മേടം രാശി
(അശ്വതി, ഭരണി, കാർത്തിക ആദ്യ കാൽ)
ഭക്ഷണകാര്യങ്ങളിൽ കർശനമായ നിയന്ത്രണം പാലിച്ചില്ലെങ്കിൽ ഉദരസംബന്ധമായ പ്രശ്നങ്ങൾ ഉണ്ടാകാൻ സാധ്യതയുണ്ട്. കൊളസ്ട്രോൾ, പ്രമേഹം, മറ്റു രക്തസംബന്ധമായ അസുഖങ്ങൾ എന്നിവയുള്ളവർ കൃത്യസമയത്ത് വിദഗ്ധ ചികിത്സ തേടുന്നത് നന്നായിരിക്കും.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
ഉദ്യോഗാർത്ഥികൾക്ക് ജോലിയിൽ സ്ഥാനക്കയറ്റം, ശമ്പള വർദ്ധനവ്, മറ്റ് ആനുകൂല്യങ്ങൾ എന്നിവ മുൻകാല പ്രാബല്യത്തോടെ ലഭിക്കാൻ യോഗമുണ്ട്. കുടുംബത്തിലെ സുപ്രധാന തീരുമാനങ്ങൾ എടുക്കുന്നതിൽ നിങ്ങൾ നിർണ്ണായക പങ്ക് വഹിക്കേണ്ടി വരും.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
ഇന്ന് നിങ്ങൾക്ക് സർവ്വകാര്യ വിജയം ലഭിക്കുന്ന ദിവസമാണ്. കുടുംബസൗഖ്യം, സാമ്പത്തിക പുരോഗതി, തൊഴിൽ വിജയം, പ്രശസ്തി എന്നിവയുണ്ടാകും. ദാമ്പത്യ ഐക്യം, വാഹന ഭാഗ്യം, സൽസുഹൃത്തുക്കളുടെ സഹായം, ഭക്ഷണ സുഖം എന്നിവയും അനുഭവപ്പെടും.
കർക്കടകം രാശി
(പുണർതം അവസാന കാൽ, പൂയം, ആയില്യം)
മാനസികമായി വലിയ സമ്മർദ്ദം അനുഭവപ്പെടാൻ സാധ്യതയുള്ള ദിവസമാണിത്. ജോലിഭാരമോ വ്യക്തിപരമായ പ്രശ്നങ്ങളോ കാരണം മനസ്സ് അസ്വസ്ഥമായേക്കാം. ഉത്കണ്ഠ, ഉറക്കക്കുറവ് തുടങ്ങിയ ബുദ്ധിമുട്ടുകൾ നേരിടാൻ സാധ്യതയുണ്ട്.
ചിങ്ങം രാശി
(മകം, പൂരം, ഉത്രം ആദ്യ കാൽ)
നിങ്ങൾക്കോ നിങ്ങളുടെ കുടുംബാംഗങ്ങൾക്കോ സുഹൃത്തുക്കൾക്കോ രോഗങ്ങൾ വരാൻ സാധ്യതയുള്ളതിനാൽ ശ്രദ്ധിക്കുക. ബന്ധുക്കളുമായി അഭിപ്രായവ്യത്യാസങ്ങൾ ഉണ്ടാകാൻ ഇടയുണ്ട്. മാനസികമായും ശാരീരികമായും ചില വെല്ലുവിളികൾ നേരിടേണ്ടി വരും.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
നിലവിലുള്ള വാഹനം മാറ്റി പുതിയത് വാങ്ങാൻ അനുകൂലമായ സാഹചര്യമുണ്ടാകും. തൊഴിൽ വിജയം, സാമ്പത്തിക ഉന്നതി, ദാമ്പത്യ ഐക്യം എന്നിവ പ്രതീക്ഷിക്കാം. ബന്ധുക്കളുടെ സമാഗമവും കുടുംബത്തിൽ മംഗളകരമായ കാര്യങ്ങളും നടക്കും.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
കൃഷി, പക്ഷി-മൃഗാദികൾ എന്നിവ വഴി സാമ്പത്തിക ലാഭം ഉണ്ടാകും. എന്നാൽ അതേസമയം തന്നെ തൊഴിൽ തടസ്സങ്ങൾക്കും മാനഹാനിക്കും സാധ്യതയുണ്ട്. ജീവിതപങ്കാളിയുമായും മക്കളുമായും അഭിപ്രായവ്യത്യാസങ്ങൾ ഉണ്ടാകാതെ ശ്രദ്ധിക്കുക. ശാരീരിക അസ്വസ്ഥതകൾക്കും സാധ്യതയുണ്ട്.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
സമാന ചിന്താഗതിയുള്ളവരുമായി പുതിയ സൗഹൃദങ്ങൾ സ്ഥാപിക്കാൻ അവസരം ലഭിക്കും. പുതിയ വാഹനം അല്ലെങ്കിൽ വീട് സ്വന്തമാക്കാൻ സാധിക്കും. സർക്കാർ മേഖലയിൽ പ്രവർത്തിക്കുന്നവർക്ക് ജോലിയിൽ പ്രമോഷൻ ലഭിക്കാൻ സാധ്യതയുണ്ട്.
ധനു രാശി
(മൂലം, പൂരാടം, ഉത്രാടം ആദ്യ കാൽ)
അനാവശ്യമായ കൂട്ടുകെട്ടുകൾ ജീവിതത്തിൽ വലിയ പ്രതിസന്ധികൾ ഉണ്ടാക്കാൻ ഇടയുണ്ട്. ഭക്ഷണകാര്യങ്ങളിൽ അതീവ ശ്രദ്ധ പുലർത്തുക, അല്ലാത്തപക്ഷം ഭക്ഷ്യവിഷബാധ ഏൽക്കാൻ സാധ്യതയുണ്ട്. ഉദര-വാത രോഗങ്ങൾ വർദ്ധിക്കാൻ ഇടയാകും.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
കുടുംബത്തിൽ മംഗളകരമായ കർമ്മങ്ങൾ നടക്കുകയും വാഹനഭാഗ്യം, ദാമ്പത്യ ഐക്യം എന്നിവ ലഭിക്കുകയും ചെയ്യും. സ്ഥാനപ്രാപ്തി, സാമ്പത്തിക നേട്ടം, നിയമപരമായ കാര്യങ്ങളിൽ വിജയം, ശത്രുഹാനി എന്നിവ പ്രതീക്ഷിക്കാം.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
സർക്കാർ ആനുകൂല്യങ്ങൾക്കായി അപേക്ഷിച്ചവർക്ക് അത് ലഭിക്കാൻ അനുകൂലമായ സമയമാണ്. തൊഴിലിടങ്ങളിൽ മേലധികാരിയുടെ പ്രീതി നേടാൻ സാധിക്കും. കുടുംബത്തിൽ ശുഭകരമായ ചടങ്ങുകൾ നടക്കാൻ സാധ്യതയുണ്ട്.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
ആമാശയസംബന്ധമായ അസുഖമുള്ളവർ രോഗം മൂർച്ഛിക്കാൻ സാധ്യതയുള്ളതിനാൽ കൃത്യമായി മരുന്നുകൾ കഴിക്കാൻ ശ്രദ്ധിക്കുക. കുടുംബാംഗങ്ങളുമായും അയൽക്കാരുമായും തർക്കങ്ങൾ ഉണ്ടാകാതെ ജാഗ്രത പാലിക്കുക. നിയമപരമായ കാര്യങ്ങളിൽ പരാജയം നേരിട്ടേക്കാം.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
