മേടം രാശി
(അശ്വതി, ഭരണി, കാർത്തിക ആദ്യ കാൽ)
ജോലിയിൽ ദീർഘനാളായി നിലനിന്നിരുന്ന പ്രതിസന്ധികൾ വിജയകരമായി തരണം ചെയ്യാൻ സാധിക്കും. ബിസിനസ്സ് വിപുലീകരിക്കാൻ ആഗ്രഹിക്കുന്നവർക്ക് ഏറ്റവും അടുത്ത ബന്ധുക്കളിൽ നിന്ന് സാമ്പത്തികമായോ അല്ലാതെയോ ഉള്ള സഹായങ്ങൾ ലഭിക്കാൻ യോഗമുണ്ട്.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
ഭാഗ്യക്കുറവ് മൂലം കൈപ്പിടിയിൽ ഒതുങ്ങേണ്ട അവസരങ്ങൾ നഷ്ടപ്പെട്ടേക്കാം. നിയമപരമായ കാര്യങ്ങളിൽ തിരിച്ചടികൾ നേരിടാൻ സാധ്യതയുള്ളതിനാൽ ജാഗ്രത പാലിക്കുക. അനാവശ്യമായ അലച്ചിലും മടിയും ഇന്ന് നിങ്ങളെ വേട്ടയാടിയേക്കാം.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
ദാമ്പത്യ ജീവിതത്തിൽ അസ്വാരസ്യങ്ങൾ പ്രകടമാകും. മാനസികമായും ശാരീരികമായും ചെറിയ അസ്വസ്ഥതകൾ അനുഭവപ്പെട്ടേക്കാം. സ്വത്ത് സംബന്ധമായ തർക്കങ്ങൾ ബന്ധുക്കളുമായുള്ള അകൽച്ചയ്ക്ക് കാരണമായേക്കാം എന്നതിനാൽ സംയമനം പാലിക്കുക.
കർക്കടകം രാശി
(പുണർതം അവസാന കാൽ, പൂയം, ആയില്യം)
ദമ്പതികൾക്കിടയിൽ പരസ്പര വിശ്വാസവും സ്നേഹവും വർദ്ധിക്കുന്ന ദിവസമാണ്. നഷ്ടപ്പെട്ടുവെന്ന് കരുതിയ വിലപ്പെട്ട വസ്തുക്കൾ അപ്രതീക്ഷിതമായി തിരികെ ലഭിക്കും. പ്രിയപ്പെട്ടവരോടൊപ്പം ഇഷ്ടഭക്ഷണം ആസ്വദിക്കാൻ അവസരം ലഭിക്കും.
ചിങ്ങം രാശി
(മകം, പൂരം, ഉത്രം ആദ്യ കാൽ)
കുടുംബത്തിൽ ഐശ്വര്യവും അഭിവൃദ്ധിയും ഉണ്ടാകുന്ന സുദിനമാണ്. പല കാര്യങ്ങളിലും ഭാഗ്യാനുഭവങ്ങൾ കൂടെയുണ്ടാകും. കുടുംബത്തിൽ മംഗളകരമായ ചടങ്ങുകൾ നടക്കാനും രോഗങ്ങളിൽ നിന്ന് മോചനം ലഭിക്കാനും സാമ്പത്തിക നേട്ടത്തിനും സാധ്യതയുണ്ട്.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
തൊഴിൽപരമായ കാരണങ്ങളാൽ യാത്രകൾ അധികമായി വേണ്ടി വരുന്ന സാഹചര്യമുണ്ടാകും. ജോലിയിൽ കൂടുതൽ സഞ്ചാരശീലമുള്ള വിഭാഗത്തിലേക്ക് മാറ്റം ലഭിച്ചേക്കാം. അമിതമായ ജോലിഭാരം മൂലം മാനസിക പിരിമുറുക്കം വർദ്ധിക്കാൻ ഇടയുണ്ട്.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
കുടുംബാംഗങ്ങളുമായോ ജീവിതപങ്കാളിയുമായോ അനാവശ്യമായ അഭിപ്രായവ്യത്യാസങ്ങൾ ഉണ്ടാകാതെ ശ്രദ്ധിക്കുക. കാര്യതടസ്സങ്ങൾ നേരിടാൻ സാധ്യതയുണ്ട്. ജലവുമായി ബന്ധപ്പെട്ട കാര്യങ്ങളിൽ ശ്രദ്ധ വേണം; അനാവശ്യമായ സംശയ സ്വഭാവം ഒഴിവാക്കുക.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
ചിന്താശേഷിയും കാര്യങ്ങൾ വേഗത്തിൽ ചെയ്തു തീർക്കാനുള്ള താല്പര്യവും വർദ്ധിക്കും. ഏത് കാര്യത്തിലും പൂർണ്ണമനസ്സോടെ ഇറങ്ങിത്തിരിക്കാൻ സാധിക്കും. ധനലാഭത്തിനും സ്ത്രീകളുമായി നല്ല രീതിയിൽ ഇടപഴകാനും അവസരങ്ങൾ ലഭിക്കും.
ധനു രാശി
(മൂലം, പൂരാടം, ഉത്രാടം ആദ്യ കാൽ)
അപ്രതീക്ഷിതമായ സ്ഥാനക്കയറ്റത്തോടു കൂടിയ സ്ഥലംമാറ്റം ലഭിക്കാൻ യോഗമുണ്ട്. ബന്ധുക്കളിൽ നിന്നുള്ള സഹായം, പുതിയ അലങ്കാര വസ്തുക്കളുടെ വർദ്ധനവ്, ഭക്ഷണ സുഖം, മനഃസന്തോഷം എന്നിവ ഈ ദിവസത്തിന്റെ പ്രത്യേകതകളാണ്.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
മനോഹരമായ ചില സമ്മാനങ്ങൾ നിങ്ങളെ തേടിയെത്തിയേക്കാം. തൊഴിലിടങ്ങളിലെ സമ്മർദ്ദങ്ങൾ കുറയുന്നത് ആശ്വാസം നൽകും. വ്യക്തിബന്ധങ്ങളിൽ നിലനിന്നിരുന്ന അകൽച്ച മാറി പഴയ അടുപ്പം തിരികെ വരാൻ ഈ ദിവസം സഹായിക്കും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
ശാരീരികമായ ക്ഷീണമോ ചെറിയ ആരോഗ്യ പ്രശ്നങ്ങളോ അലട്ടാൻ സാധ്യതയുണ്ട്. നിങ്ങൾ ഏറെ വിശ്വസിക്കുന്നവരിൽ നിന്ന് ചെറിയ തോതിലുള്ള മനോവിഷമം നേരിടേണ്ടി വന്നേക്കാം. ചെയ്യുന്ന നല്ല കാര്യങ്ങൾക്ക് അർഹമായ അംഗീകാരം ലഭിക്കാൻ കാലതാമസമെടുക്കും.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
മക്കളെക്കുറിച്ചുള്ള ഉത്കണ്ഠകൾ മാറിക്കിട്ടും. അവരുടെ വിജയങ്ങൾ നിങ്ങൾക്ക് അഭിമാനത്തിന് വക നൽകും. ദീർഘകാലമായി വിദേശത്തായിരുന്ന ബന്ധുക്കളെ കാണാനും അവരോടൊപ്പം സന്തോഷകരമായ നിമിഷങ്ങൾ ചെലവഴിക്കാനും സാധിക്കും.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
