മേടം രാശി
(അശ്വതി, ഭരണി, കാർത്തിക ആദ്യ കാൽ)
അപ്രതീക്ഷിതമായ സാമ്പത്തിക നേട്ടങ്ങൾ ഉണ്ടാകാൻ സാധ്യതയുള്ള ദിവസമാണിത്. പുതിയ ആഭരണങ്ങളോ അലങ്കാര വസ്തുക്കളോ വാങ്ങാൻ സാധിക്കും. പുതിയ ബിസിനസ്സ് കരാറുകളിൽ ഏർപ്പെടാനും അവ വിജയകരമായി പൂർത്തിയാക്കാനും യോഗമുണ്ട്.
ഇടവം രാശി
(കാർത്തിക അവസാന മുക്കാൽ ഭാഗം, രോഹിണി, മകയിരം ആദ്യ പകുതി)
കുടുംബത്തിൽ നിസ്സാര കാര്യങ്ങളെച്ചൊല്ലി തർക്കങ്ങൾ ഉണ്ടാകാൻ സാധ്യതയുണ്ട്. പങ്കാളി, മക്കൾ, സഹോദരങ്ങൾ എന്നിവരുമായി സംസാരിക്കുമ്പോൾ സംയമനം പാലിക്കുക. ശത്രുക്കളിൽ നിന്ന് അപ്രതീക്ഷിതമായ വെല്ലുവിളികളോ പ്രകോപനങ്ങളോ ഉണ്ടായേക്കാം.
മിഥുനം രാശി
(മകയിര്യം അവസാന പകുതി, തിരുവാതിര, പുണർതം ആദ്യ മുക്കാൽ)
ബന്ധുക്കളിൽ നിന്നും സുഹൃത്തുക്കളിൽ നിന്നും അനുകൂലമായ അനുഭവങ്ങൾ ഉണ്ടാകും. കുടുംബത്തിൽ ഐക്യവും സന്തോഷവും നിലനിൽക്കും. സാമ്പത്തിക നേട്ടം പ്രതീക്ഷിക്കാം. അവിവാഹിതർക്കോ കുടുംബത്തിലെ മറ്റംഗങ്ങൾക്കോ വിവാഹ കാര്യങ്ങളിൽ തീരുമാനമാകാൻ സാധ്യതയുണ്ട്.
ALSO READ
കർക്കടകം രാശി
(പുണർതം അവസാന കാൽ, പൂയം, ആയില്യം)
ദമ്പതികൾക്കിടയിൽ പരസ്പര വിശ്വാസവും സ്നേഹവും വർദ്ധിക്കും. അമൂല്യമായ വസ്തുക്കൾ കൈവശം വന്നുചേരാൻ യോഗമുണ്ട്. സർക്കാർ ജോലിയിലുള്ളവർക്ക് ശമ്പള വർദ്ധനവോ മറ്റ് ആനുകൂല്യങ്ങളോ ലഭിക്കാൻ അനുകൂലമായ സമയമാണ്.
ചിങ്ങം രാശി
(മകം, പൂരം, ഉത്രം ആദ്യ കാൽ)
ശത്രുശല്യം വർദ്ധിക്കാനോ നിയമപരമായ തർക്കങ്ങളിൽ തിരിച്ചടി നേരിടാനോ സാധ്യതയുണ്ട്. മറ്റുള്ളവരെ സഹായിക്കാൻ താല്പര്യം കാണിക്കുമെങ്കിലും തിരിച്ച് മോശമായ അനുഭവങ്ങൾ ഉണ്ടായേക്കാം. ഇന്ന് പക്വതയോടെ കാര്യങ്ങൾ കൈകാര്യം ചെയ്യുക.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
ജീവിതത്തിൽ അപ്രതീക്ഷിതമായ പല മാറ്റങ്ങളും സംഭവിക്കാവുന്ന ദിവസമാണിത്. ചെയ്യുന്ന പ്രവർത്തനങ്ങളിൽ പരാജയഭീതിയോ തടസ്സങ്ങളോ അനുഭവപ്പെടാൻ ഇടയുള്ളതിനാൽ പുതിയ സംരംഭങ്ങൾ തുടങ്ങുന്നത് ഒഴിവാക്കുന്നത് നന്നായിരിക്കും.
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
തീർത്ഥാടന കേന്ദ്രങ്ങൾ സന്ദർശിക്കാനോ പ്രിയപ്പെട്ടവരോടൊപ്പം ഉല്ലാസയാത്രകൾ പോകാനോ അവസരം ലഭിക്കും. ഭക്ഷണ സുഖം, നല്ല ഉറക്കം എന്നിവ ലഭിക്കും. സമൂഹത്തിൽ കീർത്തി വർദ്ധിക്കാനും വാഹന ഭാഗ്യത്തിനും യോഗമുണ്ട്.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
തൊഴിൽ രംഗത്തെ തടസ്സങ്ങൾ നീങ്ങുകയും മെച്ചപ്പെട്ട ജോലിയിൽ പ്രവേശിക്കാനും സാധിക്കും. ബന്ധുക്കളിൽ നിന്ന് അപ്രതീക്ഷിതമായ സഹായ സഹകരണങ്ങൾ ലഭിക്കും. സാമ്പത്തികമായി മികച്ച നില കൈവരിക്കാൻ സാധിക്കുന്ന സുദിനമാണ്.
ധനു രാശി
(മൂലം, പൂരാടം, ഉത്രാടം ആദ്യ കാൽ)
വാഹനം ഓടിക്കുമ്പോൾ അതീവ ജാഗ്രത പാലിക്കുക, അപകട സാധ്യത കാണുന്നു. സുഹൃത്തുക്കളുമായോ കുടുംബാംഗങ്ങളുമായോ കലഹമുണ്ടാകാൻ സാധ്യതയുണ്ട്. ഉദരസംബന്ധമായ അസ്വസ്ഥതകൾ അനുഭവപ്പെട്ടേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
പ്രമേഹം, കൊളസ്ട്രോൾ തുടങ്ങിയ ജീവിതശൈലീ രോഗങ്ങളുള്ളവർ ആരോഗ്യകാര്യത്തിൽ സവിശേഷ ശ്രദ്ധ നൽകണം. സ്ത്രീകൾ മൂലം നിയമപരമായ പ്രശ്നങ്ങളോ തർക്കങ്ങളോ ഉണ്ടാകാൻ സാധ്യതയുള്ളതിനാൽ ഇടപെടലുകളിൽ സൂക്ഷ്മത പാലിക്കുക.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
കോടതി സംബന്ധമായ കാര്യങ്ങളിൽ നിങ്ങൾക്ക് അനുകൂലമായ വിധി പ്രതീക്ഷിക്കാം. അപ്രതീക്ഷിതമായി ധനം കൈവരാനും പുതിയ അലങ്കാര വസ്തുക്കൾ സ്വന്തമാക്കാനും സാധിക്കും. മനസ്സിന് സന്തോഷം നൽകുന്ന വാർത്തകൾ കേൾക്കും.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി)
കുടുംബത്തിൽ അസ്വസ്ഥതകളോ ബന്ധുക്കളുമായി അഭിപ്രായ വ്യത്യാസങ്ങളോ ഉണ്ടാകാൻ ഇടയുണ്ട്. മാനസികമായ കരുത്ത് കുറയുന്നതായി തോന്നും. പങ്കാളിയുടെയോ മക്കളുടെയോ സാമീപ്യം കുറയുന്നതോ അവരുമായുള്ള അകൽച്ചയോ നിങ്ങളെ അസ്വസ്ഥനാക്കിയേക്കാം.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും. ക്ലിക്ക് ചെയ്യൂ : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2025 NeramOnline.com . All rights reserved.
