മേടം രാശി
(അശ്വതി, ഭരണി, കാർത്തിക ആദ്യ കാൽ): എല്ലാ കാര്യങ്ങളിലും സുഖാനുഭവങ്ങളും വിജയവും ഉണ്ടാകുന്ന ദിനമാണ്. നിയമപരമായ തർക്കങ്ങളിൽ അനുകൂല വിധി പ്രതീക്ഷിക്കാം. അപ്രതീക്ഷിതമായി സ്ഥാനമാനങ്ങളും അംഗീകാരങ്ങളും നിങ്ങളെ തേടിയെത്തും. നല്ല സുഹൃത്തുക്കളിൽ നിന്നും സഹായങ്ങളും ഗുണാനുഭവങ്ങളും ലഭിക്കും.
ഇടവം രാശി
(കാർത്തിക അവസാന മുക്കാൽ രോഹിണി, മകയിരം ആദ്യ പകുതി): ആരോഗ്യകാര്യത്തിൽ പ്രത്യേക ശ്രദ്ധ വേണം. അലർജി, ശ്വാസകോശ സംബന്ധമായ ബുദ്ധിമുട്ടുകൾ, വാതം എന്നിവയുള്ളവർ ജാഗ്രത പാലിക്കുക. ഭക്ഷണകാര്യത്തിൽ നിയന്ത്രണമില്ലെങ്കിൽ ഭക്ഷ്യവിഷബാധ ഏൽക്കാൻ സാധ്യതയുണ്ട്.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
അമ്മയ്ക്കോ അമ്മയുടെ ബന്ധുക്കൾക്കോ ചില കഷ്ടതകൾ നേരിടാൻ സാധ്യതയുള്ള സമയമാണ്. ഭൂമി സംബന്ധമായ ഇടപാടുകളിൽ ജാഗ്രത വേണം. തൊഴിൽ രംഗത്ത് വിജയം ഉണ്ടാകുമെങ്കിലും വരുമാനത്തിൽ ഇടയ്ക്കിടെ കുറവും ജോലിയിൽ അമിത അധ്വാനവും അനുഭവപ്പെടാം.
കർക്കടകം രാശി
(പുണർതം അവസാന കാൽ, പൂയം, ആയില്യം):
തൊഴിൽ മേഖലയിൽ വലിയ പുരോഗതിയുണ്ടാകും. ശത്രുക്കളുടെ ശല്യം അവസാനിക്കും. ജീവിതസൗകര്യങ്ങൾ വർദ്ധിക്കുകയും സാമ്പത്തികമായ അഭിവൃദ്ധി ഉണ്ടാവുകയും ചെയ്യും. അധികാരമുള്ള പുതിയ ജോലി ലഭിക്കാനോ സ്ഥാനക്കയറ്റത്തിനോ സാധ്യതയുണ്ട്.
ചിങ്ങം രാശി
(മകം, പൂരം, ഉത്രം ആദ്യ കാൽ): കുടുംബത്തിൽ പങ്കാളിയുമായോ മക്കളുമായോ അനാവശ്യ തർക്കങ്ങൾ ഉണ്ടാകാതെ നോക്കണം. ഇത് മാനസിക പിരിമുറുക്കത്തിന് കാരണമാകും. ബിസിനസ്സിലും തൊഴിലിലും ചില നഷ്ടങ്ങളോ ക്ലേശങ്ങളോ നേരിട്ടേക്കാം. വാതം, തലവേദന തുടങ്ങിയ അസുഖങ്ങൾ അലട്ടിയേക്കാം.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി): ആരോഗ്യസ്ഥിതി മെച്ചപ്പെടും. പ്രിയപ്പെട്ടവരോടൊപ്പം പുണ്യസ്ഥലങ്ങൾ സന്ദർശിക്കാനോ വിനോദയാത്രകൾ പോകാനോ അവസരം ലഭിക്കും. ഇഷ്ടഭക്ഷണം ആസ്വദിക്കാനും സുഖകരമായ ഉറക്കം ലഭിക്കാനും ഇന്ന് യോഗമുണ്ട്.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ): ചെയ്യുന്ന കാര്യങ്ങളിൽ അലസതയും തടസ്സങ്ങളും അനുഭവപ്പെടാൻ ഇടയുണ്ട്. വിദ്യാർത്ഥികൾക്ക് പഠനത്തിൽ ശ്രദ്ധ കുറയാം. ധനനഷ്ടത്തിനും ശാരീരിക ബുദ്ധിമുട്ടുകൾക്കും സാധ്യതയുണ്ട്. തീ, വൈദ്യുതി എന്നിവ കൈകാര്യം ചെയ്യുമ്പോൾ കൂടുതൽ ശ്രദ്ധിക്കുക.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട): ബന്ധുക്കളുടെ സമാഗമം സന്തോഷം നൽകും. തൊഴിൽ രംഗത്ത് മേലധികാരികളുടെ പ്രീതി സമ്പാദിക്കാൻ സാധിക്കും. കുടുംബത്തിൽ മംഗളകർമ്മങ്ങൾ നടക്കാൻ സാധ്യതയുണ്ട്. അർഹമായ സ്ഥാനക്കയറ്റം നിങ്ങളെ തേടിയെത്തും.
ധനു രാശി
(മൂലം, പൂരാടം, ഉത്രാടം ആദ്യ കാൽഭാഗം): ജോലിയിൽ സ്ഥാനക്കയറ്റത്തിനും ശമ്പള വർദ്ധനവിനും അനുകൂലമായ സാഹചര്യമാണ്. കുടുംബത്തിൽ ഐശ്വര്യവും ദാമ്പത്യത്തിൽ ഐക്യവും നിലനിൽക്കും. ബന്ധുക്കളുമായി ഒത്തുചേരാനും സന്തോഷം പങ്കിടാനും സാധിക്കും.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി): വളർത്തുമൃഗങ്ങളെ കൈകാര്യം ചെയ്യുമ്പോൾ ശ്രദ്ധിക്കുക, ആക്രമണത്തിന് സാധ്യതയുണ്ട്. കൃഷിയിൽ ഏർപ്പെട്ടിരിക്കുന്നവർക്ക് നഷ്ടങ്ങൾ സംഭവിക്കാനിടയുണ്ട്. അനാവശ്യമായ യാത്രകൾ ചെയ്യേണ്ടി വരികയും സുഹൃത്തുക്കളുമായി അഭിപ്രായ വ്യത്യാസമുണ്ടാകുകയും ചെയ്തേക്കാം.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ): ജോലിഭാരം കാരണം ശാരീരിക ക്ഷീണം അനുഭവപ്പെടുകയും അവധി എടുക്കേണ്ടി വരികയും ചെയ്തേക്കാം. കുടുംബത്തിൽ നിസ്സാര കാര്യങ്ങളെ ചൊല്ലി വഴക്കുകൾ ഉണ്ടായേക്കാം. ദഹനക്കുറവ്, സാമ്പത്തിക ബുദ്ധിമുട്ടുകൾ, ഉറക്കക്കുറവ് എന്നിവ അലട്ടിയേക്കാം.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി): കുടുംബാംഗങ്ങളോടൊപ്പം ഉത്സവങ്ങളിലോ മറ്റ് ആഘോഷങ്ങളിലോ പങ്കെടുക്കാൻ അവസരം ലഭിക്കും. ദീർഘകാലമായുള്ള ആഗ്രഹമായ വിദേശയാത്ര സഫലമാക്കാൻ ആവശ്യമായ സാഹചര്യങ്ങൾ ഇന്ന് ഒരുങ്ങും.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2025 NeramOnline.com . All rights reserved.
