#Maholsavam

കേരളത്തിലെ തന്നെ അപൂർവമായ ജലഘോഷയാത്രകളിൽ ഒന്നായ വടയാർ ഇളങ്കാവ് ദേവീക്ഷേത്രത്തിലെ ആറ്റുവേലയ്ക്ക് കൊടിയേറി. മീനമാസത്തിലെ അശ്വതി നാളിൽ വടക്കുംകൂർ രാജവംശത്തിന്റെ പരദേവതയായ ഇളങ്കാവിലമ്മയെ കാണാൻ സഹോദരിയായ കൊടുങ്ങല്ലൂരമ്മ ജലമാർഗം എത്തുന്നു എന്നതാണ് ഈ ഉത്സവത്തിന്റെ ഐതിഹ്യം. പ്രകൃതിയും വിശ്വാസവും കൈകോർക്കുന്ന ഈ ദൃശ്യവിരുന്ന് നേരിട്ട് കാണാൻ മാർച്ച് 20 വെള്ളിയാഴ്ച രാത്രിയിൽ വടയാറിലേക്ക് ഭക്തജനങ്ങൾ ഒഴുകിയെത്തും.