മേടം രാശി
(അശ്വതി, ഭരണി, കാർത്തിക ആദ്യ കാൽ)
കലാകാരന്മാർക്ക് വലിയ അംഗീകാരങ്ങളും പ്രശസ്തിയും നേടാൻ ഈ ദിവസം അനുകൂലമാണ്. മാതാവിൽ നിന്നും പിന്തുണയും നേട്ടങ്ങളും ഉണ്ടാകും. ഉന്നത സർക്കാർ ഉദ്യോഗസ്ഥർക്ക് പുതിയ ഉത്തരവാദിത്തങ്ങളും യാത്രകളും ഉണ്ടാകും.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
ഭൂമിയിൽ നിന്നുള്ള നേട്ടങ്ങൾ പ്രതീക്ഷിക്കാം. കൃഷി വഴിയും പക്ഷിമൃഗാദികളിൽ നിന്നും ധനലാഭം ഉണ്ടാകും. അമ്മാവൻ സ്ഥാനത്തുള്ളവരിൽ നിന്ന് നല്ല അനുഭവങ്ങൾ ഉണ്ടാകും. ജീവിതത്തിൽ സന്തോഷവും സംതൃപ്തിയും അനുഭവിക്കാൻ സാധിക്കും.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
സർക്കാരിലോ കുടുംബത്തിലോ അന്യ വ്യക്തികളിൽ നിന്നോ അപ്രതീക്ഷിത അനുഭവങ്ങൾ ഉണ്ടായേക്കാം. സാമ്പത്തിക ഇടപാടുകളിൽ അതീവ ജാഗ്രത പാലിക്കുക. ശ്രദ്ധയോടെയുള്ള ഓരോ നീക്കവും വെല്ലുവിളികളെ അതിജീവിക്കാൻ സഹായിക്കും.
ALSO READ
കർക്കടകം രാശി
(പുണർതം അവസാന കാൽ, പൂയം, ആയില്യം)
ശാരീരിക വെല്ലുവിളികൾ ഉണ്ടാകാനുള്ള സാധ്യതയുണ്ട്, വീഴ്ചകൾ ഒഴിവാക്കാൻ ശ്രദ്ധിക്കുക. ചെറിയ ദേഹാസ്വാസ്ഥ്യങ്ങൾ, പ്രത്യേകിച്ച് ഉഷ്ണരോഗങ്ങൾ അവഗണിക്കരുത്. പ്രിയപ്പെട്ടവരുടെ വേർപാട് മാനസികമായി വിഷമിപ്പിച്ചേക്കാം.
ചിങ്ങം രാശി
(മകം, പൂരം, ഉത്രം ആദ്യ കാൽ)
ആഭരണങ്ങളുടെയും മറ്റ് വിലപിടിപ്പുള്ള വസ്തുക്കളുടെയും വർദ്ധനവിന് സാധ്യതയുണ്ട്. ബിസിനസ്സ്, കരാർ ജോലികൾ എന്നിവ ചെയ്യുന്നവർക്ക് അപ്രതീക്ഷിത ധനലാഭവും വലിയ പുരോഗതിയും ഉണ്ടാകുന്ന സുദിനമായിരിക്കും.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
സന്തോഷത്തോടെ ഓരോ നിമിഷവും ആസ്വദിക്കാനുള്ള മികച്ച ദിവസമാണിത്. അപ്രതീക്ഷിതമായി ഭാഗ്യം കടാക്ഷിക്കാനും അതുവഴി സാമ്പത്തിക നേട്ടങ്ങൾ വരാനും സാധ്യതയുണ്ട്. പുതിയ വസ്ത്രങ്ങൾ സ്വന്തമാക്കാനും അവ അണിയാനുമുള്ള അവസരങ്ങൾ ഒരുങ്ങും.
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
കുടുംബാംഗങ്ങളുമായി ചെറിയ അഭിപ്രായ വ്യത്യാസങ്ങൾ ഉണ്ടാകാൻ സാധ്യതയുണ്ട്. ജീവിതപങ്കാളിക്കോ മക്കൾക്കോ ചെറിയ ആരോഗ്യ പ്രശ്നങ്ങൾ വരാം. ഉറക്കമില്ലായ്മയും ചെറിയ മാനസിക വിഷമങ്ങളും അനുഭവപ്പെട്ടേക്കാം.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
വാക്കുകൾ തെറ്റിദ്ധാരണകൾക്ക് വഴിവെച്ചേക്കാം, അതിനാൽ ബന്ധുക്കളോടും സുഹൃത്തുക്കളോടും സംസാരിക്കുമ്പോൾ കൂടുതൽ ശ്രദ്ധ പുലർത്തുക. മക്കളെക്കുറിച്ചുള്ള ചിന്തകൾ ഇന്ന് മാനസിക സമ്മർദ്ദങ്ങൾക്ക് കാരണമായേക്കാം.
ധനു രാശി
(മൂലം, പൂരാടം, ഉത്രാടം ആദ്യ കാൽ)
കുടുംബത്തിൽ മംഗളകരമായ കാര്യങ്ങൾ സംഭവിക്കാൻ സാധ്യതയുണ്ട്. വിദേശയാത്രകൾക്ക് അവസരം ലഭിച്ചേക്കാം. വായനാശീലം വർദ്ധിക്കുകയും ചെയ്യുന്ന കാര്യങ്ങളിൽ വിജയം നേടുകയും ചെയ്യും. പ്രസാധകർക്ക് അനുകൂലമായ സമയമാണ്.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
വാക്കുകൾ സൂക്ഷിച്ച് ഉപയോഗിക്കേണ്ട ദിവസമാണിന്ന്. അനാവശ്യ സംസാരങ്ങൾ തെറ്റിദ്ധാരണകളിലേക്ക് നയിച്ചേക്കാം. മക്കളെക്കുറിച്ചുള്ള ചില ആശങ്കകൾ മനസ്സിൽ ഭാരം നിറച്ചേക്കാം. പ്രിയപ്പെട്ടവരുമായി അഭിപ്രായ വ്യത്യാസങ്ങൾ ഉണ്ടാവാം.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
നിങ്ങളുടെ കഴിവും പ്രയത്നവും അംഗീകരിക്കപ്പെടുന്ന ദിവസമാണിന്ന്. ചെയ്യുന്ന കാര്യങ്ങളിൽ വിജയം കൈവരിക്കാൻ സാധിക്കും. ശത്രുക്കളെ അതിജീവിക്കാനും സാമ്പത്തിക നേട്ടങ്ങൾ ഉണ്ടാക്കാനും പുതിയ സൗഹൃദങ്ങൾ വഴി മനസ്സമാധാനം വർദ്ധിക്കാനും സാധ്യതയുണ്ട്.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി)
പിതാവിനോ ബന്ധുക്കൾക്കോ രോഗാവസ്ഥ ഉണ്ടാകാൻ ഇടയുണ്ട്. മാനസികമായും ശാരീരികമായും സാമ്പത്തികമായും വെല്ലുവിളികൾ നേരിടേണ്ടി വന്നേക്കാം. ഉദര-വാത-കഫ രോഗങ്ങൾ വർദ്ധിക്കാൻ സാധ്യതയുള്ളതിനാൽ ശ്രദ്ധിക്കുക.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ: + 91 81380 15500 . ആത്മീയ – ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2025 NeramOnline.com . All rights reserved.
