വാരാഹി പഞ്ചമി, ചട്ടമ്പിസ്വാമി ജയന്തി, അഷ്‌ടമി രോഹിണി; ഈ ആഴ്ചയിലെ നക്ഷത്രഫലം

(2026 ആഗസ്റ്റ് 30 – സെപ്തംബർ 5 )
ചിങ്ങത്തിലെ കൃഷ്‌ണപക്ഷ വാരാഹി പഞ്ചമി, ചട്ടമ്പിസ്വാമി ജയന്തി, അഷ്‌ടമി രോഹിണി എന്നിവയാണ് 2026 ആഗസ്റ്റ് 30 ന് ഉത്തൃട്ടാതി നക്ഷത്രത്തിൽ തുടങ്ങുന്ന ഈ ആഴ്ചയിലെ പ്രധാന വിശേഷങ്ങൾ. ചൊവ്വാഴ്ചയാണ് വാരാഹി പ്രീതിക്ക് ഉത്തമമായ വാരാഹി പഞ്ചമി. സെപ്തംബർ 2 ബുധനാഴ്ചയാണ് ചട്ടമ്പിസ്വാമി ജയന്തി.
സെപ്തംബർ 4 വെള്ളിയാഴ്ചയാണ്
അഷ്ടമിരോഹിണി. ശ്രീഹരി വിഷ്ണു ശ്രീകൃഷ്ണനായി അവതരിച്ച പുണ്യദിനമായ അഷ്ടമി രോഹിണി ചിങ്ങമാസത്തിലെ കറുത്തപക്ഷത്തിലെ അഷ്ടമിയും
രോഹിണി നക്ഷത്രവും ഒന്നിക്കുന്ന പുണ്യ ദിനമാണ്. ഈ ദിവസം ശ്രീകൃഷ്ണനാമങ്ങൾ ജപിച്ച് ക്ഷേത്ര ദർശനം നടത്തിയാൽ ഗൃഹത്തിൽ ഐശ്വര്യം വർദ്ധിക്കും. അന്ന് വ്രതം നോറ്റാൽ സന്താനഭാഗ്യം, ആഗ്രഹസാഫല്യം, ദാമ്പത്യസൗഖ്യം, പ്രണയ സാഫല്യം, പാപമുക്തി എന്നിവ ലഭിക്കും; എല്ലാ ദുഖങ്ങളും അകലും. ഈ ദിവസത്തെ ശ്രീകൃഷ്ണ ഉപാസനയ്ക്ക് പത്തിരട്ടി ഫലം പറയുന്നു. സെപ്തംബർ 5 ന് തിരുവാതിര നാളിൽ വാരം അവസാനിക്കും. ഈ ആഴ്ചയിലെ നക്ഷത്രഫലം:

മേടക്കൂറ്
(അശ്വതി, ഭരണി, കാർത്തിക 1)
ഒരു ആവേശത്തിൻ്റെ പുറത്ത് പുതിയ തീരുമാനങ്ങൾ എടുക്കരുത്. അതിന് മുമ്പ് ആലോചനയ്ക്ക് പ്രാധാന്യം നൽകണം. തൊഴിൽരംഗത്ത് ഉത്തരവാദിത്വം കൂടും. നേരത്തെ ചെയ്ത ചില പ്രവർത്തനങ്ങൾക്ക് അംഗീകാരം കിട്ടാനും മേലുദ്യോഗസ്ഥരുടെ ശ്രദ്ധ നേടാനും സാധ്യതയുണ്ട്. ജോലി അന്വേഷിക്കുന്നവർക്ക് പ്രതീക്ഷ നൽകുന്ന വാർത്ത ലഭിക്കാം. വരുമാനം മെച്ചപ്പെടും.  അപ്രതീക്ഷിത ചെലവുകളും ഉണ്ടാകാം. കടം കൊടുക്കുന്നതിലും വലിയ നിക്ഷേപങ്ങളിലും ജാഗ്രത വേണം.
പുതിയ തൊഴിൽ അവസരങ്ങൾ വരും. സഹപ്രവർത്തകരുമായി അഭിപ്രായ വ്യത്യാസം ഒഴിവാക്കുക. വ്യവസായത്തിൽ പുരോഗതിയുണ്ടാകും. ഗൃഹത്തിൽ ചെറിയ കാര്യങ്ങൾ വലിയ പ്രശ്നമാക്കാതിരിക്കുക. മുതിർന്നവരുടെ ഉപദേശം ഗുണം ചെയ്യും. ഏകാഗ്രത വർധിപ്പിച്ചാൽ പഠനത്തിൽ മികച്ച ഫലം നേടാം. പരീക്ഷകൾക്ക് തയ്യാറെടുക്കുന്നവർക്ക് നല്ല സമയം.
ദോഷപരിഹാരം: ചൊവ്വാഴ്ച സുബ്രഹ്മണ്യ സ്വാമിയെ ദർശിച്ച് ഭസ്മാഭിഷേകം നടത്തുക. നിത്യവും ഓം ശരവണഭവായ നമഃ 108 തവണ ജപിക്കുക.

ഇടവക്കൂറ്
(കാർത്തിക 2,3, 4, രോഹിണി,
മകയിരം 1, 2 )
സാമ്പത്തികമായി ആശ്വാസം ലഭിക്കും. മുടങ്ങിയ പണമിടപാടുകളിൽ പുരോഗതി ഉണ്ടാകാം. കുടുംബവുമായി ബന്ധപ്പെട്ട ചില പ്രധാന തീരുമാനങ്ങൾ എടുക്കേണ്ടി വരും. തൊഴിൽരംഗത്ത് സ്ഥിരത കൈവരിക്കാൻ കഴിയും. കുടിശ്ശിക ലഭിക്കാനും അധിക വരുമാനത്തിനുള്ള വഴികൾ തുറക്കാനും സാധ്യത. അനാവശ്യമായ ആഡംബരച്ചെലവ് ഒഴിവാക്കുക. പുതിയ ഉത്തരവാദിത്വം ലഭിക്കും. ബിസിനസിൽ പഴയ ഉപഭോക്താക്കളിൽ നിന്ന് നേട്ടമുണ്ടാകാം. കുടുംബത്തിൽ സന്തോഷകരമായ അന്തരീക്ഷം. ബന്ധുക്കളുമായുള്ള കൂടിക്കാഴ്ചകൾ ഗുണകരമാകും. വിദ്യാർത്ഥികൾക്ക് പഠിച്ച കാര്യങ്ങൾ ഓർത്തെടുക്കാനുള്ള കഴിവ് വർധിക്കും. മത്സരപരീക്ഷകൾക്ക് നല്ല തയ്യാറെടുപ്പ് നടത്താം.
ദോഷപരിഹാരം: വെള്ളിയാഴ്ച ലളിതാ സഹസ്രനാമം ജപിച്ച് ഭഗവതിക്ക് നെയ്‌വിളക്ക് തെളിയിക്കുക. ഓം ശ്രീം മഹാലക്ഷ്മ്യൈ നമഃ 108 തവണ എന്നും ജപിക്കുക.

മിഥുനക്കൂറ്
(മകയിരം 3,4, തിരുവാതിര, പുണർതം 1,2,3)
ചിന്തകളും ആശയങ്ങളും പ്രവർത്തിയാക്കി മാറ്റാൻ കഴിയും. തൊഴിൽരംഗത്ത് ആശയവിനിമയം വളരെ പ്രധാനമാണ്. ഒരു പ്രധാന വ്യക്തിയുടെ സഹായം ലഭിക്കാൻ സാധ്യതയുണ്ട്. യാത്രകൾ വർധിക്കാം.
വരുമാനം സാധാരണ നിലയിൽ തുടരും. ഒന്നിലധികം ചെലവുകൾ ഒരേസമയം വരാം; ബജറ്റ് തയ്യാറാക്കുന്നത് നല്ലത്.
പുതിയ പ്രോജക്ടുകളിലും കരാറുകളിലും അവസരങ്ങൾ. രേഖകൾ പരിശോധിച്ച ശേഷം മാത്രം ഒപ്പിടുക. സംസാരത്തിലെ ചെറിയ അശ്രദ്ധ പ്രശ്നമാകാം. സൗമ്യമായ സമീപനം സ്വീകരിക്കുക. വിദ്യാർത്ഥികൾക്ക് പഠനത്തിൽ മികച്ച പുരോഗതി. എഴുത്ത്, ഭാഷ, സാങ്കേതിക വിഷയങ്ങളിൽ നേട്ടം.
ദോഷപരിഹാരം: ബുധനാഴ്ച ശ്രീകൃഷ്ണ ക്ഷേത്രദർശനം നടത്തി ഓം ക്ലീം കൃഷ്‌ണായ നമഃ 108 തവണ ജപിക്കുക.

കർക്കടകക്കൂറ്
(പുണർതം 4, പൂയം, ആയില്യം)
ആത്മവിശ്വാസം വർധിക്കും. കുടുംബവുമായി ബന്ധപ്പെട്ട കാര്യങ്ങളിൽ ഇടപെടൽ ആവശ്യമായി വരും. തൊഴിൽരംഗത്ത് നല്ല മാറ്റങ്ങൾക്ക് തുടക്കമാകും. ദീർഘകാല സാമ്പത്തിക പദ്ധതികൾ തയ്യാറാക്കാൻ അനുയോജ്യമായ സമയം. വരുമാനത്തിൽ വർദ്ധനവുണ്ടാകും. കുടുംബാവശ്യങ്ങൾക്കായി ചെലവ് കൂടുമെങ്കിലും നിയന്ത്രിക്കാനാകും.
തൊഴിൽ രംഗത്ത് പുതിയ ചുമതലകൾ ലഭിക്കും. ജോലിയിൽ സ്ഥിരതയും മേലധികാരികളുടെ പിന്തുണയും ലഭിക്കാം. വീട്ടിൽ ഐക്യവും സന്തോഷവും. സ്വത്ത് സംബന്ധമായ ചർച്ചകൾക്ക് പുരോഗതി.
ഉന്നതപഠനത്തിനും ഗവേഷണത്തിനും നല്ല സമയം.
ദോഷപരിഹാരം: വ്യാഴാഴ്ച വിഷ്ണു സഹസ്രനാമം ജപിക്കുക. ഓം നമോ ഭഗവതേ വാസുദേവായ 108 തവണ എന്നും ജപിക്കുക.

ചിങ്ങക്കൂറ്
(മകം, പൂരം, ഉത്രം 1)
തൊഴിൽപരമായി ഗുണകരമായ സമയം. കഴിവുകൾ പ്രകടിപ്പിക്കാൻ അവസരം ലഭിക്കും. എന്നാൽ അമിത ആത്മവിശ്വാസം ഒഴിവാക്കണം. സാമ്പത്തിക കാര്യങ്ങളിൽ തീരുമാനങ്ങൾ എടുക്കുമ്പോൾ മറ്റുള്ളവരുടെ അഭിപ്രായം കേൾക്കുക.
വരുമാനത്തോടൊപ്പം ചെലവും വർധിക്കും. നിക്ഷേപങ്ങളിൽ അമിതമായ റിസ്ക് എടുക്കരുത്. സ്ഥാനമാറ്റം, പുതിയ ചുമതല, പുതിയ കരാർ തുടങ്ങിയ സാധ്യതകൾ.
ജീവിതപങ്കാളിയുമായോ അടുത്ത ബന്ധുക്കളുമായോ അഭിപ്രായവ്യത്യാസം ഉണ്ടാകാം; വിട്ടുവീഴ്ച നല്ലത്.
മത്സരപരീക്ഷകൾക്ക് കഠിനാധ്വാനം ആവശ്യമാണ്.
ദോഷപരിഹാരം: ഞായറാഴ്ച ആദിത്യഹൃദയം പാരായണം ചെയ്യുന്നത് നല്ലതാണ്. നിത്യവും 108 തവണ ഓം നമഃ ശിവായ ജപിക്കുക.

കന്നിക്കൂറ്
(ഉത്രം 2, 3, 4, അത്തം, ചിത്തിര 1, 2 )
ചിട്ടയോടെ പ്രവർത്തിച്ചാൽ കാര്യങ്ങൾ അനുകൂലമായി മാറും. ജോലിയിൽ ചെറിയ സമ്മർദ്ദം ഉണ്ടാകാം. എന്നാൽ നിങ്ങളുടെ കഴിവും പരിശ്രമവും അംഗീകരിക്കപ്പെടും. സാമ്പത്തികമായി സൂക്ഷ്മത പാലിക്കേണ്ട വാരം. വരുമാനം അതേപടി നിലനിൽക്കും. അനാവശ്യമായ ആഡംബര വാങ്ങലുകൾ നിയന്ത്രിക്കുക. ജോലിഭാരം വർദ്ധിക്കും. രേഖകൾ, കണക്കുകൾ, കരാറുകൾ എന്നിവ രണ്ടുതവണ പരിശോധിക്കുക.
കുടുംബാംഗങ്ങളുടെ ആവശ്യങ്ങൾക്ക് വേണ്ടത്ര സമയം നൽകുക. സ്ഥിരമായ പഠനക്രമം പാലിച്ചാൽ മികച്ച ഫലം കിട്ടും. ഓർമ്മശക്തി മെച്ചപ്പെടും.
ദോഷപരിഹാരം: വെള്ളിയാഴ്ച
ഗണപതി ക്ഷേത്രത്തിൽ ദർശനം നടത്തുക. നിത്യവും 108 തവണ ഓം ഗം ഗണപതയേ നമഃ ജപിക്കുക.

തുലാക്കൂറ്
(ചിത്തിര 3, 4, ചോതി, വിശാഖം 1, 2, 3)
ബന്ധങ്ങൾ വഴി നേട്ടങ്ങൾ ലഭിക്കും. തൊഴിൽരംഗത്ത് പുതിയ ബന്ധങ്ങൾ ഭാവിയിൽ ഗുണം ചെയ്യും. സാമ്പത്തികമായി നല്ല അവസരങ്ങൾ വന്നാലും ഉടൻ തീരുമാനമെടുക്കാതെ വിശദമായി പരിശോധിക്കുക. വരുമാനം മെച്ചപ്പെടും. പഴയ നിക്ഷേപങ്ങളിൽ നിന്ന് നേട്ടങ്ങൾ പ്രതീക്ഷിക്കാം. പുതിയ പങ്കാളിത്തത്തിനും ബിസിനസ് ചർച്ചകൾക്കും സമയം അനുകൂലം. കുടുംബത്തിൽ സന്തോഷകരമായ വാർത്തകൾ. വിവാഹം സംബന്ധിച്ച ആലോചനകൾക്ക് പുരോഗതി.
കല, നിയമം, മാനേജ്മെന്റ് തുടങ്ങിയ മേഖലകളിൽ പഠിക്കുന്നവർക്ക് നേട്ടം.
ദോഷപരിഹാരം: വെള്ളിയാഴ്ച ദേവീക്ഷേത്രത്തിൽ ദർശനം നടത്തി നെയ്‌വിളക്ക് തെളിയിക്കുക. നിത്യവും
ഓം ദും ദുർഗ്ഗായൈ നമഃ 108 തവണ
ജപിക്കുക.

വൃശ്ചികക്കൂറ്
(വിശാഖം 4, അനിഴം, തൃക്കേട്ട)
മുടങ്ങിക്കിടന്ന കാര്യങ്ങൾ മുന്നോട്ട് കൊണ്ടുപോകാൻ ശ്രമിക്കേണ്ട സമയം. തൊഴിൽപരമായ ചില സമ്മർദ്ദങ്ങൾ ഉണ്ടാകാം. മറ്റുള്ളവരുടെ വാക്കുകൾ പെട്ടെന്ന് വിശ്വസിക്കാതെ കാര്യങ്ങൾ സ്വയം പരിശോധിക്കുക. വരുമാനവും ചെലവുകളും കൂടും. കടം വാങ്ങുന്നതും കൊടുക്കുന്നതും  ഒഴിവാക്കുക. സഹപ്രവർത്തകരുമായി അഭിപ്രായവ്യത്യാസം പാടില്ല. ക്ഷമയോടെ പ്രവർത്തിക്കുക. വീട്ടിൽ ചെറിയ അഭിപ്രായവ്യത്യാസങ്ങൾ ഉണ്ടാകാം. തുറന്ന സംഭാഷണം പ്രശ്നങ്ങൾ പരിഹരിക്കും.
പഠനത്തിൽ ഏകാഗ്രത കുറയാൻ സാധ്യത; മൊബൈൽ ഉപയോഗം നിയന്ത്രിക്കുക.
ദോഷപരിഹാരം: ചൊവ്വാഴ്ച സുബ്രഹ്മണ്യസ്വാമിയുടെയും നാഗദേവതകളുടെയും ക്ഷേത്രദർശനം നടത്തുകയും ചെയ്യുക. ഓം ശരവണ ഭവ: നിത്യവും 108 തവണ ജപിക്കുക.

ധനുക്കൂറ്
(മൂലം, പൂരാടം, ഉത്രാടം 1)
തൊഴിൽ അന്വേഷിക്കുന്നവർക്ക് നല്ല വാർത്ത ലഭിക്കാം. വിദേശയാത്ര സംബന്ധമായ ശ്രമങ്ങൾക്ക് പുരോഗതി ഉണ്ടാകും. മുമ്പ് ചെയ്ത പരിശ്രമങ്ങൾക്ക് ഫലം ലഭിക്കാൻ തുടങ്ങും. വരുമാനം മെച്ചപ്പെടും. അധിക വരുമാനത്തിനുള്ള അവസരങ്ങൾ ലഭിക്കും. സ്ഥാനക്കയറ്റം, പുതിയ ജോലി, പുതിയ പ്രോജക്ട് എന്നിവയ്ക്ക് സാധ്യത. കുടുംബത്തിൽ സന്തോഷവും പരസ്പര പിന്തുണയും വർധിക്കും. ഉന്നതപഠനത്തിനും മത്സരപരീക്ഷകൾക്കും അനുകൂലമായ സമയം.
ദോഷപരിഹാരം: ശനിയാഴ്ച ശനീശ്വരക്ഷേത്രദർശനം നടത്തി എള്ളെണ്ണ വിളക്ക് തെളിയിക്കുക. നിത്യവും ഓം ഘ്രൂം
നമഃ പരായ ഗോപ്ത്രേ 108 തവണ ജപിക്കുക.

മകരക്കൂറ്
(ഉത്രാടം 2, 3, 4, തിരുവോണം, അവിട്ടം 1, 2 )
കഠിനാധ്വാനത്തിന് ഫലം ലഭിക്കുന്ന കാലം. ചില കാര്യങ്ങൾ പ്രതീക്ഷിച്ചതിലും വൈകിയേക്കാം. എന്നാൽ ക്ഷമയോടെ മുന്നോട്ട് പോയാൽ നേട്ടം ഉറപ്പ്. സാമ്പത്തിക ഇടപാടുകളിൽ വ്യക്തത പാലിക്കണം. വരുമാനം വർധിപ്പിക്കാൻ കഴിയും. വലിയ ചെലവുകൾ ആസൂത്രണം ചെയ്ത് മാത്രം നടത്തുക. തൊഴിലിൽ അധിക ചുമതലകൾ ലഭിക്കും. ദീർഘകാല നേട്ടത്തിനുള്ള അടിത്തറ പാകാം. വീട്ടിലെ മുതിർന്നവരുടെ കാര്യത്തിൽ കൂടുതൽ ശ്രദ്ധ നൽകണം. പഠനത്തിൽ കഠിനാധ്വാനത്തിന് അനുസരിച്ച് ഫലം ലഭിക്കും. വൈകിപ്പിക്കുന്ന സ്വഭാവം ഒഴിവാക്കുക.
ദോഷപരിഹാരം: ശനിയാഴ്ച ഹനുമാൻസ്വാമിക്ക് വെറ്റിലമാല സമർപ്പിച്ച് ഹനുമാൻ ചാലിസ ജപിക്കുക.
ഓം ഹം ഹനുമതേ നമഃ നിത്യവും 108 തവണ ജപിക്കുക.

കുംഭക്കൂറ്
(അവിട്ടം 3, 4, ചതയം, പൂരുരുട്ടാതി 1, 2, 3)
പുതിയ ആശയങ്ങൾ പ്രാവർത്തികമാക്കാൻ കഴിയും. സാങ്കേതികവിദ്യ, ഓൺലൈൻ പ്രവർത്തനങ്ങൾ, ആശയവിനിമയം എന്നിവയുമായി ബന്ധപ്പെട്ടവർക്ക് നേട്ടം. സാമ്പത്തികമായി പുതിയ അവസരങ്ങൾ ലഭിച്ചാലും സൂക്ഷ്മമായി വിലയിരുത്തണം. അധിക വരുമാനത്തിനുള്ള വഴികൾ തുറക്കാം. എന്നാൽ പെട്ടെന്ന് ലാഭം നേടാനുള്ള പദ്ധതികളിൽ ജാഗ്രത വേണം. ബിസിനസ്, ടെക്നിക്കൽ മേഖല, പുതിയ പ്രോജക്ടുകൾ എന്നിവയിൽ പുരോഗതി. കുടുംബാംഗങ്ങളോടൊപ്പം കൂടുതൽ സമയം ചെലവഴിക്കുക. പുതിയ വിഷയങ്ങൾ പഠിക്കാൻ ഉത്സാഹം വർധിക്കും. സാങ്കേതിക പഠനത്തിന് നല്ല സമയം.
ദോഷപരിഹാരം: ശനിയാഴ്ച ശാസ്താ ക്ഷേത്രദർശനം നടത്തുക. ഓം നമഃ ശിവായ ദിവസവും 108 തവണ ജപിക്കുക.

മീനക്കൂറ്
(പൂരുരുട്ടാതി 4, ഉത്രട്ടാതി, രേവതി)
തൊഴിൽരംഗത്ത് ക്ഷമയും ആത്മവിശ്വാസവും ആവശ്യമാണ്. കുടുംബകാര്യങ്ങളിൽ നിങ്ങളുടെ സാന്നിധ്യം പ്രധാനമാകും. ഉത്തരവാദിത്വം നിറവേറ്റും. കാര്യങ്ങൾ ക്രമേണ അനുകൂലമായി മാറും.
വരുമാനം വർദ്ധിക്കും. വീട്ടുചെലവുകളും മറ്റ് ആവശ്യങ്ങളും കൂടും. പണം സൂക്ഷിച്ച് കൈകാര്യം ചെയ്യുക. മുടങ്ങിക്കിടന്ന ജോലികൾ പൂർത്തിയാക്കാൻ കഴിയും. ജോലി മാറ്റത്തിന് ശ്രമിക്കുന്നവർ കൂടുതൽ വിവരങ്ങൾ ശേഖരിക്കുക. വീട്ടിൽ സമാധാനം നിലനിർത്താൻ വിട്ടുവീഴ്ച ആവശ്യമായി വരാം. ആത്മീയ കാര്യങ്ങളിൽ കുടുംബസമേതം പങ്കെടുക്കുന്നത് ഗുണകരം. പഠനത്തിൽ ശ്രദ്ധ കേന്ദ്രീകരിക്കാൻ കഴിയും. കല, സാഹിത്യം, ആത്മീയ വിഷയങ്ങൾ എന്നിവയിൽ താൽപര്യം വർധിക്കും.
ദോഷപരിഹാരം: വ്യാഴാഴ്ച വിഷ്ണുസഹസ്രനാമം പാരായണം ചെയ്യുക. നിത്യവും ഓം നമോ നാരായണായ 108 തവണ ജപിക്കുക.

ജ്യോതിഷരത്നം വേണു മഹാദേവ് ,
(മൊബൈൽ: + 91 9847575559 )

Summary: Weekly Star predictions based on moon sign by Venu Mahadev

Highlights
സെപ്തംബർ 1 ചൊവ്വാഴ്ചയാണ്
വാരാഹി പ്രീതിക്ക് ഉത്തമമായ വാരാഹി പഞ്ചമി

സെപ്തംബർ 2 ബുധനാഴ്ചയാണ് ചട്ടമ്പിസ്വാമി ജയന്തി

ശ്രീകൃഷ്ണ ഉപാസനയ്ക്ക് പത്തിരട്ടി ഫലം പറയുന്ന അഷ്‌ടമി രോഹിണി
വെള്ളിയാഴ്ച

(നേരം ഓൺ ലൈൻ വാട്‌സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്‌സ്ആപ്പ് നമ്പർ : + 91 81380 15500 . Visit our online store https://www.okalasha.com, for Devotional Decors, Photos, Jewels and Book’s etc)

Copyright @ 2026 NeramOnline.com . All rights reserved.