മേടം രാശി (അശ്വതി, ഭരണി, കാർത്തിക ആദ്യ കാൽ) കുടുംബത്തിൽ ഐശ്വര്യവും അഭിവൃദ്ധിയും ഉണ്ടാകും. ബന്ധുക്കളുമായി മുൻപുണ്ടായിരുന്ന അഭിപ്രായവ്യത്യാസങ്ങൾ പരിഹരിക്കപ്പെടും. എല്ലാവരുമായും ഒത്തൊരുമയോടെയും സന്തോഷത്തോടെയും കഴിയാൻ സാധിക്കുന്ന സാഹചര്യമുണ്ടാകും.
ഇടവം രാശി (കാർത്തിക അവസാന മുക്കാൽ, രോഹിണി, മകയിരം ആദ്യ പകുതി) ദമ്പതികൾക്കിടയിൽ പരസ്പര വിശ്വാസവും ഐക്യവും വർദ്ധിക്കും. കുടുംബത്തിലെ മംഗളകരമായ കാര്യങ്ങൾക്കും ആഘോഷങ്ങൾക്കും നേതൃത്വം നൽകാൻ നിങ്ങൾക്ക് സാധിക്കും. ഔദ്യോഗിക രംഗത്ത് സ്ഥാനക്കയറ്റം ലഭിക്കാൻ സാധ്യതയുണ്ട്.
മിഥുനം രാശി (മകയിരം അവസാന പകുതി, തിരുവാതിര, പുണർതം ആദ്യ മുക്കാൽ) ശാരീരികമായും മാനസികമായും ചെറിയ അസ്വസ്ഥതകൾ അനുഭവപ്പെടാൻ ഇടയുണ്ട്. അടുത്ത സുഹൃത്തുക്കളിൽ നിന്നോ ബന്ധുക്കളിൽ നിന്നോ വിപരീത അനുഭവങ്ങൾ ഉണ്ടായേക്കാം. മക്കളുടെ കാര്യത്തിൽ കൂടുതൽ ശ്രദ്ധയും കരുതലും ആവശ്യമായ സമയമാണ്.
കർക്കടകം രാശി (പുണർതം അവസാന കാൽ, പൂയം, ആയില്യം): ആരോഗ്യകാര്യത്തിൽ അതീവ ജാഗ്രത വേണം. ഉദരരോഗങ്ങൾ, ഭക്ഷ്യവിഷബാധ, ശ്വാസകോശ സംബന്ധമായ അസുഖങ്ങൾ എന്നിവയ്ക്ക് സാധ്യതയുണ്ട്. മുൻകോപവും അഹങ്കാരവും ഒഴിവാക്കി ആലോചിച്ച് മാത്രം പ്രവർത്തിക്കുക, അല്ലാത്തപക്ഷം ദുരിതങ്ങൾ നേരിടേണ്ടി വരാം.
ചിങ്ങം രാശി (മകം, പൂരം, ഉത്രം ആദ്യ കാൽ): തൊഴിൽപരമായ തടസ്സങ്ങൾ നീങ്ങുകയും ആഗ്രഹിച്ച ജോലിയിൽ പ്രവേശിക്കാനും സാധിക്കും. അപ്രതീക്ഷിതമായി ബന്ധുക്കളുടെ സഹായം ലഭിക്കും. പുതിയ വസ്ത്രങ്ങളും ആഭരണങ്ങളും വാങ്ങാൻ അവസരമുണ്ടാകും. ദാമ്പത്യ സുഖവും പ്രണയകാര്യങ്ങളിൽ അനുകൂലാവസ്ഥയും ഉണ്ടാകും.
കന്നി രാശി (ഉത്രം അവസാന മുക്കാൽ, അത്തം, ചിത്തിര ആദ്യ പകുതി) ഉന്നത സ്ഥാനമാനങ്ങൾ ലഭിക്കാനും ബിസിനസ്സിൽ മികച്ച പുരോഗതി കൈവരിക്കാനും സാധിക്കും. വിദേശവാസത്തിന് ആഗ്രഹിക്കുന്നവർക്ക് അതിനുള്ള അവസരം തെളിയും. കുടുംബത്തിൽ ശുഭകാര്യങ്ങൾ നടക്കും. സാമ്പത്തിക ലാഭവും ആരോഗ്യവും ലഭിക്കുന്ന സുദിനമാണ്.
ALSO READ
തുലാം രാശി (ചിത്തിര അവസാന പകുതി, ചോതി, വിശാഖം ആദ്യ മുക്കാൽ) കാര്യങ്ങളിൽ പൊതുവെ തടസ്സങ്ങൾ നേരിടാൻ സാധ്യതയുണ്ട്. പ്രതീക്ഷിക്കാത്ത ചില തിരിച്ചടികൾ ഉണ്ടായേക്കാം. ഉദരരോഗങ്ങൾ അലട്ടാൻ ഇടയുണ്ട്. അയൽക്കാരുമായോ ബന്ധുക്കളുമായോ തർക്കങ്ങളിൽ ഏർപ്പെടാതെ സൂക്ഷിക്കുക.
വൃശ്ചികം രാശി (വിശാഖം അവസാന കാൽ, അനിഴം, തൃക്കേട്ട) തൊഴിൽരംഗത്ത് വിജയം കൈവരിക്കുമെങ്കിലും കുടുംബത്തിൽ ചെറിയ അസ്വസ്ഥതകൾ ഉണ്ടാകാം. അലച്ചിൽ അനുഭവപ്പെടാൻ സാധ്യതയുണ്ട്. ധനനേട്ടം ഉണ്ടാകുമെങ്കിലും അനാവശ്യ ബന്ധങ്ങളിൽ ഏർപ്പെടുന്നത് മാനസിക വിഷമത്തിന് കാരണമാകും.
ധനു രാശി (മൂലം, പൂരാടം, ഉത്രാടം ആദ്യ കാൽ) കുടുംബത്തിൽ ഐശ്വര്യം നിറയും. ബന്ധുക്കളിൽ നിന്നും സുഹൃത്തുക്കളിൽ നിന്നും നല്ല അനുഭവങ്ങൾ ഉണ്ടാകും. ആഭരണങ്ങളും വസ്ത്രങ്ങളും സമ്മാനമായി ലഭിക്കാൻ യോഗമുണ്ട്. ദാമ്പത്യ ഐക്യവും നല്ല ഭക്ഷണസൗകര്യവും ഈ ദിവസത്തെ സന്തോഷകരമാക്കും.
മകരം രാശി (ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി) കാര്യതടസ്സവും സാമ്പത്തിക നഷ്ടവും നേരിടാൻ സാധ്യതയുള്ളതിനാൽ ജാഗ്രത പാലിക്കുക. കണ്ണുകൾക്കോ മക്കൾക്കോ ആരോഗ്യ പ്രശ്നങ്ങൾ വരാം. ദമ്പതികൾ തമ്മിൽ അകൽച്ച ഉണ്ടാകാതെ ശ്രദ്ധിക്കണം. മാനഹാനിക്ക് സാധ്യതയുള്ളതിനാൽ വാക്കുകൾ സൂക്ഷിക്കുക.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽ) ആരോഗ്യസ്ഥിതി മെച്ചപ്പെടുകയും രോഗങ്ങളിൽ നിന്ന് മുക്തി ലഭിക്കുകയും ചെയ്യും. തൊഴിൽ വിജയവും പ്രശസ്തിയും നിങ്ങളെ തേടിയെത്തും. മനഃസന്തോഷം, സാമ്പത്തിക ലാഭം, കുടുംബസുഖം എന്നിവ ഈ ദിവസത്തിന്റെ പ്രത്യേകതകളാണ്.
മീനം രാശി (പൂരൂരുട്ടാതി അവസാന കാൽ, ഉതൃട്ടാതി, രേവതി) ഭൂമി സംബന്ധമായ ഇടപാടുകളിൽ നഷ്ടങ്ങൾ സംഭവിക്കാൻ സാധ്യതയുള്ളതിനാൽ ശ്രദ്ധിക്കുക. ലഹരി വസ്തുക്കളോടുള്ള ആസക്തി ഒഴിവാക്കുക. കുടുംബാംഗങ്ങളുമായി കലഹങ്ങൾ ഉണ്ടാകാൻ ഇടയുണ്ട്. ഭക്ഷണത്തിന്റെ കാര്യത്തിലും യാത്രകളിലും പ്രത്യേകം ജാഗ്രത വേണം.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
