വി സജീവ് ശാസ്താരം
ധൈര്യം, വീര്യം , ജ്ഞാനം എന്നിവയുടെ ദേവിയായ ചന്ദ്രഘണ്ഡയെയാണ് നവരാത്രിയുടെ ത്രിതീയ തിഥിയിൽ പൂജിക്കുന്നത്. കൈയിൽ അക്ഷമാലയും കമണ്ഡലുവും ധരിച്ച് അനേകം ആയുധങ്ങളുമായി യുദ്ധസന്നദ്ധയായി മഹിഷാസുരനെ നിഗ്രഹിക്കാൻ തയ്യാറായിരിക്കുന്ന മഹിഷാസുരമര്ദ്ദിനി ഭാവം. ദേവിയുടെ തിരുനെറ്റിയിൽ അർദ്ധചന്ദ്ര രൂപത്തിൽ ഒരു മണിയുണ്ട്. ആ മണിയാണ് ചന്ദ്രഘണ്ഡ രൂപത്തിലെ സങ്കല്പത്തിന് ആധാരം. ഭക്തര്ക്ക് അഭയവും ദുര്ജ്ജനങ്ങള്ക്ക് നാശവും ചെയ്യുന്ന ഭാവമാണിത്. സിംഹപ്പുറത്തിരിക്കുന്ന ദേവിയുടെ പത്തു കൈകളിൽ, ശൂലം, അസ്ത്രം, വില്ല്, ഗദ, താമരപ്പൂവ്, അക്ഷമാല, കമണ്ഡലു, ചിന്മുദ്ര, അഭയമുദ്ര എന്നിവ ധരിച്ചിരിക്കുന്നു. ശത്രുനാശം, രോഗശാന്തി തുടങ്ങിയവയാണ് ഈ ഭാവത്തില് ആരാധിച്ചാൽ ഫലം. മണിപുരചക്രത്തിന്റെ അധിദേവതയാണ് ചന്ദ്രഘണ്ഡാദേവിയുടെ സ്തുതിയും സ്തോത്രവും:
🌒 സ്തുതി
പിണ്ഡജ പ്രവരാരൂഢ
ചണ്ഡ കോപാസ്ത്രകൈർയുത
പ്രസാദം തനുതേമഹ്യം
ചന്ദ്രഘണ്ഡേതി വിശ്രുത:
🌒 ധ്യാനം
വന്ദേ വാഞ്ഛിതലാഭായ
ചന്ദ്രാര്ധകൃതശേഖരാം
സിംഹാരൂഢാം ദശഭുജാഞ്ചന്ദ്രഘണ്ഡാം
യശസ്വനീം
കഞ്ജനാഭാം മണിപുരസ്ഥിതാം
തൃതീയദുര്ഗാം ത്രിനേത്രാം
ഖഡ്ഗഗ ദാത്രിശൂലചാപധരാം പദ്മ
കമണ്ഡലു മാലാ വരാഭയകരാം
പടാംബര പരിധാനാം മൃദുഹാസ്യാം
നാനാലങ്കാരഭൂഷിതാം
മഞ്ജീര – ഹാര – കേയൂര – കിങ്കിണീ
രത്നകുണ്ഡല മണ്ഡിതാം
പ്രഫുല്ലവദനാം ബിംബാധരാം കാന്തങ്കപോലാംതുംഗകുചാം
കമനീയാം ലാവണ്യാം ക്ഷീണകടിം
നിതംബനീം
🌒 സ്ത്രോത്രം
ആപദുദ്ധാരിണീ ത്വം ഹി ആദ്യാശക്തിഃ ശുഭാ പരാ
അണിമാദിസിദ്ധിദാത്രി ചന്ദ്രഘണ്ഡേപ്രണമാമ്യഹം
ചന്ദ്രമുഖീ ഇഷ്ടദാത്രീ ഇഷ്ടമന്ത്രസ്വരൂപണീ
ധനദാത്ര്യാനന്ദദാത്രീ ചന്ദ്രഘണ്ഡേപ്രണമാമ്യഹം
നാനാരൂപധാരിണീ ഇച്ഛാമയീ ഐശ്വര്യദായനീ
സൌഭാഗ്യാരോഗ്യദായനീ ചന്ദ്രഘണ്ഡേപ്രണമാമ്യഹം
കുശിഷ്യായ കുടിലായ വഞ്ചകായ നിന്ദാകായ ച
ന ദാതവ്യം ന ദാതവ്യം ന ദാതവ്യങ്കദാചന
ALSO READ
🌒 ജപമന്ത്രം
ഓം ദേവി ചന്ദ്രഘണ്ഡായൈ നമഃ
🌒 നവദുർഗ്ഗാ സ്തോത്രം
ദുർഗ്ഗതികൾ നീക്കി ധന, ധാന്യ സമൃദ്ധിയും ബലവും ആയുരാരോഗ്യ സൗഖ്യവും കീർത്തിയും നൽകുന്നതാണ് നവദുർഗ്ഗാ സ്തോത്രം. ഇത് നവരാത്രി കാലത്ത് മാത്രമല്ല
എപ്പോഴും ജപിക്കാം. ഭക്തിപൂർവം ഇത് ജപിച്ചാൽ ഭയം, രോഗമുക്തി, ശത്രു ദോഷ മുക്തി എല്ലാം ലഭിക്കും. പ്രസിദ്ധ ഗായകൻ മണക്കാട് ഗോപൻ ആലപിച്ച
നവദുർഗ്ഗാ സ്തോത്രം കേൾക്കാം :
വി സജീവ് ശാസ്താരം, + 91 9656377700
ശാസ്താരം അസ്ട്രോളജി, പെരുന്ന, ചങ്ങനാശ്ശേരി
sastharamastro@gmail.com
www.sastharamastro.in
Story Summary: Navaratri Third Day Worship: Goddess Chandraghanta the third form of Goddess Parvati (Durga) Dhayanam and Stotram
Copyright 2025 riyoceline.com/projects/Neram/. All rights reserved
