മേടം രാശി
(അശ്വതി, ഭരണി, കാർത്തിക ആദ്യ കാൽ)
മോശമായ കൂട്ടുകെട്ടുകളിൽ അകപ്പെടാൻ സാധ്യതയുള്ളതിനാൽ ജാഗ്രത പാലിക്കുക. ദുഷ്പ്രവൃത്തികൾ ചെയ്യാനുള്ള സാഹചര്യങ്ങൾ ഒത്തുവന്നേക്കാം. ചിലർക്ക് മാനഹാനിയും സാമ്പത്തിക നഷ്ടവും സംഭവിക്കാൻ ഇടയുണ്ട്. ആരോഗ്യ കാര്യങ്ങളിൽ പ്രത്യേക ശ്രദ്ധ നൽകുക.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
കുടുംബത്തിൽ ശുഭകാര്യങ്ങളും മംഗളകർമ്മങ്ങളും നടക്കാൻ സാധ്യതയുണ്ട്. തൊഴിൽ രംഗത്ത് വിജയം കൈവരിക്കും. സമൂഹത്തിൽ പ്രശസ്തിയും സാമ്പത്തിക നേട്ടവും ഉണ്ടാകും. പ്രണയബന്ധങ്ങൾ വിവാഹത്തിലേക്ക് നീങ്ങാൻ അനുകൂലമായ സമയമാണ്.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
എഞ്ചിനീയറിംഗ് മേഖലയിൽ പഠിക്കുന്നവർക്ക് പുരോഗതിയുണ്ടാകും. ദാമ്പത്യ ജീവിതത്തിൽ ഐക്യവും കുടുംബത്തിൽ അഭിവൃദ്ധിയും ഉണ്ടാകും. പുതിയ വസ്ത്രങ്ങളും ആഭരണങ്ങളും വാങ്ങാൻ യോഗമുണ്ട്. കുടുംബാംഗങ്ങൾക്കിടയിൽ പരസ്പര ധാരണ വർദ്ധിക്കും.
കർക്കടകം രാശി
(പുണർതം അവസാന കാൽ, പൂയം, ആയില്യം)
നിയമപരമായ പ്രശ്നങ്ങളും കേസ് വഴക്കുകളും നേരിടേണ്ടി വന്നേക്കാം. അനാവശ്യമായ അലച്ചിലും കാര്യതടസ്സവും അനുഭവപ്പെടും. മറ്റുള്ളവരിൽ നിന്ന് തിക്താനുഭവങ്ങൾ ഉണ്ടാകാൻ സാധ്യതയുണ്ട്. അഗ്നി സംബന്ധമായ കാര്യങ്ങളിൽ ജാഗ്രത പാലിക്കുക.
ചിങ്ങം രാശി
(മകം, പൂരം, ഉത്രം ആദ്യ കാൽ)
തൊഴിൽപരമായ ബുദ്ധിമുട്ടുകളും മാനസിക പിരിമുറുക്കവും അനുഭവപ്പെടാൻ ഇടയുണ്ട്. ആരോഗ്യപ്രശ്നങ്ങൾ, പ്രത്യേകിച്ച് നേത്രരോഗങ്ങൾ അലട്ടിയേക്കാം. ഭക്ഷണ സുഖക്കുറവും ദാമ്പത്യ ജീവിതത്തിൽ ചെറിയ അസ്വസ്ഥതകളും ഉണ്ടാകാൻ സാധ്യതയുണ്ട്.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
മനഃസമാധാനവും സുഖനിദ്രയും ലഭിക്കുന്ന ദിവസമാണ്. സമൂഹത്തിൽ നല്ല പേര് കേൾപ്പിക്കാൻ സാധിക്കും. ഔദ്യോഗിക രംഗത്ത് കാര്യപ്രാപ്തി തെളിയിക്കും. സമ്മാനങ്ങളോ അവാർഡുകളോ ലഭിക്കാൻ യോഗമുണ്ട്. എങ്കിലും ചില കാര്യങ്ങളിൽ അപമാനം കേൾക്കാതെ സൂക്ഷിക്കണം.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
കൃഷിയിൽ നിന്ന് ലാഭം പ്രതീക്ഷിക്കാം. ഗുരുജനങ്ങളുടെയും മുതിർന്നവരുടെയും പ്രീതി സമ്പാദിക്കും. സത്സന്താന ഭാഗ്യം ഉണ്ടാകും. അപ്രതീക്ഷിതമായ ധനലാഭവും തൊഴിൽപരമായ വിജയവും ഈ ദിവസത്തിന്റെ പ്രത്യേകതകളാണ്.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
കുടുംബാംഗങ്ങളുമായി അഭിപ്രായവ്യത്യാസങ്ങൾക്കും കലഹങ്ങൾക്കും സാധ്യതയുണ്ട്. ശാരീരിക തളർച്ചയോ തലവേദനയോ അനുഭവപ്പെടാം. കുടുംബത്തിലെ മുതിർന്നവരുടെ വിയോഗവാർത്ത കേൾക്കാൻ ഇടവന്നേക്കാം. ചർമ്മരോഗങ്ങൾ പിടിപെടാതെ ശ്രദ്ധിക്കുക.
ധനു രാശി
(മൂലം, പൂരാടം, ഉത്രാടം ആദ്യ കാൽ)
മാനസികമായ അസ്വസ്ഥതകളും അകാരണമായ ഭയവും അലട്ടിയേക്കാം. എല്ലാ കാര്യങ്ങളിലും നിർഭാഗ്യം അനുഭവപ്പെടുന്നതായി തോന്നാം. അപ്രതീക്ഷിതമായ അപകടങ്ങൾ, കേസുകൾ, അനാവശ്യ ചെലവുകൾ എന്നിവയ്ക്ക് സാധ്യതയുള്ളതിനാൽ അതീവ ജാഗ്രത പാലിക്കുക.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
ശത്രുക്കളെ പരാജയപ്പെടുത്താൻ സാധിക്കും. തൊഴിലിൽ വിജയവും ഉയർന്ന സ്ഥാനമാനങ്ങളും നിങ്ങളെ തേടിയെത്തും. സാമ്പത്തിക സ്ഥിതി മെച്ചപ്പെടും. രോഗങ്ങൾ മാറി ശാരീരിക ആരോഗ്യം വീണ്ടെടുക്കാൻ സാധിക്കുന്ന സുദിനമാണ്.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
വഴിവിട്ട മാർഗ്ഗത്തിലൂടെ പണം സമ്പാദിക്കാനുള്ള പ്രലോഭനങ്ങൾ ഉണ്ടായേക്കാം, അത് ഒഴിവാക്കുക. ദുഷ്പ്രവൃത്തികൾക്ക് സാഹചര്യം ഒരുങ്ങുന്നത് തിരിച്ചറിഞ്ഞു പെരുമാറണം. മാനഹാനിക്കും ധനനഷ്ടത്തിനും സാധ്യതയുള്ളതിനാൽ ശ്രദ്ധിക്കുക.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
ബന്ധുക്കളുടെ സന്ദർശനം സന്തോഷം നൽകും. ശത്രുശല്യം കുറയും. ദീർഘകാലമായി മനസ്സിൽ വിചാരിച്ച കാര്യങ്ങൾ അപ്രതീക്ഷിതമായി നടപ്പിലാകും. നല്ല സുഹൃത്തുക്കളെ ലഭിക്കാനും അവർ വഴി ഗുണാനുഭവങ്ങൾ ഉണ്ടാകാനും സാധ്യതയുണ്ട്.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
