നവരാത്രി ആരംഭം, ലളിതാ പഞ്ചമി, ഷഷ്ഠി; ഈ ആഴ്ചത്തെ നക്ഷത്രഫലം

(2026 ഒക്ടോബർ 11 – 17)
തുലാക്കൂറിൽ ചിത്തിര നക്ഷത്രത്തിൽ
ഒക്ടോബർ 11 ന് ആരംഭിക്കുന്ന ഈ ആഴ്ചത്തെ പ്രധാന വിശേഷം അശ്വനി മാസത്തിലെ ശരത് ഋതു നവരാത്രി ആരംഭമാണ്. ലളിതാപഞ്ചമി, ഷഷ്ഠിവ്രതം, എന്നിവയാണ് മറ്റ് വിശേഷങ്ങൾ. ആദിപരാശക്തിയുടെ വ്യത്യസ്ത ഭാവങ്ങളെ പൂജിച്ച് ആരാധിക്കേണ്ട അറിവിന്റെ
ഉത്സവകാലമായ നവരാത്രി ദിനങ്ങൾ തുടങ്ങുന്നത് ഞായറാഴ്ചയാണ്. ഒരു വർഷം അശ്വിനം, ചൈത്രം, മാഘം, ആഷാഢം എന്നീ ചന്ദ്രമാസങ്ങളിലാണ് നവരാത്രികൾ വരുന്നത്. ഇതിൽ പ്രധാനം ആശ്വിന നവരാത്രിയാണ്. ദുരിതങ്ങൾ വർദ്ധിക്കുന്ന അശ്വിന നവരാത്രി ദേവിഉപാസനയ്ക്ക് നല്ലതാണ്. കന്നിമാസത്തിലെ കറുത്തവാവ് കഴിഞ്ഞുള്ള ഒൻപത് ദിവസങ്ങളിലാണ് നവരാത്രി ആചരണം. ഒക്ടോബർ 11 ന് തുടങ്ങുന്ന നവരാത്രി വ്രതം നോറ്റാൽ തീരാത്ത ദുരിതങ്ങളില്ല. സാമ്പത്തിക അഭിവൃദ്ധി, സന്താന ഭാഗ്യം, രോഗമുക്തി, ശത്രുദോഷശമനം, കാര്യസിദ്ധി, വിദ്യാലാഭം തുടങ്ങി എല്ലാ ഇഷ്ടങ്ങളും കൈവരും. നവരാത്രി ദിനങ്ങളിൽ ദിവസവും രാവിലെ കഴിയുന്നവർ ദേവീമാഹാത്മ്യം, ലളിതാസഹസ്രനാമം അല്ലെങ്കിൽ ദുർഗാസ്തോത്രങ്ങൾ പാരായണം ചെയ്യണം. ഒക്ടോബർ 15 നാണ് ശ്രീ ലളിതാപഞ്ചമി. കാമന്റെ ചിതയിൽ നിന്നും ആവിർഭവിച്ച ഭണ്ഡാസുരനെ നിഗ്രഹിക്കാൻ ശ്രീ ലളിതാംബിക ദേവി അവതരിച്ചത് നവരാത്രിയിലെ അഞ്ചാംനാളിലാണ് എന്ന് ഐതിഹ്യം. ലളിതാപഞ്ചമി ദിവസം ദേവീഉപാസന, ക്ഷേത്രദർശനം ഇവ നടത്തിയാൽ ദേവീകൃപയാൽ എല്ലാ വിഷമവും മാറി സന്തോഷവും സംതൃപ്തിയും ലഭിക്കും. ചില സ്ഥലങ്ങളിൽ ലളിതാപഞ്ചമി ഏറെ വിശേഷമാണ്. ഒക്ടോബർ 16 വെള്ളിയാഴ്ചയാണ് ഷഷ്ഠിവ്രതം.
സുബ്രഹ്മണ്യപ്രീതി നേടാനുള്ള ഉത്തമ മാർഗ്ഗമാണ് ഷഷ്ഠിവ്രതം. വെളുത്തപക്ഷ
ഷഷ്ഠിക്കാണ് വ്രതമെടുക്കേണ്ടത്. എല്ലാ വ്രതങ്ങള്‍ക്കും അനുഷ്ഠാന ദിനമാണ് പ്രധാനം. ഷഷ്ഠിവ്രതത്തിന് തലേന്ന് പഞ്ചമിക്കും പ്രാധാന്യമുണ്ട്. അന്ന് ഒരു നേരം മാത്രം അരിയാഹാരം കഴിച്ച് നിഷ്ഠകളെല്ലാം പാലിച്ച്വ് വ്രതം എടുക്കണം. ഷഷ്ഠി ദിവസം കുളിച്ച് ശുദ്ധിയായി ശ്രീമുരുക ക്ഷേത്ര ദര്‍ശനം നടത്തണം. അവിടെ നിന്നും ഉച്ചയ്ക്ക് ലഭിക്കുന്ന നിവേദ്യം കഴിച്ച് വ്രതം മുറിക്കണം. 17 ന് ധനുക്കൂറ് പൂരാടം നക്ഷത്രത്തിൽ വാരം അവസാനിക്കും. ഈ ആഴ്ത്തെ നക്ഷത്രഫലം:

മേടക്കൂറ്
(അശ്വതി, ഭരണി, കാർത്തിക ആദ്യ പാദം)
ആത്മവിശ്വാസത്തോടെ പ്രവർത്തിച്ചാൽ പല കാര്യങ്ങളിലും പുരോഗതി കൈവരിക്കാൻ സാധിക്കും. പുതിയ ഉത്തരവാദിത്വങ്ങൾ ഏറ്റെടുക്കുമ്പോൾ ക്ഷമയും വിവേകവും കൈവിടരുത്. ധൃതിയിലുള്ള തീരുമാനങ്ങൾ ഒഴിവാക്കുക. വരവും ചെലവും ഒരുപോലെ ശ്രദ്ധിക്കേണ്ട സമയമാണ്. പഴയ കുടിശ്ശികകൾ തിരികെ ലഭിക്കാനോ സാമ്പത്തിക ഇടപാടുകളിൽ പുരോഗതി ഉണ്ടാകാനോ സാധ്യത. അനാവശ്യ വാങ്ങലുകളും മറ്റുള്ളവർക്ക് ജാമ്യം നിൽക്കുന്നതും ഒഴിവാക്കുക. ജോലിയിൽ കഴിവുകൾ തെളിയിക്കാൻ അവസരം ലഭിക്കും. മേലധികാരികളോട് സംസാരിക്കുമ്പോൾ സംയമനം പാലിക്കുക. പുതിയ ജോലി അന്വേഷിക്കുന്നവർ ശ്രമം തുടരുക. കുടുംബത്തിൽ ചെറിയ അഭിപ്രായ വ്യത്യാസങ്ങൾ ഉണ്ടായാലും പരസ്പര ധാരണയിലൂടെ പരിഹരിക്കാനാകും. മുതിർന്നവരുടെ ആവശ്യങ്ങൾ പരിഗണിക്കുക. കുടുംബാംഗങ്ങളോടൊപ്പം സമയം ചെലവഴിക്കുന്നത് മനസ്സിന് സന്തോഷം നൽകും. വിദ്യാർത്ഥികൾ ഏകാഗ്രത വർധിപ്പിക്കേണ്ട സമയമാണ്.
ദോഷപരിഹാരം: ദിവസവും ഗണപതിയെ പ്രാർത്ഥിച്ച് ഓം ഗം ഗണപതയേ നമഃ 108 തവണ ജപിക്കുക. വെള്ളിയാഴ്ച ഗണപതിക്ക് കറുകമാല സമർപ്പിക്കണം.

ഇടവക്കൂറ്
(കാർത്തിക അവസാന 3 പാദങ്ങൾ), രോഹിണി, മകയിരം ആദ്യ 2 പാദങ്ങൾ)
സ്ഥിരതയോടെയും ആസൂത്രണത്തോടെയും മുന്നോട്ടുപോകേണ്ട സമയമാണ്. മുടങ്ങിക്കിടന്ന ചില കാര്യങ്ങൾ പുനരാരംഭിക്കാൻ അവസരം ലഭിച്ചേക്കാം. പുതിയ തീരുമാനങ്ങൾ എടുക്കുമ്പോൾ പ്രായോഗികമായ സമീപനം സ്വീകരിക്കുക.
വരുമാനം മെച്ചപ്പെടുത്താനുള്ള ആശയങ്ങൾ പ്രാവർത്തികമാക്കാം. കുടുംബാവശ്യങ്ങൾക്ക് ചെലവ് വർധിക്കാം. നിക്ഷേപങ്ങളിലും വലിയ സാമ്പത്തിക തീരുമാനങ്ങളിലും ആവശ്യമായ പരിശോധന നടത്തുക. കഠിനാധ്വാനത്തിന് അംഗീകാരം ലഭിക്കാൻ സാധ്യത. വ്യാപാരികൾക്ക് പഴയ ഉപഭോക്താക്കളിൽനിന്ന് സഹായകരമായ പ്രതികരണങ്ങൾ ലഭിച്ചേക്കാം. പുതിയ കരാറുകൾ സ്വീകരിക്കുന്നതിന് മുമ്പ് വ്യവസ്ഥകൾ വ്യക്തമായി മനസ്സിലാക്കുക.
കുടുംബത്തിൽ സന്തോഷകരമായ അന്തരീക്ഷം നിലനിർത്താൻ കഴിയും. ദാമ്പത്യബന്ധത്തിൽ തുറന്ന ആശയവിനിമയം ഗുണം ചെയ്യും. ബന്ധുക്കളുമായുള്ള കൂടിക്കാഴ്ച സന്തോഷം പകരും. പഠിച്ച കാര്യങ്ങൾ ആവർത്തിച്ച് പരിശീലിക്കുന്നത് മികച്ച ഫലം നൽകും. കലാ-സാഹിത്യ മേഖലകളിൽ താൽപര്യമുള്ള വിദ്യാർത്ഥികൾക്ക് കഴിവുകൾ പ്രകടിപ്പിക്കാൻ അവസരം ഉണ്ടാകും.
ദോഷപരിഹാരം: വെള്ളിയാഴ്ച മഹാലക്ഷ്മിയെ പ്രാർത്ഥിക്കുക. ഓം ശ്രീം മഹാലക്ഷ്മ്യൈ നമഃ എന്ന മന്ത്രം ജപിക്കുക. അന്നദാനം നടത്തുക.

മിഥുനക്കൂറ്
(മകയിരം അവസാന 2 പാദങ്ങൾ), തിരുവാതിര, പുണർതം ആദ്യ 3 പാദങ്ങൾ)
മികച്ച ആശയവിനിമയത്തിനും പുതിയ കാര്യങ്ങൾ പഠിക്കുന്നതിനും കഴിയും. നല്ല അനുഭവങ്ങൾ ഉണ്ടാകാം. ഒരേസമയം നിരവധി കാര്യങ്ങളിൽ ശ്രദ്ധ കേന്ദ്രീകരിക്കുന്നത് സമ്മർദ്ദമുണ്ടാക്കാം. പ്രധാനപ്പെട്ട കാര്യങ്ങൾക്ക് മുൻഗണന നൽകുക. ചെറിയ വരുമാനസാധ്യതകൾ പ്രയോജനപ്പെടുത്താൻ കഴിയും. എന്നാൽ പെട്ടെന്നുള്ള ലാഭം പ്രതീക്ഷിച്ച് പണം ചെലവാക്കരുത്. കടം കൊടുക്കുമ്പോഴും വാങ്ങുമ്പോഴും വ്യക്തമായ ധാരണയുണ്ടാക്കുക. എഴുത്ത്, അധ്യാപനം, വിൽപ്പന, മാധ്യമപ്രവർത്തനം, ഓൺലൈൻ ബിസിനസ് തുടങ്ങിയ മേഖലകളിലുള്ളവർക്ക് പുതിയ ആശയങ്ങൾ പ്രയോജനപ്പെടും. സഹപ്രവർത്തകരുമായി അഭിപ്രായവ്യത്യാസങ്ങൾ ഉണ്ടായാൽ സംസാരിച്ച് പരിഹരിക്കുക.
കുടുംബാംഗങ്ങളുടെ പ്രശ്നങ്ങൾ ശ്രദ്ധയോടെ കേൾക്കുക. തെറ്റിദ്ധാരണ ഒഴിവാക്കാൻ കാര്യങ്ങൾ വ്യക്തമായി സംസാരിക്കുക. സഹോദരങ്ങളുമായി ബന്ധപ്പെട്ട കാര്യങ്ങളിൽ സന്തോഷകരമായ പുരോഗതി ലഭിക്കും. വിദ്യാർത്ഥികൾക്ക് പുതിയ വിഷയങ്ങൾ മനസ്സിലാക്കാനും ഓർമ്മിക്കാനും കഴിയും
ദോഷപരിഹാരം: തിങ്കളാഴ്ച ശിവന് ജലധാര നടത്തുക. എന്നും ഓം നമഃ ശിവായ 108 തവണ ജപിക്കണം.

കർക്കടകക്കൂറ്
(പുണർതം അവസാന പാദം, പൂയം, ആയില്യം)
കുടുംബത്തിനും വ്യക്തിപരമായ കാര്യങ്ങൾക്കും കൂടുതൽ പ്രാധാന്യം നൽകും. മനസ്സിൽ ആശങ്കകൾ ഉണ്ടാകുന്ന സാഹചര്യങ്ങളിൽ വികാരങ്ങളെ നിയന്ത്രിച്ച് തീരുമാനമെടുക്കുക. ക്ഷമയോടെ പ്രവർത്തിച്ചാൽ തടസ്സങ്ങൾ മറികടക്കാനാകും. വീടുമായി ബന്ധപ്പെട്ട ചെലവുകളോ അപ്രതീക്ഷിത ആവശ്യങ്ങളോ ഉണ്ടായേക്കാം. വരുമാനത്തിന്റെ ഒരു ഭാഗം സമ്പാദ്യമായി മാറ്റിവയ്ക്കുക. പഴയ സാമ്പത്തിക ബാധ്യതകൾ ക്രമീകരിക്കാൻ ശ്രമിക്കുക.
ജോലിയിൽ ഉത്തരവാദിത്വം വർധിക്കാം. പൂർത്തിയാക്കാത്ത ജോലികൾ ക്രമപ്പെടുത്തി മുന്നോട്ടുപോകുക. തൊഴിൽമാറ്റം ആലോചിക്കുന്നവർ ലഭിക്കുന്ന അവസരങ്ങളെക്കുറിച്ച് വിശദമായി അന്വേഷിക്കുക.
ബന്ധങ്ങളിൽ സ്നേഹവും കരുതലും പ്രകടിപ്പിക്കുന്നത് ഗുണം ചെയ്യും. മുതിർന്നവരുടെ ആരോഗ്യ-ക്ഷേമ കാര്യങ്ങളിൽ ശ്രദ്ധ നൽകുക. വീട്ടിലെ പ്രധാന തീരുമാനങ്ങൾ കൂട്ടായ ചർച്ചയിലൂടെ കൈക്കൊള്ളുക. പരീക്ഷാഭയം കുറയ്ക്കാൻ ആവർത്തിച്ചുള്ള പരിശീലനവും കൃത്യമായ വിശ്രമവും സഹായിക്കും.
ദോഷപരിഹാരം: തിങ്കളാഴ്ച ശിവഭഗവാനെ പ്രാർത്ഥിച്ച് ഓം നമഃ ശിവായ 108 തവണ ജപിക്കുക. സാധിക്കുന്നവർക്ക് ശിവക്ഷേത്രദർശനം നടത്താം.

ചിങ്ങക്കൂറ്
(മകം, പൂരം, ഉത്രം ആദ്യ പാദം)
നേതൃത്വപരമായ കഴിവുകൾ പ്രകടിപ്പിക്കാൻ അവസരം ലഭിച്ചേക്കാം. ആത്മവിശ്വാസം നല്ലതാണെങ്കിലും മറ്റുള്ളവരുടെ അഭിപ്രായങ്ങൾ കൂടി പരിഗണിക്കണം. അംഗീകാരം നേടാൻ സ്ഥിരമായ പരിശ്രമം ആവശ്യമാണ്. വരുമാനം വർധിപ്പിക്കാൻ  പുതിയ മാർഗങ്ങളെക്കുറിച്ച് ചിന്തിക്കാം. ആഡംബരച്ചെലവുകൾ നിയന്ത്രിക്കുക. വ്യാപാരത്തിൽ പണം മുടക്കുമ്പോൾ ലാഭസാധ്യതകൾ മാത്രമല്ല, അപകടസാധ്യതകളും വിലയിരുത്തുക.
മേലധികാരികളുടെയും സഹപ്രവർത്തകരുടെയും ശ്രദ്ധ നേടാൻ കഴിയും. ഉത്തരവാദിത്വത്തോടെ ജോലികൾ പൂർത്തിയാക്കുക. സ്വയംതൊഴിൽ ചെയ്യുന്നവർ ഉപഭോക്തൃബന്ധങ്ങൾ മെച്ചപ്പെടുത്താൻ ശ്രദ്ധിക്കുക.
കുടുംബത്തിൽ നിങ്ങളുടെ അഭിപ്രായങ്ങൾക്ക് പ്രാധാന്യം ലഭിച്ചേക്കാം. എന്നാൽ എല്ലാവരുടെയും വികാരങ്ങൾ മാനിക്കുക. കുട്ടികളുടെ കാര്യങ്ങളിൽ കൂടുതൽ സമയം ചെലവഴിക്കുന്നത് സന്തോഷം നൽകും.
മത്സരപരീക്ഷകൾക്കും അഭിമുഖങ്ങൾക്കും തയ്യാറെടുക്കുന്നവർക്ക് കൃത്യമായ പരിശീലനം ഗുണം ചെയ്യും. ആത്മവിശ്വാസക്കുറവ് മാറ്റി ലക്ഷ്യത്തിൽ ശ്രദ്ധ കേന്ദ്രീകരിക്കുക.
ദോഷപരിഹാരം: ഞായറാഴ്ച സൂര്യ അഷ്ടോത്തരം ജപിക്കുക. എന്നും ഓം നമഃ ശിവായ 108 തവണ ജപിക്കുക.

കന്നിക്കൂറ്
(ഉത്രം അവസാന 3 പാദങ്ങൾ, അത്തം, ചിത്തിര ആദ്യ 2 പാദങ്ങൾ)
കാര്യങ്ങൾ കൃത്യമായും ക്രമമായും ചെയ്യുന്നതിലൂടെ നേട്ടങ്ങൾ കൈവരിക്കാൻ കഴിയും. ചെറിയ പിഴവുകൾ പോലും ശ്രദ്ധിക്കേണ്ട സാഹചര്യമുണ്ടാകാം. മറ്റുള്ളവരുടെ ചുമതലകൾ അനാവശ്യമായി ഏറ്റെടുക്കാതെ സ്വന്തം ജോലികൾക്ക് മുൻഗണന നൽകുക. കണക്കുകൾ പരിശോധിച്ച് ചെലവുകൾ നിയന്ത്രിക്കാൻ നല്ല സമയമാണ്. പഴയ സാമ്പത്തിക രേഖകളും ഇടപാടുകളും ക്രമപ്പെടുത്തുക. പുതിയ വരുമാനമാർഗങ്ങൾ തേടുമ്പോൾ പ്രായോഗികതയ്ക്ക് പ്രാധാന്യം നൽകുക. കൃത്യതയും കാര്യക്ഷമതയും ജോലിയിൽ നേട്ടമുണ്ടാക്കും. രേഖകൾ, കരാറുകൾ, കണക്കുകൾ എന്നിവ ശ്രദ്ധാപൂർവം പരിശോധിക്കുക. സഹപ്രവർത്തകരുടെ സഹായം സ്വീകരിക്കുന്നത് ജോലിഭാരം കുറയ്ക്കും. വീട്ടിലെ ചെറിയ പ്രശ്നങ്ങൾ സംസാരിച്ച് പരിഹരിക്കാം. അമിതമായ വിമർശനം ബന്ധങ്ങളിൽ അകൽച്ച സൃഷ്ടിക്കാതിരിക്കാൻ ശ്രദ്ധിക്കുക. കുടുംബാംഗങ്ങളുടെ അഭിപ്രായങ്ങൾ മാനിക്കുക. ശാസ്ത്രീയമായ പഠനരീതികൾ സ്വീകരിക്കുന്നത് നല്ല ഫലം നൽകും.
ദോഷപരിഹാരം: വെള്ളിയാഴ്ച ഗണപതി ഹോമം നടത്തുക. എന്നും ഓം ഗം ഗണപതയേ നമഃ108 തവണ ജപിക്കുക

തുലാക്കൂറ്
(ചിത്തിര അവസാന 2 പാദങ്ങൾ, ചോതി, വിശാഖം ആദ്യ 3 പാദങ്ങൾ)
ബന്ധങ്ങൾ മെച്ചപ്പെടുത്താനും പുതിയ ആശയങ്ങൾ നടപ്പാക്കാനും ശ്രമിക്കും. തീരുമാനങ്ങൾ എടുക്കുമ്പോൾ മറ്റുള്ളവരെ അമിതമായി ആശ്രയിക്കാതെ സ്വന്തം ആവശ്യങ്ങളും സാധ്യതകളും വിലയിരുത്തുക.
പങ്കാളിത്തത്തിലൂടെയോ പുതിയ ഉപഭോക്താക്കളിലൂടെയോ വരുമാനസാധ്യതകൾ ഉണ്ടാകാം. എന്നാൽ സാമ്പത്തിക ഇടപാടുകളിൽ വാക്കാലുള്ള ഉറപ്പുകളെ മാത്രം ആശ്രയിക്കരുത്. ചെലവും സമ്പാദ്യവും തമ്മിൽ സന്തുലിതാവസ്ഥ നിലനിർത്തുക. ടീം പ്രവർത്തനങ്ങളിലും ചർച്ചകളിലും നിങ്ങളുടെ കഴിവുകൾ പ്രയോജനപ്പെടും. പുതിയ പദ്ധതികൾ ഏറ്റെടുക്കുന്നതിന് മുമ്പ് സമയവും ഉത്തരവാദിത്വവും കണക്കാക്കുക. ജോലിസ്ഥലത്തെ അനാവശ്യ തർക്കങ്ങൾ ഒഴിവാക്കുക. ദാമ്പത്യത്തിൽ പരസ്പര ധാരണ വർധിപ്പിക്കാൻ സാധിക്കും. കുടുംബത്തിലെ പഴയ അഭിപ്രായവ്യത്യാസങ്ങൾ പരിഹരിക്കാൻ ശ്രമിക്കുക. അടുത്തവരുമായി സന്തോഷകരമായ സമയം ചെലവഴിക്കുക. കൂട്ടായ പഠനവും ചർച്ചകളും വിദ്യാർത്ഥികൾക്ക് പ്രയോജനപ്പെടും. കല, ഡിസൈൻ, ഭാഷ തുടങ്ങിയ മേഖലകളിൽ നേട്ടം ലഭിക്കും.
ദോഷപരിഹാരം: വെള്ളിയാഴ്ച ദേവീ
ക്ഷേത്രത്തിൽ കുങ്കുമാർച്ചന നടത്തുക. എന്നും ഓം ശ്രീം മഹാലക്ഷ്മ്യൈ നമഃ 108 തവണ ജപിക്കുക.

വൃശ്ചികക്കൂറ്
(വിശാഖം അവസാന പാദം, അനിഴം, തൃക്കേട്ട)
ക്ഷമയും ആത്മനിയന്ത്രണവും പാലിക്കേണ്ട സമയമാണ്. ചില കാര്യങ്ങളിൽ പ്രതീക്ഷിച്ച വേഗത്തിൽ പുരോഗതിയുണ്ടാകണമെന്നില്ല. അതുകൊണ്ട് നിരാശപ്പെടാതെ തുടർച്ചയായ ശ്രമം നടത്തുക. കടബാധ്യത കുറയ്ക്കാനും ചെലവ് ക്രമീകരിക്കാനും ശ്രദ്ധിക്കുക. മറ്റുള്ളവരുടെ നിർദേശപ്രകാരം പെട്ടെന്ന് പണം നിക്ഷേപിക്കുന്നത് ഒഴിവാക്കുക. സാമ്പത്തികമായി പ്രധാനപ്പെട്ട തീരുമാനങ്ങൾ പുനഃപരിശോധിക്കുന്നത് ഗുണം ചെയ്യും. ജോലിയിൽ സമ്മർദം അനുഭവപ്പെടുന്ന സാഹചര്യങ്ങൾ ഉണ്ടായേക്കാം. പ്രധാനപ്പെട്ട കാര്യങ്ങൾ മുൻകൂട്ടി ആസൂത്രണം ചെയ്യുക. പുതിയ ഉത്തരവാദിത്വങ്ങൾ ഏറ്റെടുക്കുമ്പോൾ സ്വന്തം കഴിവും സമയവും പരിഗണിക്കുക. വീട്ടിൽ ചെറിയ തെറ്റിദ്ധാരണ വലുതാകാതിരിക്കാൻ ശ്രദ്ധിക്കുക. മനസ്സിലുള്ള കാര്യങ്ങൾ ശാന്തമായി തുറന്നുപറയുക. കുടുംബാംഗങ്ങളുടെ പിന്തുണ മാനസിക ആശ്വാസം നൽകും.
വിദ്യാർത്ഥികൾക്ക് മുടങ്ങിയ പഠനം പൂർത്തിയാക്കാൻ കഴിയും. നിരന്തരമായ പരിശീലനം ആത്മവിശ്വാസം വർധിപ്പിക്കും.
ദോഷപരിഹാരം: ചൊവ്വാഴ്ച സുബ്രഹ്മണ്യസ്വാമിക്ക് ഭസ്‌മാഭിഷേകം നടത്തുക. ഓം ശരവണഭവായ നമഃ എന്നും 108 തവണ ജപിക്കണം.

ധനുക്കൂറ്
(മൂലം, പൂരാടം, ഉത്രാടം ആദ്യ പാദം)
പുതിയ കാര്യങ്ങൾ പഠിക്കാനും ദീർഘകാല ലക്ഷ്യങ്ങൾക്കായി പ്രവർത്തിക്കാനും പ്രേരണ ലഭിച്ചേക്കാം. അനുഭവസമ്പന്നരായ വ്യക്തികളുടെ ഉപദേശങ്ങൾ പ്രയോജനപ്പെടും. അമിതമായ ആത്മവിശ്വാസം കാരണം പ്രധാനപ്പെട്ട കാര്യങ്ങൾ അവഗണിക്കരുത്. വരുമാനം വർധിപ്പിക്കാനുള്ള പുതിയ സാധ്യതകൾ അന്വേഷിക്കാം. യാത്ര, പരിശീലനം, പഠനം തുടങ്ങിയ ആവശ്യങ്ങൾക്ക് ചെലവ് വരാം. ഭാവിയിലേക്കുള്ള സമ്പാദ്യപദ്ധതി തയ്യാറാക്കുന്നത് നല്ലതാണ്. പുതിയ ജോലി അന്വേഷിക്കുന്നവരും തൊഴിൽപരമായ മുന്നേറ്റം ആഗ്രഹിക്കുന്നവരും ശ്രമങ്ങൾ തുടരുക. ബിസിനസ് വികസനത്തിന് പുതിയ ആശയങ്ങൾ ലഭിച്ചേക്കാം. കരാറുകളിലും ഔദ്യോഗിക രേഖകളിലും വ്യക്തത ഉറപ്പാക്കുക. ബന്ധുക്കളുമായി സന്തോഷകരമായ ഇടപെടലുകൾ ഉണ്ടാകാം. കുടുംബത്തോടൊപ്പം യാത്രയോ ചെറിയ ഒത്തുചേരലോ ആസൂത്രണം ചെയ്യാം. മുതിർന്നവരുടെ നിർദേശങ്ങൾ പരിഗണിക്കുക. ഉന്നതപഠനം, മത്സരപരീക്ഷകൾ, പുതിയ കോഴ്സുകൾ എന്നിവയ്ക്കായി തയ്യാറെടുക്കുന്നവർക്ക് നല്ല സമയം
ദോഷപരിഹാരം: വ്യാഴാഴ്ച മഹാവിഷ്ണുവിന് പാൽ പായസം നടത്തി പ്രാർത്ഥിക്കുക. നിത്യവും ഓം നമോ നാരായണായ 108 തവണ ജപിക്കുക.

മകരക്കൂറ്
(ഉത്രാടം അവസാന 3 പാദങ്ങൾ), തിരുവോണം, അവിട്ടം ആദ്യ 2 പാദങ്ങൾ)
ഉത്തരവാദിത്വത്തോടെ പ്രവർത്തിക്കുകയും ദീർഘകാല ലക്ഷ്യങ്ങളിൽ ശ്രദ്ധ കേന്ദ്രീകരിക്കുകയും ചെയ്യേണ്ട സമയം. ഫലം വൈകിയാലും കഠിനാധ്വാനം ഉപേക്ഷിക്കരുത്. വിശ്രമത്തിനും കുടുംബത്തിനും ആവശ്യമായ സമയം കണ്ടെത്തുക.
സമ്പാദ്യം വർധിപ്പിക്കാനും ചെലവുകൾ നിയന്ത്രിക്കാനും ശ്രദ്ധിക്കുക. വീടിനോ കുടുംബത്തിനോ വേണ്ടിയുള്ള ചെലവുകൾ മുൻകൂട്ടി ആസൂത്രണം ചെയ്യുക. വലിയ സാമ്പത്തിക ബാധ്യതകൾ ഏറ്റെടുക്കുന്നതിന് മുമ്പ് തിരിച്ചടവിന്റെ സാധ്യത പരിശോധിക്കുക. സ്ഥിരതയോടെയുള്ള പ്രവർത്തനം അംഗീകാരം നേടാൻ സഹായിക്കും. ജോലിയിൽ പുതിയ ചുമതലകൾ ലഭിച്ചേക്കാം. മേലധികാരികളുമായി വ്യക്തമായ ആശയവിനിമയം നടത്തുക.
ജോലിത്തിരക്കിനിടയിൽ കുടുംബത്തെ അവഗണിക്കാതിരിക്കുക. വീട്ടിലെ മുതിർന്നവരുടെ കാര്യങ്ങളിൽ ശ്രദ്ധ നൽകുക. ദാമ്പത്യബന്ധത്തിൽ പരസ്പര പിന്തുണയും വിശ്വാസവും നിലനിർത്തുക. പരീക്ഷയ്ക്ക് തയ്യാറെടുക്കുന്നവർക്ക്. മടിയും നീട്ടിവയ്ക്കുന്ന ശീലവും ദോഷം ചെയ്യും.
ദോഷപരിഹാരം: ശനിയാഴ്ച ധർമ്മശാസ്താവിന് നീരാജനം സമർപ്പിക്കുക. എന്നും ഓം ഘ്രൂം നമഃ പരായ ഗോപ്ത്രേ 108 തവണ ജപിക്കണം.

കുംഭക്കൂറ്
(അവിട്ടം അവസാന 2 പാദങ്ങൾ, ചതയം, പൂരുരുട്ടാതി ആദ്യ 3 പാദങ്ങൾ)
വ്യത്യസ്തമായ ആശയങ്ങളും പുതിയ പ്രവർത്തനരീതികളും പ്രയോജനപ്പെടുത്താൻ കഴിയുന്ന സമയമാണ്. എന്നാൽ ആലോചനകൾ മാത്രം മതിയാകില്ല; അവ നടപ്പാക്കാൻ വ്യക്തമായ പദ്ധതിയും അച്ചടക്കവും ആവശ്യമാണ്. അധിക വരുമാനത്തിനായി പുതിയ മാർഗങ്ങൾ തേടാം. ഓൺലൈൻ പ്രവർത്തനങ്ങൾ, സാങ്കേതികവിദ്യയുമായി ബന്ധപ്പെട്ട മേഖലകൾ തുടങ്ങിയവയിൽ അവസരങ്ങൾ അന്വേഷിക്കാം. വരുമാനം ഉറപ്പാകുന്നതിന് മുമ്പ് അമിതമായി ചെലവഴിക്കരുത്. കൂട്ടായ പ്രവർത്തനങ്ങളിലും പുതിയ പദ്ധതികളിലും കഴിവുകൾ പ്രകടിപ്പിക്കാം. സഹപ്രവർത്തകരുടെ അഭിപ്രായങ്ങൾ പരിഗണിക്കുക. തൊഴിൽമാറ്റം ആലോചിക്കുന്നവർക്ക് ആവശ്യമായ നൈപുണ്യങ്ങൾ വികസിപ്പിക്കുന്നത് ഗുണം ചെയ്യും. വ്യക്തിപരമായ സ്വാതന്ത്ര്യവും കുടുംബത്തിന്റെ ആവശ്യങ്ങളും തമ്മിൽ സന്തുലിതാവസ്ഥ പാലിക്കുക. സുഹൃത്തുക്കളുമായുള്ള ബന്ധങ്ങൾ സന്തോഷം നൽകും. കുടുംബത്തിലെ പ്രധാന തീരുമാനങ്ങളിൽ എല്ലാവരെയും ഉൾപ്പെടുത്തുക. ശാസ്ത്രം, സാങ്കേതികവിദ്യ, ഗവേഷണം തുടങ്ങിയ മേഖലകളിൽ താൽപര്യമുള്ള വിദ്യാർത്ഥികൾക്ക് പുതിയ കാര്യങ്ങൾ പഠിക്കാൻ കഴിയും.
ദോഷപരിഹാരം: ശനിയാഴ്ച ഹനുമാൻ സ്വാമിക്ക് വെറ്റിലമാല സമർപ്പിക്കുക. നിത്യവും ഓം ഹം ഹനുമതേ നമഃ ജപിക്കുക.

മീനക്കൂറ്
(പൂരുരുട്ടാതി അവസാന പാദം, ഉത്രട്ടാതി, രേവതി)
ആത്മീയചിന്തകൾക്കും വ്യക്തിപരമായ പുരോഗതിക്കും പ്രാധാന്യം നൽകാൻ കഴിയും. ചില കാര്യങ്ങളിൽ തീരുമാനമെടുക്കാൻ കൂടുതൽ സമയം വേണ്ടിവന്നേക്കാം. മറ്റുള്ളവരുടെ വാക്കുകളേക്കാൾ വസ്തുതകൾക്ക് പ്രാധാന്യം നൽകുക. വരുമാനവും ചെലവും കൃത്യമായി വിലയിരുത്തുക. അനാവശ്യമായി നൽകുന്ന സഹായ വാഗ്ദാനങ്ങൾ സാമ്പത്തിക ബുദ്ധിമുട്ടുണ്ടാക്കാതിരിക്കാൻ ശ്രദ്ധിക്കുക. സമ്പാദ്യം വർധിപ്പിക്കാൻ നടപടികൾ സ്വീകരിക്കുക.
ജോലിയിൽ പുതിയ ഉത്തരവാദിത്വങ്ങൾ ഏറ്റെടുക്കാനുള്ള സാഹചര്യം ഉണ്ടായേക്കാം. കല, അധ്യാപനം, സേവനമേഖല തുടങ്ങിയ മേഖലകളിലുള്ളവർക്ക് സ്വന്തം കഴിവുകൾ മെച്ചപ്പെടുത്താൻ അവസരങ്ങൾ തേടാം. ജോലികൾ സമയബന്ധിതമായി പൂർത്തിയാക്കുക. കുടുംബാംഗങ്ങളോട് സ്നേഹപൂർവം പെരുമാറുക. പഴയ തെറ്റിദ്ധാരണകൾ പരിഹരിക്കാൻ ശ്രമിക്കുക. കുടുംബത്തിൽ സമാധാനവും പരസ്പരവിശ്വാസവും നിലനിർത്തുന്നത് പ്രധാനമാണ്. വിദ്യാർത്ഥികൾ വിദ്യാർത്ഥികൾ പഠനത്തിന് കൃത്യമായ സമയക്രമം പാലിക്കുക. മതിയായ ആവർത്തനം ഉറപ്പാക്കുക.
ദോഷപരിഹാരം: വ്യാഴാഴ്ച വിഷ്ണു സഹസ്രനാമം ജപിക്കുക. ഓം നമോ ഭഗവതേ വാസുദേവായ 108 തവണ ജപിക്കുക.

ജ്യോതിഷരത്നം വേണു മഹാദേവ് ,
മൊബൈൽ: + 91 9847575559

Summary: Weekly Star predictions based on moon sign by Venu Mahadev

Highlights
നവരാത്രി വ്രതം നോറ്റാൽ തീരാത്ത ദുരിതങ്ങളില്ല; എല്ലാ ഇഷ്ടങ്ങളും കൈവരും

നവരാത്രിയിൽ എന്നും രാവിലെ ദേവീമാഹാത്മ്യവും ലളിതാസഹസ്രനാമവും പാരായണം ചെയ്യണം.

ഒക്ടോബർ 15 നാണ് ശ്രീ ലളിതാംബികാ ദേവി അവതരിച്ച ശ്രീ ലളിതാപഞ്ചമി

(നേരം ഓൺ ലൈൻ വാട്‌സ്ആപ്പിലും ലഭിക്കും : NeramOnline.com . നേരം ഓൺലൈനിൻ പ്രസിദ്ധീകരിക്കാൻ ലേഖനങ്ങൾ, ചിത്രങ്ങൾ, വീഡിയോകൾ അയയ്ക്കേണ്ട വാട്‌സ്ആപ്പ് നമ്പർ : + 91 81380 15500 . Visit our online store https://www.okalasha.com, for Devotional Decors, Photos, Jewels and Book’s etc)

Copyright @ 2026 NeramOnline.com . All rights reserved.