മേടം രാശി
(അശ്വതി, ഭരണി, കാർത്തിക ആദ്യ കാൽ): മാനസികമായി വളരെയധികം ബുദ്ധിമുട്ട് അനുഭവിക്കേണ്ടി വരുന്ന സാഹചര്യം ഉണ്ടാവാം. ഏറ്റവും വേണ്ടപ്പെട്ടവർ തന്നെ നിങ്ങളെ തള്ളിപ്പറയുന്ന അവസ്ഥയുണ്ടാകാം. ഉദരസംബന്ധമായ അസുഖങ്ങളുള്ളവർ ആരോഗ്യകാര്യത്തിൽ സവിശേഷ ശ്രദ്ധ പുലർത്തുക.
ഇടവം രാശി (കാർത്തിക അവസാന മുക്കാൽ, രോഹിണി, മകയിര്യം ആദ്യ പകുതി): അമ്മയ്ക്കോ അമ്മയുടെ ബന്ധുക്കൾക്കോ അസുഖങ്ങളോ വേർപാടോ സംഭവിക്കാവുന്ന സമയമാണ്. ഉറക്കക്കുറവ് അനുഭവപ്പെടാനും ഇടയ്ക്കിടെ ആരോഗ്യ പ്രശ്നങ്ങൾ ഉണ്ടാവാനും സാധ്യതയുണ്ട്. എന്നാൽ ചിലർക്ക് പ്രണയ കാര്യങ്ങളിൽ വിജയം കൈവരിക്കാൻ സാധിക്കും.
മിഥുനം രാശി
(മകയിര്യം അവസാന പകുതി, തിരുവാതിര, പുണർതം ആദ്യ മുക്കാൽ): കോടതി കേസുകളിൽ നിങ്ങൾക്ക് അനുകൂലമായ വിധി ഉണ്ടാകും. കുടുംബത്തിൽ ഐക്യവും ദാമ്പത്യ സുഖവും അനുഭവപ്പെടും. ശത്രുക്കളുടെ മേൽ വിജയം നേടാനും പുതിയ വരുമാന മാർഗങ്ങൾ കണ്ടെത്തുവാനും ഇന്ന് സാധിക്കും.
കർക്കടകം രാശി
(പുണർതം അവസാന കാൽ, പൂയം, അയില്യം): ജോലിസ്ഥലത്ത് ക്ലേശങ്ങൾ വർദ്ധിക്കാനും മാനസികമായ ബുദ്ധിമുട്ടുകൾ അനുഭവപ്പെടാനും സാധ്യതയുണ്ട്. തല സംബന്ധമായോ നാഡീ സംബന്ധമായോ ഉള്ള രോഗപീഡകൾ വർദ്ധിച്ചേക്കാം. മറ്റുള്ളവരോട് ഇടപെടലുകൾ നടത്തുമ്പോൾ വളരെയധികം സൂക്ഷ്മത പാലിക്കുക.
ചിങ്ങം രാശി
(മകം, പൂരം, ഉത്രം ആദ്യ കാൽ): ശത്രുക്കളുടെ മേൽ വിജയം, ഉന്നതസ്ഥാനലബ്ധി എന്നിവ പ്രതീക്ഷിക്കാം. വാഹനഭാഗ്യം, ഭക്ഷണ സുഖം, സ്ത്രീകളിലൂടെയുള്ള ഗുണാനുഭവങ്ങൾ എന്നിവ ലഭിക്കും. ശരീര ചൈതന്യം വർദ്ധിക്കുകയും ദൈവവിശ്വാസം കൂടുകയും ചെയ്യും.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി): മാനസികമായ അസ്വസ്ഥതകളുള്ളവർ ജാഗ്രത പാലിച്ചില്ലെങ്കിൽ രോഗം മൂർച്ഛിക്കാൻ ഇടയുണ്ട്. ജലവുമായി ബന്ധപ്പെട്ട കാര്യങ്ങളിൽ ഭയം തോന്നാം. അനാവശ്യമായ കാര്യങ്ങളിൽ ഇടപെടുന്നത് വഴി കേസ് വഴക്കുകൾ ഉണ്ടാവാൻ സാധ്യതയുണ്ട്.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ): വളരെക്കാലമായി കാണാതിരുന്ന ബന്ധുക്കളെ കണ്ടുമുട്ടാനും അവരോടൊപ്പം സമയം ചെലവഴിക്കാനും അവസരം ലഭിക്കും. പങ്കാളിയുടെ ആശയങ്ങൾ പ്രാവർത്തികമാക്കും. തൊഴിൽ വിജയം, ധനനേട്ടം, നല്ല സുഹൃത്തുക്കളുടെ സഹായം എന്നിവ ഉണ്ടാകും.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട): സർക്കാരിൽ നിന്നുള്ള ആനുകൂല്യങ്ങൾ ലഭിക്കാൻ സാധ്യതയുണ്ട്. തൊഴിൽ വിജയം, സമ്പത്ത് വർദ്ധിക്കുക, മനഃസന്തോഷം എന്നിവ അനുഭവപ്പെടും. വ്യവഹാരങ്ങളിലും മറ്റ് കാര്യങ്ങളിലും വിജയം കൈവരിക്കാൻ സാധിക്കും.
ധനു രാശി
(മൂലം, പൂരാടം, ഉത്രാടം ആദ്യ കാൽ): മോശം കൂട്ടുകെട്ടുകൾ വഴി തെറ്റായ പ്രവൃത്തികളിൽ ഏർപ്പെടാൻ സാധ്യതയുണ്ട്. രോഗാദി ദുരിതങ്ങൾ അലട്ടിയേക്കാം. സാമ്പത്തിക ബുദ്ധിമുട്ട്, തൊഴിൽ പരാജയം, യാത്രാക്ലേശം എന്നിവ ഈ ദിവസം നേരിടേണ്ടി വന്നേക്കാം.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി): ആശയവിനിമയങ്ങളിൽ പ്രത്യേക ശ്രദ്ധ പുലർത്തുക, അല്ലാത്തപക്ഷം അബദ്ധങ്ങൾ സംഭവിക്കാൻ ഇടയുണ്ട്. ജോലിസ്ഥലത്ത് അഭിപ്രായ വ്യത്യാസങ്ങൾ ഉണ്ടാകാൻ സാധ്യതയുണ്ട്. ആരോഗ്യക്കുറവ് അനുഭവപ്പെട്ടേക്കാം.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ): ദീർഘകാലമായി അലട്ടിയിരുന്ന മാനസികവും ശാരീരികവുമായ അസ്വസ്ഥതകൾക്ക് ശമനം ലഭിക്കുന്ന സമയമാണ്. വിശേഷപ്പെട്ട പുണ്യസ്ഥലങ്ങൾ സന്ദർശിക്കാനും തീർത്ഥയാത്രകൾ നടത്താനും അവസരം ലഭിക്കും.
മീനം രാശി
(പൂരൂരുട്ടാതി അവസാന കാൽ, ഉതൃട്ടാതി, രേവതി): മനസ്സിൽ അകാരണമായ ഭയം ഉടലെടുക്കാം. എല്ലാ കാര്യങ്ങളിലും തടസ്സങ്ങൾ അനുഭവപ്പെടുകയും സ്വസ്ഥത കുറയുകയും ചെയ്യും. അപമാനം, മനോദുഃഖം, സാമ്പത്തിക ബുദ്ധിമുട്ടുകൾ എന്നിവയ്ക്ക് സാധ്യത കാണുന്നു.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
