മേടം രാശി
(അശ്വതി, ഭരണി, കാർത്തിക ആദ്യ കാൽ)
ശത്രുശല്യം വർദ്ധിക്കാൻ സാധ്യതയുള്ള സമയമാണ്. കോടതിയുമായി ബന്ധപ്പെട്ട കേസുകളിൽ തിരിച്ചടികൾ നേരിട്ടേക്കാം. തൊഴിൽ രംഗത്ത് ജോലിഭാരം കൂടുകയും സഹപ്രവർത്തകരുടെ ഉത്തരവാദിത്തങ്ങൾ കൂടി ഏറ്റെടുക്കേണ്ടി വരികയും ചെയ്യും.
ഇടവം രാശി
(കാർത്തിക അവസാന മുക്കാൽ, രോഹിണി, മകയിരം ആദ്യ പകുതി)
സമൂഹത്തിലെ ഉന്നതരായ വ്യക്തികളെ പരിചയപ്പെടാനും അവരോടൊപ്പം സമയം ചെലവഴിക്കാനും അവസരം ലഭിക്കും. നിങ്ങൾക്ക് ലഭിക്കുന്ന പുതിയ അവസരങ്ങളെ കൃത്യമായി പ്രയോജനപ്പെടുത്താൻ സാധിക്കുന്ന സുദിനമാണിത്.
മിഥുനം രാശി
(മകയിരം അവസാന പകുതി, തിരുവാതിര, പുണർതം ആദ്യ മുക്കാൽ)
പുണ്യസ്ഥലങ്ങൾ സന്ദർശിക്കാൻ യോഗമുണ്ട്. കേസുകളിൽ വിജയം, ഈശ്വരവിശ്വാസം, ആചാരങ്ങളിൽ താല്പര്യം എന്നിവ വർദ്ധിക്കും. ബന്ധുക്കൾക്കിടയിൽ മാന്യത ലഭിക്കാനും വിദേശയാത്രയിലൂടെയോ വിദേശത്തുള്ളവർ വഴിയോ ഗുണാനുഭവങ്ങൾ ഉണ്ടാകാനും സാധ്യതയുണ്ട്.
കർക്കടകം രാശി
(പുണർതം അവസാന കാൽ, പൂയം, ആയില്യം)
തർക്കങ്ങളിൽ വിട്ടുവീഴ്ചാ മനോഭാവം കാണിക്കുന്നത് നിങ്ങൾക്ക് ഗുണം ചെയ്യും. പൂർവ്വിക സ്വത്തുക്കൾ രേഖാപരമായി കൈവശം വന്നുചേരും. എന്നാൽ മറ്റൊരാൾക്ക് വേണ്ടി ജാമ്യം നിൽക്കുന്നതും പണം കടം കൊടുക്കുന്നതും അതീവ ജാഗ്രതയോടെ വേണം.
ചിങ്ങം രാശി
(മകം, പൂരം, ഉത്രം ആദ്യ കാൽ)
പ്രതീക്ഷിക്കാത്ത നേരത്ത് ആരോഗ്യപ്രശ്നങ്ങളോ മറ്റ് ആപത്തുകളോ വരാൻ സാധ്യതയുള്ളതിനാൽ ശ്രദ്ധിക്കുക. ബന്ധുക്കളുടെ ആവശ്യങ്ങൾക്കായി സമയം മാറ്റിവെക്കേണ്ടി വരും. വാഹനങ്ങൾ ഉപയോഗിക്കുമ്പോഴും തീ കൈകാര്യം ചെയ്യുമ്പോഴും ജാഗ്രത പാലിക്കുക.
കന്നി രാശി
(ഉത്രം അവസാന മുക്കാൽ, അത്തം, ചിത്തിര ആദ്യ പകുതി)
കുടുംബത്തിൽ സന്തോഷവും ഐശ്വര്യവും നിലനിൽക്കും. സമൂഹത്തിൽ അന്തസ്സും ബഹുമാനവും വർദ്ധിക്കും. സൽസുഹൃത്തുക്കളെ ലഭിക്കാനും അവർ വഴി പലവിധ ഗുണാനുഭവങ്ങൾ ഉണ്ടാകാനും സാധ്യതയുള്ള ദിവസമാണ്.
ALSO READ
തുലാം രാശി
(ചിത്തിര അവസാന പകുതി, ചോതി, വിശാഖം ആദ്യ മുക്കാൽ)
ഭൂമി സംബന്ധമായ ഇടപാടുകളിൽ നഷ്ടങ്ങൾ സംഭവിക്കാൻ സാധ്യതയുണ്ട്. ലഹരി വസ്തുക്കളോടുള്ള താല്പര്യം ഒഴിവാക്കുന്നത് നന്നായിരിക്കും. ആരോഗ്യപരമായ ബുദ്ധിമുട്ടുകളും യാത്രകളിൽ അസ്വസ്ഥതകളും നേരിട്ടേക്കാം. കുടുംബത്തിൽ സമാധാനം കുറയാൻ ഇടയുണ്ട്.
വൃശ്ചികം രാശി
(വിശാഖം അവസാന കാൽ, അനിഴം, തൃക്കേട്ട)
കുടുംബാംഗങ്ങളോടൊപ്പം വിദേശത്ത് സ്ഥിരതാമസമാക്കാൻ ആഗ്രഹിക്കുന്നവർക്ക് അതിനുള്ള യോഗമുണ്ട്. ഭൂമി ഇടപാടുകളിൽ ലാഭം ലഭിക്കും. ദീർഘകാലമായുണ്ടായിരുന്ന സാമ്പത്തിക മാന്ദ്യം മാറി സാമ്പത്തിക പുരോഗതി കൈവരിക്കാൻ സാധിക്കും.
ധനു രാശി
(മൂലം, പൂരാടം, ഉത്രാടം ആദ്യ കാൽ)
സ്ത്രീകൾ കാരണം പലവിധ പ്രശ്നങ്ങൾ ഉണ്ടാകാൻ സാധ്യതയുണ്ട്. തൊഴിൽപരമായ അലച്ചിൽ, ഭൂമി നഷ്ടം, ശുഭകാര്യങ്ങൾക്ക് തടസ്സം എന്നിവ നേരിട്ടേക്കാം. സംസാരത്തിൽ നിയന്ത്രണം വേണം, അല്ലെങ്കിൽ വലിയ കഷ്ടനഷ്ടങ്ങൾക്ക് സാധ്യത കാണുന്നു.
മകരം രാശി
(ഉത്രാടം അവസാന മുക്കാൽ, തിരുവോണം, അവിട്ടം ആദ്യ പകുതി)
ദീർഘകാലമായി തിരികെ ലഭിക്കാതിരുന്ന കടങ്ങൾ ഇന്ന് വസൂലാക്കാൻ സാധിക്കും. പുണ്യയാത്രകൾക്കോ വിനോദയാത്രകൾക്കോ അവസരം ലഭിക്കും. വിദേശ ജോലി ആഗ്രഹിക്കുന്നവർക്ക് അനുകൂലമായ വാർത്തകൾ ലഭിക്കും. ബിസിനസ്സിലും തൊഴിലിലും പുരോഗതിയുണ്ടാകും.
കുംഭം രാശി
(അവിട്ടം അവസാന പകുതി, ചതയം, പൂരൂരുട്ടാതി ആദ്യ മുക്കാൽ)
ഭാര്യാഭർത്താക്കന്മാർക്ക് ഒന്നിച്ച് താമസിക്കാൻ തക്കവണ്ണം തൊഴിൽപരമായ മാറ്റങ്ങൾ ലഭിക്കും. കൃഷിയിൽ നിന്ന് നേട്ടങ്ങൾ ഉണ്ടാകും. മറ്റുള്ളവരുടെ ആദരവും അംഗീകാരവും പ്രശസ്തിയും തേടിയെത്തുന്ന സുദിനമായിരിക്കും.
മീനം രാശി
(പൂരൂരുട്ടാതി അവസാന കാൽ, ഉത്തൃട്ടാതി, രേവതി)
നന്മ ചെയ്താലും ദോഷഫലങ്ങൾ ലഭിക്കാൻ സാധ്യതയുള്ളതിനാൽ ജാഗ്രത പാലിക്കുക. പ്രവർത്തനങ്ങളിൽ മന്ദത അനുഭവപ്പെടും. വാതം, വൃക്ക സംബന്ധമായ അസുഖങ്ങൾ ഉള്ളവർക്ക് അത് മൂർച്ഛിക്കാൻ ഇടയുണ്ട്. ഈശ്വരാധീനം വർദ്ധിപ്പിക്കാൻ ശ്രമിക്കുക.
www.aijothisham.com ,
Mobile : +91 96456 11008
aijothisham@gmail.com
(നേരം ഓൺ ലൈൻ വാട്സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്സ്ആപ്പ് നമ്പർ : + 91 81380 15500 . ആത്മീയ- ജ്യോതിഷ വാര്ത്തകള്ക്ക്, അസ്ട്രോ ജി, നേരം ഓൺലൈൻ ആപ് ഡൗണ്ലോഡ് ചെയ്യുക: AstroG App .)
Copyright @ 2026 NeramOnline.com . All rights reserved.
