക്കും. അംഗീകാരങ്ങൾ, പുരസ്കാരങ്ങൾ, സമ്മാനങ്ങൾ എന്നിവ നിങ്ങളെ തേടിയെത്തിയേക്കാം.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
ജോലിയിൽ വിജയിക്കാൻ സാധിക്കുമെങ്കിലും വരുമാനത്തേക്കാൾ കൂടുതൽ ചെലവ് വരുന്നത് നിങ്ങളെ അലട്ടും. പ്രശസ്തിയും ധനനേട്ടവും ഉണ്ടാകും. ഗുണവും ദോഷവും കലർന്ന ഒരു സമ്മിശ്ര ഫലമായിരിക്കും ഇന്ന് അനുഭവപ്പെടുക.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
അനാവശ്യമായ പ്രണയബന്ധങ്ങളിൽ പെടാൻ സാധ്യതയുള്ളതിനാൽ അതീവ ജാഗ്രത പാലിക്കുക. സർക്കാർ സംബന്ധമായ പ്രശ്നങ്ങളോ ഉന്നത ഉദ്യോഗസ്ഥരുമായി തർക്കങ്ങളോ ഉണ്ടായേക്കാം. ചതിക്കുഴികളിൽ വീഴാതെ ശ്രദ്ധിക്കണം.
ധനു രാശി
(മൂലം, പൂരാടം, ഉത്രാടം ആദ്യ കാൽ)
ശത്രുക്കളെ പരാജയപ്പെടുത്താനും ഉന്നത സ്ഥാനങ്ങൾ അലങ്കരിക്കാനും സാധിക്കും. ബിസിനസ്സിലും തൊഴിലിലും വൻ പുരോഗതിയുണ്ടാകും. കുടുംബത്തിൽ മംഗളകരമായ കാര്യങ്ങൾ നടക്കും. സാമ്പത്തിക ലാഭവും ആരോഗ്യപുരോഗതിയും ഉണ്ടാകുന്ന സുദിനമാണ്.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
മാനസിക വിഷമങ്ങളും ഭാഗ്യക്കുറവും അനുഭവപ്പെടാൻ ഇടയുണ്ട്. അധികാരികളിൽ നിന്ന് മോശമായ അനുഭവങ്ങൾ ഉണ്ടായേക്കാം. സാമ്പത്തിക നഷ്ടത്തിനും അലച്ചിലിനും സാധ്യത. ചിലപ്പോൾ കുടുംബത്തിൽ നിന്ന് മാറി നിൽക്കേണ്ട സാഹചര്യവും സ്ഥാനഭ്രംശവും ഉണ്ടായേക്കാം.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
കുടുംബാംഗങ്ങളുമായി നല്ല ബന്ധം പുലർത്താൻ സാധിക്കും. സർക്കാർ തലത്തിൽ നിന്ന് ഗുണഫലങ്ങൾ ലഭിക്കും. തൊഴിൽ വിജയവും സാമ്പത്തിക നേട്ടവും ഉണ്ടാകും. പുതിയ ഗൃഹോപകരണങ്ങൾ വാങ്ങാൻ യോഗമുണ്ട്.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
നിയമപരമായ തടസ്സങ്ങളും കേസുകളും നേരിടേണ്ടി വന്നേക്കാം. അടുത്ത സുഹൃത്തുക്കളിൽ നിന്നോ ബന്ധുക്കളിൽ നിന്നോ ദോഷാനുഭവങ്ങൾ ഉണ്ടാകാൻ സാധ്യതയുണ്ട്. തൊഴിൽപരമായ ബുദ്ധിമുട്ടുകളും വരുമാനക്കുറവും നിങ്ങളെ അലട്ടും. തീരുമാനങ്ങൾ എടുക്കുന്നതിൽ വൈമുഖ്യം കാട്ടരുത്.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
