(2026 സെപ്റ്റംബർ 6 – 12)
ഏകാദശി, പ്രദോഷം, അമാവാസി എന്നിവയാണ് 2026 സെപ്റ്റംബർ 6 ഞായറാഴ്ച തിരുവാതിര നാളിൽ തുടങ്ങുന്ന ഈ ആഴ്ചയിലെ പ്രധാന വിശേഷങ്ങൾ. സെപ്റ്റംബർ 7 തിങ്കളാഴ്ചയാണ് അജ ഏകാദശി.
ചിങ്ങമാസത്തിലെ കൃഷ്ണപക്ഷ ഏകാദശി അജ ഏകാദശി, ആനന്ദ ഏകാദശി തുടങ്ങിയ പേരുകളിൽ അറിയപ്പെടുന്നു. ഈ ദിവസം വിധിപ്രകാരം വ്രതം നോൽക്കുന്നത് സർവൈശ്വര്യദായകവും സർവപാപഹരവുമാണെന്ന് വിശ്വസിക്കുന്നു.
സെപ്റ്റംബർ 8 ചൊവ്വാഴ്ചയാണ് ചിങ്ങത്തിലെ കൃഷ്ണപക്ഷ പ്രദോഷം. ശിവപാർവതി പ്രീതികരമായ കറുത്തപക്ഷ പ്രദോഷം എടുക്കുന്നവർ തലേന്ന് വ്രതം തുടങ്ങണം. സെപ്റ്റംബർ 11 വെള്ളിയാഴ്ചയാണ് ചിങ്ങത്തിലെ അമാവാസി.
കന്നി, കർക്കടകം, തുലാം, ഇടവം എന്നീ കൂറുകൾക്ക് ഈ ആഴ്ച താരതമ്യേന കൂടുതൽ അനുകൂലമായ ഫലങ്ങൾ പ്രതീക്ഷിക്കാം. ചിങ്ങം, മകരം, മീനം കൂറുകാർ സാമ്പത്തികമായും കുടുംബകാര്യങ്ങളിലും കൂടുതൽ ക്ഷമയും സൂക്ഷ്മതയും പാലിക്കുന്നത് നല്ലതാണ്. സെപ്റ്റംബർ 12 ശനിയാഴ്ച അത്തം നക്ഷത്രത്തിൽ വാരം സമാപിക്കും.
ഈ ആഴ്ചത്തെ നക്ഷത്രഫലം:
ALSO READ
മേടക്കൂറ്
(അശ്വതി, ഭരണി, കാർത്തിക 1)
വരുമാനത്തിൽ ചെറിയ വർദ്ധനവിന് സാധ്യത. എന്നാൽ പ്രതീക്ഷിക്കാത്ത ചെലവുകൾ ഉണ്ടാകാം. കുടിശ്ശിക ലഭിക്കുന്നതിനും സാമ്പത്തികമായി തടസ്സപ്പെട്ടിരുന്ന കാര്യങ്ങൾ മുന്നോട്ട് നീക്കുന്നതിനും അവസരം ലഭിക്കും. ആലോചനയില്ലാതെ വലിയ നിക്ഷേപം നടത്താതിരിക്കുക. ജോലിസ്ഥലത്ത് ഉത്തരവാദിത്വം വർദ്ധിക്കും. മേലധികാരികളുടെ ശ്രദ്ധ നേടാൻ സാധിക്കും. പുതിയ ജോലി അന്വേഷിക്കുന്നവർക്ക് സമയം ഏറെ അനുകൂലം. സഹപ്രവർത്തകരുമായുള്ള അഭിപ്രായവ്യത്യാസം ഒഴിവാക്കുക. കുടുംബത്തിലെ മുതിർന്നവരുടെ പിന്തുണ ലഭിക്കും. ദാമ്പത്യത്തിൽ ചെറിയ അഭിപ്രായ വ്യത്യാസം സംസാരിച്ച് പരിഹരിക്കാൻ കഴിയും.
വിദ്യാർത്ഥികൾ ഏകാഗ്രത വർധിപ്പിച്ചാൽ നല്ല ഫലം ലഭിക്കും. മത്സരപ്പരീക്ഷകൾക്ക് തയ്യാറെടുക്കുന്നവർക്ക് കൂടുതൽ പരിശ്രമം ആവശ്യമാണ്.
ദോഷപരിഹാരം: ചൊവ്വാഴ്ച ഹനുമാൻ സ്വാമിക്ക് വെറ്റിലമാല ചാർത്തി പ്രാർത്ഥിക്കുക. ഓം ഹം ഹനുമതേ നമഃ 108 തവണ എന്നും ജപിക്കുന്നത് നല്ലത്.
ഇടവക്കൂറ്
(കാർത്തിക 2, 3, 4, രോഹിണി, മകയിരം 1, 2)
സാമ്പത്തികമായി മെച്ചപ്പെട്ട സമയം. വരുമാനം വർധിപ്പിക്കാൻ പുതിയ വഴികൾ കണ്ടെത്തും. കുടുംബവുമായി ബന്ധപ്പെട്ട ചില ചെലവുകൾ വന്നാലും സാമ്പത്തിക സ്ഥിതി നിയന്ത്രിക്കാൻ കഴിയും. ജോലി സ്ഥിരത ലഭിക്കും. പുതിയ ചുമതലകൾ ലഭിക്കാം. ബിസിനസുകാർക്ക് പുതിയ ബന്ധങ്ങൾ ഗുണം ചെയ്യും. ദൂരസ്ഥലങ്ങളിൽ നിന്നുള്ള അവസരങ്ങളും പരിഗണിക്കാം. വീട്ടിൽ സന്തോഷകരമായ അന്തരീക്ഷം. ബന്ധുക്കളുടെ സഹായം ലഭിക്കും. കുടുംബത്തിലെ ഒരു പ്രധാന വിഷയം സംസാരിച്ച് തീരുമാനത്തിലെത്താൻ സാധിക്കും. വിദ്യാർത്ഥികൾക്ക് മികച്ച സമയം. ഓർമ്മശക്തിയും പഠനത്തിലെ താൽപര്യവും വർധിക്കും. അധ്യാപകരുടെ സഹായം ലഭിക്കും.
ദോഷപരിഹാരം: വെള്ളിയാഴ്ച ക്ഷേത്രദർശനം നടത്തി നെയ്വിളക്ക് തെളിയിച്ച് ലളിതാസഹസ്രനാമം ജപിക്കുക. എന്നും ഓം ശ്രീം നമഃ 108 തവണ ജപിക്കുക.
മിഥുനക്കൂറ്
(മകയിരം 3,4, തിരുവാതിര, പുണർതം 1,2,3)
സാമ്പത്തികമായി നല്ല സമയം. ധനവരവും ചെലവും ഒരുപോലെ ഉണ്ടാകും. അനാവശ്യ വാങ്ങലുകൾ നിയന്ത്രിക്കണം. സാമ്പത്തികമായി പുതിയ പദ്ധതി തുടങ്ങുന്നതിന് മുമ്പ് രണ്ടുതവണ ആലോചിക്കുക.
ബുധന്റെ മാറ്റം ആശയവിനിമയത്തിലും ബുദ്ധിപരമായ കാര്യങ്ങളിലും നേട്ടം നൽകാം. അഭിമുഖങ്ങൾ, എഴുത്ത്, വ്യാപാരം, അക്കൗണ്ട്സ് തുടങ്ങിയ മേഖലകളിലുള്ളവർക്ക് ആഴ്ചയുടെ രണ്ടാം പകുതി കൂടുതൽ അനുകൂലം.
സംസാരത്തിലെ ചെറിയ പിഴവുകൾ പോലും വീട്ടിൽ പ്രശ്നമാകാം. അതിനാൽ ക്ഷമയോടെ സംസാരിക്കുക.
വിദ്യാർത്ഥികൾക്ക് വളരെ നല്ല സമയം. പുതിയ വിഷയങ്ങൾ വേഗത്തിൽ മനസ്സിലാക്കാൻ കഴിയും. പരീക്ഷയ്ക്ക് തയ്യാറെടുക്കുന്നവർക്ക് ആത്മവിശ്വാസം വർധിക്കും.
ദോഷപരിഹാരം: വെള്ളിയാഴ്ച ഗണപതി ക്ഷേത്രദർശനം നടത്തി ഓം ഗം ഗണപതയേ നമഃ 108 തവണ ജപിക്കുക. നാളികേരം ഉടയ്ക്കുക.
കർക്കടകക്കൂറ്
(പുണർതം 4, പൂയം, ആയില്യം)
സാമ്പത്തികമായി പ്രതീക്ഷ നൽകുന്ന സമയം. വരുമാനത്തിൽ മെച്ചമുണ്ടാകാം. പഴയ സാമ്പത്തിക പ്രശ്നങ്ങളിൽ പരിഹാരസാധ്യത. സ്വത്ത് സംബന്ധമായ കാര്യങ്ങളിലും അനുകൂലമായ നീക്കം പ്രതീക്ഷിക്കാം.
ജോലിയിൽ അംഗീകാരം ലഭിക്കും. പുതിയ ഉത്തരവാദിത്വങ്ങൾ ഏറ്റെടുക്കേണ്ടി വരാം. ബിസിനസിൽ വളർച്ചയ്ക്കുള്ള അവസരങ്ങൾ ലഭിക്കും. കുടുംബാംഗങ്ങളുടെ പിന്തുണ ശക്തമാകും. മാതാപിതാക്കളുമായി ബന്ധപ്പെട്ട കാര്യങ്ങളിൽ സന്തോഷകരമായ തീരുമാനമുണ്ടാകാം.
വിദ്യാർത്ഥികൾക്ക് പഠനത്തിൽ മികച്ച പുരോഗതി. ഉയർന്ന പഠനത്തിനുള്ള ശ്രമങ്ങൾക്ക് നല്ല പ്രതികരണം ലഭിക്കാം.
ദോഷപരിഹാരം: വ്യാഴാഴ്ച മഹാവിഷ്ണു ക്ഷേത്രദർശനം നടത്തി വിഷ്ണുസഹസ്രനാമം ചൊല്ലുക. തുളസിമാല സമർപ്പിക്കുന്നത് നല്ലത്. എന്നും ഓം നമോ നാരായണായ 108 തവണ ജപിക്കുക.
ചിങ്ങക്കൂറ്
(മകം, പൂരം, ഉത്രം 1)
പണം കൈകാര്യം ചെയ്യുമ്പോൾ ശ്രദ്ധ വേണം. അനാവശ്യ ചെലവുകളും പെട്ടെന്നുള്ള സാമ്പത്തിക തീരുമാനങ്ങളും ഒഴിവാക്കുക. വരുമാനം ലഭിച്ചാലും സമ്പാദ്യത്തിന് ശ്രദ്ധ നൽകണം. ജോലിസ്ഥലത്ത് മത്സരവും സമ്മർദ്ദവും അനുഭവപ്പെടാം. എന്നാൽ കഴിവ് തെളിയിക്കാൻ അവസരം ലഭിക്കും. അധികാരികളുമായി തർക്കം ഒഴിവാക്കുക. കുടുംബത്തിൽ ചെറിയ അഭിപ്രായവ്യത്യാസങ്ങൾ ഉണ്ടാകാം. പ്രത്യേകിച്ച് വാക്കുതർക്കങ്ങൾ ഒഴിവാക്കുന്നത് നല്ലത്. വിദ്യാർത്ഥികൾക്ക് ശ്രദ്ധക്കുറവിന് സാധ്യതയുണ്ട്.
ദോഷപരിഹാരം: ഞായറാഴ്ച രാവിലെ ആദിത്യഹൃദയം ജപിക്കുക. എന്നും ഓം നമഃ ശിവായ 108 തവണ ജപിക്കുക.
കന്നിക്കൂറ്
(ഉത്രം 2, 3,4, അത്തം, ചിത്തിര 1, 2)
സാമ്പത്തികമായി നല്ല മുന്നേറ്റത്തിന് സാധ്യത. ബുധന്റെ കന്നി പ്രവേശനം സാമ്പത്തിക ആസൂത്രണത്തിനും ബുദ്ധിപരമായ തീരുമാനങ്ങൾക്കും സഹായകരമാകും. പുതിയ ജോലി, സ്ഥാനക്കയറ്റം, ഉത്തരവാദിത്വം എന്നിവയ്ക്ക് സാധ്യത. ബിസിനസുകാർക്ക് കരാറുകളും പുതിയ ഇടപാടുകളും ഗുണം ചെയ്യും.
കുടുംബത്തിൽ സമാധാനം വർധിക്കും. ഏറെക്കാലമായി നീണ്ടുനിന്ന ഒരു പ്രശ്നത്തിന് പരിഹാരം കാണും.
വിദ്യാർത്ഥികൾക്ക് ഏറ്റവും അനുകൂലമായ സമയം. മത്സരപ്പരീക്ഷകൾ, ഗവേഷണം, സാങ്കേതിക പഠനം എന്നിവയിൽ നേട്ടമുണ്ടാകും.
ദോഷപരിഹാരം: ബുധനാഴ്ച ശ്രീകൃഷ്ണ ക്ഷേത്രത്തിൽ ദർശനം നടത്തി തുളസിമാല സമർപ്പിക്കുക. എന്നും ഓം ക്ലീം കൃഷ്ണായ നമഃ 108 തവണ ജപിക്കുക.
തുലാക്കൂറ്
(ചിത്തിര 3, 4, ചോതി, വിശാഖം 1, 2, 3)
വരുമാനത്തിൽ പുരോഗതി ഉണ്ടാകും. എന്നാൽ ആഡംബരച്ചെലവുകൾ വർധിക്കാം. കടം കൊടുക്കുമ്പോൾ ജാഗ്രത വേണം. ജോലിയിൽ പുതിയ അവസരങ്ങൾ. മേലധികാരികളിൽ നിന്ന് പിന്തുണ ലഭിക്കും. വിദേശബന്ധമുള്ള ജോലികൾക്കും ബിസിനസിനും ഗുണകരമായ സാഹചര്യം. ദാമ്പത്യബന്ധത്തിൽ കൂടുതൽ അടുപ്പം ഉണ്ടാകും. കുടുംബത്തിലെ സന്തോഷകരമായ ഒരു വാർത്ത മനസ്സിന് ആശ്വാസം നൽകും.
കല, ഡിസൈൻ, നിയമം, മാനേജ്മെന്റ് തുടങ്ങിയ മേഖലകളിലെ വിദ്യാർത്ഥികൾക്ക് നേട്ടം.
ദോഷപരിഹാരം: വെള്ളിയാഴ്ച ഭദ്രകാളിക്ക് ചുവന്ന പൂക്കൾ സമർപ്പിച്ച് നെയ്വിളക്ക് തെളിയിക്കുക. എന്നും ഓം ഭദ്രകാള്യൈ നമഃ 108 തവണ ജപിക്കുക.
വൃശ്ചികക്കൂറ്
(വിശാഖം 4, അനിഴം, തൃക്കേട്ട)
സാമ്പത്തികമായി മെച്ചപ്പെടാനുള്ള അവസരങ്ങൾ വരും. എന്നാൽ പഴയ ബാധ്യതകൾ തീർക്കുന്നതിന് മുൻഗണന നൽകണം. പെട്ടെന്നുള്ള നിക്ഷേപം ഒഴിവാക്കുക. ജോലിയിൽ പുരോഗതി പ്രതീക്ഷിക്കാം. പുതിയ ചുമതലകൾ ലഭിക്കും. ബിസിനസുകാർക്ക് പുതിയ ഉപഭോക്താക്കളെ ലഭിക്കാം.
കുടുംബത്തിൽ സമാധാനം നിലനിർത്താൻ ഇടപെടൽ ആവശ്യമായി വരാം. സഹോദരങ്ങളുമായി ബന്ധപ്പെട്ട കാര്യങ്ങളിൽ അനുകൂല മാറ്റം.
ദോഷപരിഹാരം: വ്യാഴാഴ്ച മഹാ വിഷ്ണുവിനെ പ്രാർത്ഥിച്ച് തുളസിമാല സമർപ്പിക്കുക; “ഓം നമോ നാരായണായ” 108 തവണ ജപിക്കുക.
കൃത്യ നിഷ്ഠയോടെ പഠിച്ചാൽ മികച്ച ഫലം. അവസാന നിമിഷ പഠനം ഒഴിവാക്കുക.
ദോഷപരിഹാരം: നിത്യവും സുബ്രഹ്മണ്യസ്വാമിയെ പ്രാർത്ഥിച്ച് “ഓം ശരവണഭവായ നമഃ” 108 തവണ ജപിക്കുക.
ധനുക്കൂറ്
(മൂലം, പൂരാടം, ഉത്രാടം 1, 2)
വരുമാനത്തിൽ മെച്ചമുണ്ടാകാം. വിദേശബന്ധമുള്ള സാമ്പത്തിക ഇടപാടുകളിൽ ഗുണം. എന്നാൽ യാത്രയും കുടുംബകാര്യങ്ങളും മൂലം ചെലവ് വർധിക്കാം. ജോലിയിൽ പുതിയ ഉത്തരവാദിത്വങ്ങൾ. സ്ഥലംമാറ്റം ആഗ്രഹിക്കുന്നവർക്ക് അനുകൂല സൂചനകൾ ലഭിക്കാം. ബിസിനസിൽ പുതിയ പദ്ധതികൾ തുടങ്ങാൻ ആലോചനയുണ്ടാകും.
കുടുംബാംഗങ്ങളുമായി യാത്രയോ സന്തോഷകരമായ ഒത്തുചേരലോ ഉണ്ടാകാം. ഉന്നതപഠനത്തിനും വിദേശപഠനത്തിനും ശ്രമിക്കുന്നവർക്ക് പ്രതീക്ഷ നൽകുന്ന സമയം.
ദോഷപരിഹാരം: നിത്യവും ഹനുമാൻസ്വാമിയെ പ്രാർത്ഥിച്ച് “ഓം ഹം ഹനുമതേ നമഃ” 108 തവണ ജപിക്കുക.
മകരക്കൂറ്
(ഉത്രാടം 1, 2, 3, തിരുവോണം, അവിട്ടം 1, 2)
സാമ്പത്തിക കാര്യങ്ങളിൽ ക്ഷമ ആവശ്യമാണ്. വരുമാനം നിലനിൽക്കുമെങ്കിലും ചെലവുകൾ വർധിച്ചേക്കാം. വലിയ സാമ്പത്തിക ബാധ്യത ഏറ്റെടുക്കുന്നതിന് മുമ്പ് ശ്രദ്ധിക്കുക. കഠിനാധ്വാനത്തിന് ഫലം ലഭിക്കും. നേരത്തെ ചെയ്ത പരിശ്രമങ്ങളുടെ ഫലം ഇപ്പോൾ ലഭിക്കാൻ തുടങ്ങും. മേലധികാരികളുമായി നല്ല ബന്ധം നിലനിർത്തുക. വീട്ടിലെ മുതിർന്നവരുടെ കാര്യത്തിൽ കൂടുതൽ ശ്രദ്ധ ആവശ്യമാണ്. കുടുംബ ഉത്തരവാദിത്വങ്ങൾ വർധിക്കും.
വിദ്യാർത്ഥികൾക്ക് വിജയം നേടാൻ കഴിയും. ഏകാഗ്രത വർദ്ധിപ്പിക്കാൻ ശ്രമിക്കണം.
ദോഷപരിഹാരം: ശനിയാഴ്ച നീരാജനം നടത്തണം. നിത്യവും ഓം ശനൈശ്ചരായ നമഃ 108 തവണ ജപിക്കുക.
കുംഭക്കൂറ്
(അവിട്ടം 3, 4, ചതയം, പൂരുരുട്ടാതി 1, 2, 3)
പുതിയ വരുമാന മാർഗ്ഗങ്ങൾ തുറക്കാം. സാങ്കേതികവിദ്യ, ഓൺലൈൻ ബിസിനസ്, വിദേശബന്ധമുള്ള പ്രവർത്തനങ്ങൾ എന്നിവയിൽ നേട്ടസാധ്യത. ജോലിയിൽ മാറ്റങ്ങൾ പ്രതീക്ഷിക്കാം. പുതിയ അവസരങ്ങൾ ലഭിച്ചാൽ സംശയിക്കാതെ പരിഗണിക്കുക. എന്നാൽ തീരുമാനം എടുക്കുന്നതിന് മുമ്പ് വിവരങ്ങൾ കാര്യമായി പരിശോധിക്കുക.
കുടുംബത്തിലെ അഭിപ്രായ വ്യത്യാസങ്ങൾ ക്രമേണ കുറയും. സുഹൃത്തുക്കളിൽ നിന്നോ ബന്ധുക്കളിൽ നിന്നോ സഹായം ലഭിക്കും. പുതിയ സാങ്കേതികവിദ്യകളും പ്രായോഗിക വിഷയങ്ങളും പഠിക്കാൻ നല്ല സമയം. മത്സരപ്പരീക്ഷകളിൽ സ്ഥിരമായ പരിശ്രമം ആവശ്യമാണ്.
ദോഷപരിഹാരം: ശനിയാഴ്ച ധർമ്മശാസ്താവിനെ പ്രാർത്ഥിച്ച് നീരാജനം നടത്തുക. നിത്യവും ഓം ഘ്രൂം നമഃ പരായ ഗോപ്ത്രേ 108 തവണ ജപിക്കുക.
മീനക്കൂറ്
(പൂരുരുട്ടാതി 4, ഉത്തൃട്ടാതി, രേവതി)
സാമ്പത്തിക കാര്യങ്ങളിൽ സൂക്ഷ്മത ആവശ്യമാണ്. മികച്ച വരുമാനം ഉണ്ടാകുമെങ്കിലും ചെലവുകൾ നിയന്ത്രിക്കണം. പഴയ സാമ്പത്തിക പ്രശ്നങ്ങൾ പരിഹരിക്കാൻ ശ്രമിക്കാം.
ജോലിയിൽ ഉത്തരവാദിത്വം കൂടും. ഉടൻ ഫലം ലഭിക്കാത്ത കാര്യങ്ങളിലും ക്ഷമയോടെ തുടരുക. തൊഴിൽമാറ്റം ആഗ്രഹിക്കുന്നവർക്ക് പുതിയ സാധ്യതകൾ പരിശോധിക്കാം.
കുടുംബത്തിൽ സമാധാനം നിലനിർത്താൻ കൂടുതൽ ക്ഷമ വേണം. ആത്മീയ പ്രവർത്തനങ്ങളിൽ കുടുംബത്തോടൊപ്പം പങ്കെടുക്കുന്നത് സന്തോഷം നൽകും. വിദ്യാർത്ഥികൾ ഒരു സമയക്രമം തയ്യാറാക്കി അതനുസരിച്ച് പഠിക്കുന്നത് ഏറെ ഗുണം ചെയ്യും. പഠനത്തിൽ ഇടയ്ക്കിടെ ശ്രദ്ധക്കുറവ് വരാം.
ദോഷപരിഹാരം: നിത്യവും വിഷ്ണു/ഗുരുവായൂരപ്പനെ പ്രാർത്ഥിച്ച് ഓം നമോ നാരായണായ 108 തവണ ജപിക്കുക.
ജ്യോതിഷരത്നം വേണു മഹാദേവ് ,
മൊബൈൽ: + 91 9847575559
Summary: Weekly Star predictions based on moon sign by Venu Mahadev
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . Visit our online store https://www.okalasha.com, for Devotional Decors, Photos, Jewels and Book’s etc)
Copyright @ 2026 NeramOnline.com . All rights reserved.
