(2026 നവംബർ 8 മുതൽ 15 വരെ)
ദീപാവലി, അമാവാസി, സ്കന്ദഷഷ്ഠി വ്രതാരംഭം എന്നിവയാണ് 2026 നവംബർ 8 ന് ചോതി നക്ഷത്രത്തിൽ ആരംഭിക്കുന്ന ഈ ആഴ്ചയിലെ പ്രധാന വിശേഷങ്ങൾ. വാരം തുടങ്ങുന്ന ഞായറാഴ്ച തന്നെയാണ് ദീപാവലി. ശ്രീകൃഷ്ണനെയും മഹാലക്ഷ്മിയെയും ശ്രീരാമനെയും ഭൂമിദേവിയെയും ഒരോരോ കൂട്ടർ ആരാധിക്കുന്ന ആഘോഷത്തിനും ആരാധനയ്ക്കും ഒരേ പ്രാധാന്യമുള്ള ദീപാവലി നരകാസുര വധവുമായി ബന്ധപ്പെട്ട് നരക ചതുർദ്ദശി എന്ന പേരിലും അറിയപ്പെടുന്നു. പിതൃപ്രീതിക്ക് ഉത്തമമായ തുലാവാവ് തിങ്കളാഴ്ചയാണ്. ഒരിക്കൽ എടുത്ത് അന്ന് മുതൽ തന്നെ 6 ദിവസത്തെ
സ്കന്ദഷഷ്ഠി വ്രതം ആരംഭിക്കാം. നവംബർ 15 ഞായറാഴ്ചയാണ് സ്കന്ദഷഷ്ഠി. നവംബർ 14 ന് ഉത്രാടം നക്ഷത്രത്തിൻ വാരം അവസാനിക്കും. ഈ ആഴ്ചത്തെ നക്ഷത്രഫലം:
മേടക്കൂറ്
(അശ്വതി, ഭരണി, കാർത്തിക ആദ്യ പാദം)
തൊഴിൽരംഗത്ത് പുതിയ ചുമതലകൾ ഏറ്റെടുക്കും. മേലധികാരികളുടെ ശ്രദ്ധ നേടും. കഴിവുകൾ തെളിയിക്കാൻ അവസരമുണ്ടാകും. ജോലിയിൽ മാറ്റം ആഗ്രഹിക്കുന്നവർക്ക് അനുകൂല സൂചനകൾ ലഭിക്കാം. എന്നാൽ എടുത്തുചാടിയുള്ള തീരുമാനങ്ങൾ ഒഴിവാക്കണം. ബിസിനസ് ചെയ്യുന്നവർ പുതിയ നിക്ഷേപങ്ങൾ നടത്തുമ്പോൾ കൂടുതൽ ശ്രദ്ധിക്കണം. വരവും ചെലവും ഒരുപോലെ വർധിക്കാം. പഴയ കുടിശ്ശിക ലഭിക്കാൻ സാധ്യതയുണ്ട്.
എങ്കിലും അനാവശ്യ ചെലവുകൾ നിയന്ത്രിക്കണം. കുടുംബത്തിൽ ചെറിയ അഭിപ്രായവ്യത്യാസങ്ങൾ ഉണ്ടായേക്കാം. സംസാരത്തിൽ സംയമനം പാലിച്ചാൽ ബന്ധങ്ങൾ മെച്ചപ്പെടും. വിദ്യാർത്ഥികൾക്ക് പഠനത്തിൽ കൂടുതൽ ഏകാഗ്രത ആവശ്യമാണ്. മത്സരപരീക്ഷകൾക്കും ഉന്നതപഠനത്തിനും തയ്യാറെടുക്കുന്നവർ കഠിനാധ്വാനം തുടരുക. ആരോഗ്യകാര്യങ്ങളിൽ ഉറക്കക്കുറവും മാനസിക സമ്മർദവും ഒഴിവാക്കണം.
ദോഷപരിഹാരം: ചൊവ്വാഴ്ച സുബ്രഹ്മണ്യസ്വാമിയെ പ്രാർത്ഥിച്ച് സുബ്രഹ്മണ്യ അഷ്ടോത്തരം ജപിക്കുക. മുരുകക്ഷേത്രദർശനവും ഉത്തമം.
ഇടവക്കൂറ്
(കാർത്തിക 2, 3, 4 പാദങ്ങൾ), രോഹിണി, മകയിരം 1, 2 പാദങ്ങൾ)
സാമ്പത്തികമായും കുടുംബപരമായും ആശ്വാസം ലഭിക്കും. വരുമാനം മെച്ചപ്പെടുത്താനുള്ള പുതിയ വഴികൾ തുറന്നേക്കാം. നേരത്തേ ചെയ്ത നിക്ഷേപങ്ങളിൽനിന്നോ ബിസിനസ് ഇടപാടുകളിൽനിന്നോ പ്രതീക്ഷിച്ച നേട്ടം ലഭിക്കാനുള്ള സാധ്യതയുണ്ട്. തൊഴിൽരംഗത്ത് സഹപ്രവർത്തകരുടെ സഹായം ലഭിക്കും. പുതിയ ജോലിക്കായി ശ്രമിക്കുന്നവർക്ക് അനുകൂലമായ അറിയിപ്പുകൾ ലഭിച്ചേക്കാം. എന്നാൽ ഔദ്യോഗിക രേഖകൾ കൈകാര്യം ചെയ്യുമ്പോൾ സൂക്ഷ്മത വേണം. സാമ്പത്തിക ഇടപാടുകളിൽ വാക്കാലുള്ള ഉറപ്പുകളേക്കാൾ രേഖകൾക്ക് പ്രാധാന്യം നൽകുക. കുടുംബത്തിൽ സന്തോഷകരമായ അന്തരീക്ഷം നിലനിൽക്കും. ബന്ധുക്കളുമായി നിലനിന്നിരുന്ന അകൽച്ചകൾ പരിഹരിക്കാൻ അവസരമുണ്ടാകും. ഗൃഹനിർമാണം, വീട് പുതുക്കിപ്പണിയൽ, വാഹനവുമായി ബന്ധപ്പെട്ട കാര്യങ്ങൾ എന്നിവയിൽ പുരോഗതിയുണ്ടാകാം. വിദ്യാർത്ഥികൾക്ക് പഠനത്തിൽ നല്ല മുന്നേറ്റം ഉണ്ടാകും. കലാ-സാഹിത്യ മേഖലകളിൽ പ്രവർത്തിക്കുന്നവർക്കും അനുകൂലമായ സമയമാണ്. ദാമ്പത്യജീവിതത്തിൽ പരസ്പര ധാരണയും സഹകരണവും വർധിക്കും.
ദോഷപരിഹാരം: വെള്ളിയാഴ്ച മഹാലക്ഷ്മിയെ പ്രാർത്ഥിച്ച് ലക്ഷ്മീ അഷ്ടോത്തരം ജപിക്കുക. നിത്യവും
ഓം ശ്രീം നമഃ ജപിക്കുക.
മിഥുനക്കൂറ്
(മകയിരം 3, 4 പാദങ്ങൾ), തിരുവാതിര, പുണർതം 1, 2, 3 പാദങ്ങൾ)
കാര്യങ്ങൾ ആസൂത്രണം ചെയ്തതു പോലെ മുന്നോട്ടു കൊണ്ടുപോകാൻ കഴിയും. തൊഴിൽരംഗത്ത് പുതിയ അവസരങ്ങൾ വന്നുചേരും. ജോലിയിൽ സ്ഥാനക്കയറ്റത്തിനോ ചുമതലകൾ വർധിക്കാനോ സാധ്യത. ബിസിനസ് ചെയ്യുന്നവർക്ക് പുതിയ ഉപഭോക്താക്കളെയും വ്യാപാരബന്ധങ്ങളെയും കണ്ടെത്താൻ കഴിയും. എന്നാൽ നവംബർ 13 വരെ ബുധൻ വക്രഗതിയിലായതിനാൽ കരാറുകൾ, ആശയവിനിമയം, രേഖകൾ, പണമിടപാടുകൾ എന്നിവയിൽ പ്രത്യേകം ശ്രദ്ധിക്കുക. വരുമാനം മെച്ചപ്പെടുമെങ്കിലും യാത്രകൾക്കും കുടുംബാവശ്യങ്ങൾക്കും ചെലവുകൾ വർധിക്കാം. കടം കൊടുക്കുന്നതിലും പുതിയ വായ്പകൾ എടുക്കുന്നതിലും ജാഗ്രത വേണം. കുടുംബത്തിൽ സന്തോഷകരമായ വാർത്തകൾ ലഭിക്കും. സഹോദരങ്ങളുമായുള്ള ബന്ധം മെച്ചപ്പെടും. വിവാഹാലോചനകൾക്കും കുടുംബത്തിലെ മംഗളകാര്യങ്ങൾക്കും പുരോഗതിയുണ്ടാകാം. വിദ്യാർത്ഥികൾക്ക് പഠനത്തിൽ നല്ല ശ്രദ്ധ പുലർത്താൻ കഴിയും. പരീക്ഷകളിൽ മികച്ച വിജയം നേടാൻ പരിശ്രമം സഹായിക്കും. വിദേശപഠനത്തിനും ഉപരിപഠനത്തിനും ശ്രമിക്കുന്നവർക്ക് അനുകൂലമായ വിവരങ്ങൾ ലഭിക്കാം.
ദോഷപരിഹാരം: ബുധനാഴ്ച ശ്രീകൃഷ്ണനെ പ്രാർത്ഥിച്ച് വിഷ്ണുസഹസ്രനാമം ജപിക്കുക. ഗണപതിക്ക് കറുകമാല സമർപ്പിക്കുക. നിത്യവും 108 തവണ ഓം ഗം ഗണപതയേ നമഃ ജപിക്കുക.
ALSO READ
കർക്കടകക്കൂറ്
(പുണർതം 4-ാം പാദം, പൂയം, ആയില്യം)
മാനസിക വിഷമങ്ങൾക്കും തടസ്സങ്ങൾക്കും ആശ്വാസം ലഭിക്കും. തൊഴിൽരംഗത്ത് ഉത്തരവാദിത്വങ്ങൾ വർധിക്കും. ആത്മവിശ്വാസത്തോടെ മുന്നോട്ടുപോകാൻ കഴിയും. പുതിയ ജോലിക്ക് ശ്രമിക്കുന്നവർക്ക് പ്രതീക്ഷ നൽകുന്ന അവസരങ്ങൾ ലഭിച്ചേക്കാം. ബിസിനസ് രംഗത്തുള്ളവർക്ക് ഇടപാടുകൾ മെച്ചപ്പെടുത്താനും പഴയ ബന്ധങ്ങൾ പുതുക്കാനും കഴിയും. സാമ്പത്തികമായി വലിയ നേട്ടങ്ങൾ പ്രതീക്ഷിച്ച് സാഹസികമായ തീരുമാനങ്ങൾ എടുക്കരുത്. കുടുംബത്തിന്റെ ആവശ്യങ്ങൾക്കായി പണം ചെലവഴിക്കേണ്ടിവരും. പഴയ സാമ്പത്തിക ബാധ്യതകൾ തീർക്കാൻ ശ്രമിക്കുന്നവർക്ക് ക്രമേണ പുരോഗതിയുണ്ടാകും. കുടുംബത്തിൽ സമാധാനവും സന്തോഷവും നിലനിർത്താൻ വിട്ടുവീഴ്ചാമനോഭാവം ആവശ്യമാണ്. മാതാപിതാക്കളുടെ ആരോഗ്യകാര്യങ്ങളിൽ ശ്രദ്ധിക്കുക. വിദ്യാർത്ഥികൾക്ക് പഠനത്തിൽ കൂടുതൽ കഠിനാധ്വാനം വേണ്ടിവരും. ഓർമ്മശക്തിയും ഏകാഗ്രതയും വർധിപ്പിക്കാൻ ചിട്ടയായ പഠനരീതി സ്വീകരിക്കുക. യാത്രകളിൽ ജാഗ്രത പാലിക്കണം. നവംബർ 12-ന് ചൊവ്വ ചിങ്ങക്കൂറിലേക്ക് മാറുന്നതിനാൽ അതിനുശേഷം ചില കാര്യങ്ങളിൽ കൂടുതൽ ക്ഷമ ആവശ്യമായി വരും.
ദോഷപരിഹാരം: തിങ്കളാഴ്ച ശിവക്ഷേത്രദർശനവും ധാരയും നടത്തുക. ഓം നമഃ ശിവായ ദിവസവും
108 ഉരു ജപിക്കുക.
ചിങ്ങക്കൂറ്
(മകം, പൂരം, ഉത്രം 1-ാം പാദം)
പുതിയ പ്രതീക്ഷകളും വെല്ലുവിളികളും ഒരുപോലെ ഉണ്ടാകും. വ്യാഴം ജന്മക്കൂറിൽ സഞ്ചരിക്കുന്നതിനാൽ ആത്മവിശ്വാസവും കാര്യങ്ങൾ നേടിയെടുക്കാനുള്ള താൽപര്യവും വർധിക്കും. ചില കാര്യങ്ങളിൽ ആശയക്കുഴപ്പവും ധൃതിയിലുള്ള തീരുമാനങ്ങളും ഒഴിവാക്കണം. തൊഴിൽരംഗത്ത് പുതിയ ചുമതലകൾ ലഭിക്കാം. മേലധികാരികളുമായി നല്ല ബന്ധം നിലനിർത്തുക. ബിസിനസ് ചെയ്യുന്നവർക്ക് പുതിയ കരാറുകൾക്കും വ്യാപാരവികസനത്തിനും അവസരമുണ്ടാകാം. സാമ്പത്തികമായി വരുമാനത്തിൽ പുരോഗതിയുണ്ടാകുമെങ്കിലും ആഡംബരച്ചെലവുകൾ നിയന്ത്രിക്കണം. കുടുംബത്തിൽ നിങ്ങളുടെ അഭിപ്രായങ്ങൾക്ക് പ്രാധാന്യം ലഭിക്കും. ദാമ്പത്യബന്ധങ്ങളിൽ ചെറിയ അസ്വാരസ്യങ്ങൾ ഉണ്ടായാൽ പരസ്പരം തുറന്നുപറഞ്ഞ് പരിഹരിക്കുക. വിദ്യാർത്ഥികൾക്ക് പുരോഗതി നേടാൻ കഴിയും. മത്സരപരീക്ഷകൾക്ക് തയ്യാറെടുക്കുന്നവർക്ക് അനുകൂലമായ സമയമാണ്. ആരോഗ്യകാര്യങ്ങളിൽ ഭക്ഷണക്രമത്തിലും വിശ്രമത്തിലും ശ്രദ്ധിക്കുക.
ദോഷപരിഹാരം: ഞായറാഴ്ച സൂര്യ
അഷ്ടോത്തരം ജപിക്കുക. നിത്യവും
ഓം ശരവണ ഭവഃ 108 തവണ ജപിക്കുക.
കന്നിക്കൂറ്
(ഉത്രം 2, 3, 4 പാദങ്ങൾ), അത്തം, ചിത്തിര 1, 2 പാദങ്ങൾ)
എല്ലാകാര്യങ്ങളിലും കൂടുതൽ ശ്രദ്ധയും ക്ഷമയും പുലർത്തേണ്ട സമയം. തൊഴിൽരംഗത്ത് ഉത്തരവാദിത്വങ്ങൾ വർധിക്കാം. പൂർത്തിയാക്കാൻ കഴിയാതിരുന്ന ജോലികൾ വീണ്ടും ഏറ്റെടുക്കും. സഹപ്രവർത്തകരുമായി അഭിപ്രായവ്യത്യാസങ്ങൾ ഉണ്ടാകാതെ ശ്രദ്ധിക്കുക. ബിസിനസ് രംഗത്ത് പുതിയ പദ്ധതികൾ ആവിഷ്കരിക്കാൻ കഴിയുമെങ്കിലും അവ നടപ്പാക്കുന്നതിന് മുമ്പ് എല്ലാ വശങ്ങളും പരിശോധിക്കണം. വരുമാനം കുറയില്ല. പക്ഷേ വീട്ടുചെലവുകളും അപ്രതീക്ഷിത ചെലവുകളും വർധിക്കാം. പഴയ സാമ്പത്തിക ഇടപാടുകൾ തീർപ്പാക്കാൻ ശ്രമിക്കും. നവംബർ 14-ന് ശുക്രൻ വക്രഗതി അവസാനിപ്പിക്കുന്നതിനാൽ അതിനുശേഷം സാമ്പത്തികവും കുടുംബപരവുമായ ചില കാര്യങ്ങളിൽ ക്രമേണ അനുകൂലമായ മാറ്റങ്ങൾ പ്രതീക്ഷിക്കാം. കുടുംബത്തിൽ സമാധാനം നിലനിർത്താൻ അനാവശ്യ തർക്കങ്ങൾ ഒഴിവാക്കുക. വിവാഹപ്രായമായവരുടെ കാര്യങ്ങളിൽ അനുകൂലമായ ആലോചനകൾ വരാം. വിദ്യാർത്ഥികൾക്ക് പഠനത്തിൽ ശ്രദ്ധ വർധിപ്പിക്കണം. പരീക്ഷകൾക്കായി കൂടുതൽ പരിശീലനം നടത്തുക. ഉദരസംബന്ധമായ അസ്വസ്ഥത, മാനസിക സമ്മർദ്ദം എന്നിവയുണ്ടാകും.
ദോഷപരിഹാരം: ബുധനാഴ്ച ഗണപതി
ക്ഷേത്ര ദർശനം നടത്തുക. ഗണപതി അഷ്ടോത്തരം ജപിക്കുക. എന്നും ഓം ദും ദുർഗ്ഗായൈ നമഃ 108 ഉരു ജപിക്കുക.
തുലാക്കൂറ്
(ചിത്തിര 3, 4 പാദങ്ങൾ, ചോതി, വിശാഖം 1, 2, 3 പാദങ്ങൾ)
പുതിയ പ്രതീക്ഷകൾക്കും ബന്ധങ്ങൾ മെച്ചപ്പെടുത്തുന്നതിനും അനുയോജ്യം. തൊഴിൽരംഗത്ത് ഏറെക്കാലമായി കാത്തിരുന്ന കാര്യങ്ങളിൽ പുരോഗതി ലഭിക്കും. പുതിയ ജോലിക്കുള്ള ശ്രമങ്ങൾക്കും സ്ഥാനക്കയറ്റത്തിനുള്ള അപേക്ഷകൾക്കും അനുകൂലമായ പ്രതികരണം ലഭിക്കാം. ബിസിനസ് ചെയ്യുന്നവർക്ക് പങ്കാളിത്തത്തിലൂടെയും പുതിയ ബന്ധങ്ങളിലൂടെയും നേട്ടങ്ങൾ ഉണ്ടാകാം. എന്നാൽ പണമിടപാടുകളിൽ കൃത്യത ഉറപ്പാക്കണം. സാമ്പത്തികമായി വരുമാനം വർധിക്കാൻ സാധ്യതയുണ്ട്. പഴയ കടങ്ങൾ തിരിച്ചുകിട്ടാം. അല്ലെങ്കിൽ കുടിശിക ലഭിക്കാൻ ഇടയുണ്ട്. നവംബർ 13-ന് ബുധൻ വക്രഗതി അവസാനിപ്പിക്കുന്നതോടെ ആശയവിനിമയത്തിലും കരാറുകളിലും ഉണ്ടായിരുന്ന ചില തടസ്സങ്ങൾക്ക് പരിഹാരമുണ്ടാകാം. കുടുംബത്തിൽ സന്തോഷവും ഐക്യവും നിലനിൽക്കും. ദാമ്പത്യജീവിതത്തിൽ പരസ്പര വിശ്വാസം വർധിക്കും. വിദ്യാർത്ഥികൾക്ക് പഠനകാര്യങ്ങളിൽ മികച്ച മുന്നേറ്റം ഉണ്ടാകും. കലാരംഗത്തും മത്സരപരീക്ഷകളിലും കഴിവ് തെളിയിക്കാൻ അവസരം ലഭിക്കും. ആരോഗ്യകാര്യങ്ങളിൽ അലസത ഒഴിവാക്കി വ്യായാമത്തിന് സമയം കണ്ടെത്തുക.
ദോഷപരിഹാരം: വെള്ളിയാഴ്ച ദുർഗ്ഗാ ദേവീക്ഷേത്രദർശനം നടത്തുക. ഓം ദും ദുർഗ്ഗായൈ നമഃ 108 ഉരു ജപിക്കുക. അന്നദാനം നടത്തുന്നതും ഉത്തമം.
വൃശ്ചികക്കൂറ്
(വിശാഖം 4-ാം പാദം, അനിഴം, തൃക്കേട്ട)
കാര്യങ്ങളിൽ കൂടുതൽ ജാഗ്രതയും ക്ഷമയും ആവശ്യമാണ്. തൊഴിൽരംഗത്ത് ചില സമ്മർദങ്ങൾ അനുഭവപ്പെട്ടേക്കാം. ജോലിഭാരം വർധിക്കാനും പ്രതീക്ഷിച്ച അംഗീകാരം ലഭിക്കാൻ വൈകാനും സാധ്യതയുണ്ട്. എന്നാൽ ആത്മാർത്ഥമായ പരിശ്രമം ഭാവിയിൽ ഗുണം ചെയ്യും. ബിസിനസ് ചെയ്യുന്നവർ പുതിയ സംരംഭങ്ങൾ തുടങ്ങുന്നതിനു മുമ്പ് സാമ്പത്തികവശം പരിശോധിക്കണം. വരവും ചെലവും ശ്രദ്ധാപൂർവം ക്രമീകരിക്കുക. കടം കൊടുക്കുന്നതും ജാമ്യം നിൽക്കുന്നതും ഒഴിവാക്കുന്നതാണ് നല്ലത്. വീട്ടിൽ ചെറിയ അഭിപ്രായവ്യത്യാസങ്ങൾ ഉണ്ടായേക്കാം. ദേഷ്യവും സംശയവും നിയന്ത്രിച്ച് സംസാരിക്കുക. മുതിർന്നവരുടെ ഉപദേശം ഗുണം ചെയ്യും. വിദ്യാർത്ഥികൾക്ക് പഠനത്തിൽ കൂടുതൽ ശ്രദ്ധയും സ്ഥിരതയും ആവശ്യമാണ്. പരീക്ഷകൾക്ക് തയ്യാറെടുക്കുന്നവർ സമയക്രമം പാലിക്കുക. വിദേശത്തേക്ക് പോകാൻ ശ്രമിക്കുന്നവർക്ക് ചില കാലതാമസം നേരിടേണ്ടി വന്നേക്കാം.
ദോഷപരിഹാരം: ചൊവ്വാഴ്ച സുബ്രഹ്മണ്യസ്വാമിയെ പ്രാർത്ഥിച്ച് സ്കന്ദഷഷ്ഠി കവചം ജപിക്കുക. എന്നും
ഓം ഭദ്രകാള്യൈ നമഃ 18 തവണ
ജപിക്കുന്നതും ശിവക്ഷേത്രത്തിൽ ദർശനം നടത്തി പിൻ വിളക്ക് തെളിയിക്കുന്നതും ഉത്തമം.
ധനുക്കൂറ്
(മൂലം, പൂരാടം, ഉത്രാടം 1-ാം പാദം)
ഭാഗ്യാനുഭവങ്ങൾക്കും പുതിയ നേട്ടങ്ങൾക്കും വഴി തുറക്കും തൊഴിലിൽ ആത്മവിശ്വാസത്തോടെ മുന്നോട്ടുപോകാൻ കഴിയും. ഏറെക്കാലമായി ആഗ്രഹിച്ചിരുന്ന ചില കാര്യങ്ങൾ സഫലമാകും. ജോലിയിൽ മാറ്റത്തിന് അനുകൂലമായ സാഹചര്യം ഉണ്ടാകും. ബിസിനസ് രംഗത്ത് പുതിയ പദ്ധതികൾ ആവിഷ്കരിക്കാനും വ്യാപാരം വിപുലീകരിക്കാനും കഴിയും. വരുമാനം മെച്ചപ്പെടും. പഴയ നിക്ഷേപം വഴി നേട്ടമുണ്ടാകാനും സാമ്പത്തിക ബാധ്യതകൾ കുറയ്ക്കാനും സാധിക്കും. എന്നാൽ പുതിയ നിക്ഷേപങ്ങളിൽ അമിതമായ സാഹസികത ഒഴിവാക്കണം. കുടുംബത്തിൽ സന്തോഷകരമായ അന്തരീക്ഷം നിലനിൽക്കും. ബന്ധുക്കളിൽനിന്ന് സഹായവും സഹകരണവും ലഭിക്കും. മംഗളകാര്യങ്ങൾ തീരുമാനിക്കാനും കുടുംബത്തോടൊപ്പം യാത്രകൾ നടത്താനും അവസരമുണ്ടാകാം. വിദ്യാർത്ഥികൾക്ക് പഠനത്തിൽ നല്ല പുരോഗതി പ്രതീക്ഷിക്കാം. ഉപരിപഠനത്തിനും വിദേശവിദ്യാഭ്യാസത്തിനും ശ്രമിക്കുന്നവർക്ക് പ്രതീക്ഷ നൽകുന്ന വാർത്തകൾ ലഭിക്കും. അധ്യാപകരുടെയും മുതിർന്നവരുടെയും ഉപദേശം ഗുണകരമാകും. ആരോഗ്യകാര്യങ്ങളിൽ പൊതുവേ ആശ്വാസകരമായ അനുഭവങ്ങളുണ്ടാകും. എങ്കിലും ഭക്ഷണക്രമത്തിൽ ശ്രദ്ധിക്കുക.
ദോഷപരിഹാരം: വ്യാഴാഴ്ച ഗുരുവായൂരപ്പനെ പ്രാർത്ഥിച്ച് വിഷ്ണുസഹസ്രനാമം ജപിക്കുക. വിദ്യാർത്ഥികൾക്ക് പഠനസഹായം നൽകുന്നതും ഉത്തമം.
മകരക്കൂറ്
(ഉത്രാടം 2, 3, 4 പാദങ്ങൾ, തിരുവോണം, അവിട്ടം 1, 2 പാദങ്ങൾ)
കഠിനാധ്വാനത്തിന് അനുസരിച്ചുള്ള ഫലങ്ങൾ ലഭിക്കും. തൊഴിൽരംഗത്ത് ഉത്തരവാദിത്വങ്ങൾ വർധിക്കുമെങ്കിലും അവ വിജയകരമായി പൂർത്തിയാക്കാൻ കഴിയും. മേലധികാരികളുടെ വിശ്വാസം നേടാനും ജോലിയിൽ അംഗീകാരം ലഭിക്കാനും സാധ്യതയുണ്ട്. പുതിയ ജോലി അന്വേഷിക്കുന്നവർക്ക് അനുകൂലമായ ചില സൂചനകൾ ലഭിക്കും. ബിസിനസ് ചെയ്യുന്നവർക്ക് പഴയ ഇടപാടുകൾ വീണ്ടും സജീവമാക്കാനും പുതിയ ഉപഭോക്താക്കളെ കണ്ടെത്താനും കഴിയും. സാമ്പത്തികമായി ക്രമേണ പുരോഗതിയുണ്ടാകും. എന്നാൽ കുടുംബാവശ്യങ്ങൾക്കും വീടുമായി ബന്ധപ്പെട്ട കാര്യങ്ങൾക്കുമായി ചെലവുകൾ വർധിക്കാം. പണം കൈകാര്യം ചെയ്യുന്നതിൽ കൂടുതൽ ശ്രദ്ധ പുലർത്തുക. കുടുംബത്തിൽ ഉത്തരവാദിത്വങ്ങൾ വർധിച്ചേക്കാം. മാതാപിതാക്കളുടെയും മുതിർന്നവരുടെയും ആവശ്യങ്ങൾ പരിഗണിക്കേണ്ടിവരും. ദാമ്പത്യജീവിതത്തിൽ പരസ്പര സഹകരണം ആവശ്യമാണ്. വിദ്യാർത്ഥികൾക്ക് കഠിനാധ്വാനത്തിലൂടെ മികച്ച വിജയം നേടാൻ കഴിയും. പഠനത്തിൽ മടിയും അലസതയും ഒഴിവാക്കുക. മത്സരപരീക്ഷകൾക്ക് തയ്യാറെടുക്കുന്നവർക്ക് സ്ഥിരമായ പരിശ്രമം ഗുണം ചെയ്യും. ആരോഗ്യകാര്യങ്ങളിൽ നടുവേദന, സന്ധിവേദന തുടങ്ങിയ അസ്വസ്ഥതകൾ ശ്രദ്ധിക്കുക.
ദോഷപരിഹാരം: ശനിയാഴ്ച ഹനുമാൻ സ്വാമിയെ പ്രാർത്ഥിച്ച് ഹനുമാൻ ചാലിസ ജപിക്കുന്നതും അർഹരായവർക്ക് അന്നദാനം നടത്തുന്നതും ഉത്തമം.
നിത്യവും ഓം ഹം ഹനുമതേ നമഃ
ജപിക്കുക.
കുംഭക്കൂറ്
(അവിട്ടം 3, 4 പാദങ്ങൾ), ചതയം, പൂരൂരുട്ടാതി 1, 2, 3 പാദങ്ങൾ)
പുതിയ നേട്ടങ്ങൾക്കും സാമ്പത്തിക പുരോഗതിക്കും സാധ്യതയുള്ള ആഴ്ചയാണ്. തൊഴിൽരംഗത്ത് അനുകൂലമായ മാറ്റങ്ങൾ പ്രതീക്ഷിക്കാം. ഏറെക്കാലമായി മുടങ്ങിക്കിടന്ന ജോലികൾ പൂർത്തിയാക്കാനും പുതിയ ഉത്തരവാദിത്വങ്ങൾ ഏറ്റെടുക്കാനും കഴിയും. ബിസിനസ് രംഗത്ത് ലാഭസാധ്യതയുള്ള പുതിയ ഇടപാടുകൾ ലഭിക്കാം. വിദേശബന്ധങ്ങളിലൂടെയും ദൂരസ്ഥലങ്ങളിലുള്ളവരുമായുള്ള വ്യാപാരത്തിലൂടെയും നേട്ടമുണ്ടാകാൻ സാധ്യതയുണ്ട്. സാമ്പത്തികമായി വരുമാനം വർധിക്കുമെങ്കിലും ചിലവുകളും നിയന്ത്രിക്കണം. കടബാധ്യതകൾ കുറയ്ക്കാനും സമ്പാദ്യം വർധിപ്പിക്കാനും ശ്രമിക്കുന്നത് ഗുണം ചെയ്യും. കുടുംബത്തിൽ സന്തോഷകരമായ വാർത്തകൾ ലഭിക്കാം. മക്കളുടെ പഠനത്തിലും നേട്ടങ്ങളിലും സന്തോഷിക്കാൻ അവസരമുണ്ടാകും. കുടുംബാംഗങ്ങൾക്കിടയിൽ നിലനിന്നിരുന്ന ചെറിയ പ്രശ്നങ്ങൾ പരിഹരിക്കപ്പെടും. വിദ്യാർത്ഥികൾക്ക് പഠനത്തിൽ മികച്ച മുന്നേറ്റമുണ്ടാകും. സാങ്കേതികവിദ്യ, ഗവേഷണം, ശാസ്ത്രം തുടങ്ങിയ മേഖലകളിൽ പഠിക്കുന്നവർക്ക് പുതിയ അറിവുകൾ നേടാൻ കഴിയും. തൊഴിൽപരമായ പരിശീലനങ്ങൾക്കും മത്സരപരീക്ഷകൾക്കും സമയം ചെലവഴിക്കുന്നത് ഭാവിയിൽ ഗുണകരമാകും. ആരോഗ്യകാര്യങ്ങളിൽ മാനസിക സമ്മർദം ഒഴിവാക്കുകയും വിശ്രമത്തിന് പ്രാധാന്യം നൽകുകയും ചെയ്യുക.
ദോഷപരിഹാരം: ശനിയാഴ്ച ശാസ്താവിന് നീരാജനം തെളിയിക്കുക.
മീനക്കൂറ്
(പൂരൂരുട്ടാതി 4-ാം പാദം, ഉത്തൃട്ടാതി, രേവതി)
കാര്യങ്ങളിൽ കൂടുതൽ ക്ഷമയും ആത്മവിശ്വാസവും പുലർത്തണം. ശനി ജന്മക്കൂറിൽ വക്രഗതിയിൽ സഞ്ചരിക്കുന്നതിനാൽ ഉത്തരവാദിത്വങ്ങളും മാനസിക സമ്മർദ്ദവും വർധിച്ചേക്കാം. തൊഴിൽരംഗത്ത് ചില കാര്യങ്ങൾ പ്രതീക്ഷിച്ചതിലും വൈകാൻ സാധ്യത. എന്നാൽ ആത്മാർത്ഥമായ പരിശ്രമം കൈവിടരുത്. സഹപ്രവർത്തകരുമായും മേലധികാരികളുമായും നല്ല ബന്ധം നിലനിർത്തുക. ബിസിനസ് ചെയ്യുന്നവർ പുതിയ തീരുമാനങ്ങൾ എടുക്കുമ്പോൾ കൂടുതൽ ആലോചന നടത്തണം. വരുമാനം നിലനിൽക്കുമെങ്കിലും കുടുംബാവശ്യങ്ങൾക്കും ചികിത്സയ്ക്കും യാത്രകൾക്കുമായി ചെലവുകൾ വർധിക്കാം. പണം കടം കൊടുക്കുന്നതിലും പുതിയ സാമ്പത്തിക ബാധ്യതകൾ ഏറ്റെടുക്കുന്നതിലും ജാഗ്രത വേണം. കുടുംബത്തിൽ ചെറിയ അസ്വാരസ്യങ്ങൾ ഉണ്ടായാൽ ക്ഷമയോടെ പരിഹരിക്കുക. ജീവിതപങ്കാളിയുടെ അഭിപ്രായങ്ങൾക്കും ആവശ്യങ്ങൾക്കും പ്രാധാന്യം നൽകണം. വിദ്യാർത്ഥികൾക്ക് പഠനത്തിൽ കൂടുതൽ ഏകാഗ്രത ആവശ്യമാണ്. മത്സരപരീക്ഷകൾക്കും ഉപരിപഠനത്തിനും തയ്യാറെടുക്കുന്നവർ ചിട്ടയായ പരിശ്രമം തുടരുക. വിദേശത്തേക്കുള്ള യാത്രകളിലും ജോലിസംബന്ധമായ കാര്യങ്ങളിലും ചില കാലതാമസങ്ങൾ ഉണ്ടായേക്കാം. ആരോഗ്യകാര്യങ്ങളിൽ വിശ്രമക്കുറവും മാനസിക സമ്മർദവും ഒഴിവാക്കണം.
ദോഷപരിഹാരം: ശനിയാഴ്ച ധർമ്മ ശാസ്താ ക്ഷേത്രത്തിൽ ദർശനം നടത്തി നീരാജനം നടത്തുക. ഓം ഘ്രൂം നമഃ
പരായ ഗോപ്ത്രേ എന്നും 108 തവണ ജപിക്കുന്നത് ഉത്തമം.
ജ്യോതിഷരത്നം വേണു മഹാദേവ് ,
മൊബൈൽ: + 91 9847575559
Summary: Weekly Star predictions based on moon sign by Venu Mahadev
Highlights
വാരം തുടങ്ങുന്ന ഞായറാഴ്ച തന്നെയാണ് ദീപാവലി
പിതൃപ്രീതിക്ക് ഉത്തമമായ തുലാവാവ്
തിങ്കളാഴ്ചയാണ്
ആറു ദിവസത്തെ സ്‌കന്ദ ഷഷ്ഠിവ്രതം എടുക്കുന്നവർ ചൊവ്വാഴ്ച വ്രതം തുടങ്ങണം
(നേരം ഓൺ ലൈൻ വാട്‌സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്‌സ്ആപ്പ് നമ്പർ : + 91 81380 15500 . Visit our online store https://www.okalasha.com, for Devotional Decors, Photos, Jewels and Book’s etc)
Copyright @ 2026 NeramOnline.com . All rights reserved.
